Lunar Eclipse 2024 : ఈ ఏడాది మెుదటి చంద్రగ్రహణం ఎప్పుడంటే? ఇది చాలా ప్రత్యేకం.. కానీ

సూర్యుడు, చంద్రుడు, భూమి మూడు ఒకే సరళ రేఖలో ఉన్నప్పుడు గ్రహణం ఏర్పడుతుంది. సూర్యుడు, చంద్రుని మధ్య భూమి వచ్చినప్పుడు, సూర్యుని ప్రత్యక్ష కిరణాలు చంద్రునిపై ప్రకాశించకుండా నిరోధించబడతాయి. అందుకే చంద్రగ్రహణం ఏర్పడుతుంది.

ఈ విధంగా ఈ సంవత్సరం 2024 మొదటి చంద్రగ్రహణం మార్చి 25 న ఏర్పడుతుంది. హోలీ పండుగ ఈ రోజున వస్తుంది. అందుకే ఈ ఏడాది చంద్రగ్రహణం ప్రత్యేకంగా పరిగణిస్తారు. ఈ చంద్రగ్రహణం భారత కాలమానం ప్రకారం ఉదయం 10:23 నుండి మధ్యాహ్నం 03:02 వరకు ఉంటుంది. దీని మొత్తం వ్యవధి 4 గంటల 36 నిమిషాలు. ఈ చంద్రగ్రహణం చాలా ప్రత్యేకమైనదిగా చెబుతున్నారు. హోలీ రోజున వస్తుండటంతో ప్రత్యేకత సంతరించుకుంది.

భారతదేశంలో చూడవచ్చా?

ఈ చంద్రగ్రహణాన్ని భారతదేశంలో చూడలేము. కానీ ఇది యునైటెడ్ స్టేట్స్, జపాన్, రష్యా, ఐర్లాండ్, ఇంగ్లాండ్, స్పెయిన్, పోర్చుగల్, ఇటలీ, జర్మనీ, ఫ్రాన్స్, నెదర్లాండ్స్, బెల్జియం, దక్షిణ నార్వే మరియు స్విట్జర్లాండ్ నుండి చూడవచ్చు.

ఆలయాలకు వెళ్లవచ్చా?

భారత కాలమానం ప్రకారం ఈ చంద్రగ్రహణం పగటిపూట సంభవిస్తుంది. అందుకే మనం చూడలేకపోతున్నాం. దీని కారణంగా దోష కాలం వర్తించదు. ఆలయాలను సందర్శించరు. అలాగే ఆ రోజు శివాలయాల్లో యథావిధిగా ఉత్సవాలు జరుగుతాయి.

సూర్యగ్రహణం ఎప్పుడు?

ఈ ఏడాది ఏప్రిల్ 8న సూర్యగ్రహణం ఏర్పడనుంది. అలాగే భారత కాలమానం ప్రకారం రాత్రిపూట సంభవించే సూర్యగ్రహణాన్ని మనం చూడలేం. అయితే పశ్చిమ యూరప్, ఉత్తర అమెరికా, దక్షిణ అమెరికా, పసిఫిక్, అట్లాంటిక్, ఆర్కిటిక్ తదితర ప్రాంతాల్లో సూర్యగ్రహణం కనిపిస్తుంది.

రెండో చంద్రగ్రహణం

సెప్టెంబర్ 18వ తేదీ బుధవారం రెండో చంద్రగ్రహణం ఏర్పడనుంది. ఈ గ్రహణం ఉదయం 7.45 గంటలకు సంభవించనున్నందున దానిని చూడలేం. అయితే పశ్చిమ యూరప్, ఉత్తర అమెరికా, దక్షిణ అమెరికా, పసిఫిక్, అట్లాంటిక్, ఆర్కిటిక్ ప్రాంతాలలో మాత్రమే చంద్రగ్రహణం కనిపిస్తుంది.

రెండో సూర్యగ్రహణం

అదే విధంగా అక్టోబర్ 2న రెండో సూర్యగ్రహణం ఏర్పడనుంది. ఇది భారతదేశంలో కూడా తెలియదు. కానీ ఈ సూర్యగ్రహణాన్ని ఉత్తర అమెరికా, దక్షిణ అమెరికా, పసిఫిక్, అట్లాంటిక్, ఆర్కిటిక్ ప్రాంతాలలో మాత్రమే చూడవచ్చు. ఈ సంవత్సరం 2024లో 2 చంద్ర గ్రహణాలు, 2 సూర్యగ్రహణాలు ఏర్పడినా అది భారతదేశంలో తెలియదు.

అయితే ఈ మార్చి 25న వచ్చే చంద్రగ్రహణం చాలా ప్రత్యేకం. ఎందుకంటే అదే రోజున హోలీ పండగ కూడా ఉంది. హిందూ మతంలో జరుపుకునే ప్రధాన పండుగలలో హోలీ ఒకటి. కాముని దహనం, డోలికోత్సవం కూడా ఉంటాయి. అందుకే ఈ ఏడాది హోలీ రోజున వచ్చే చంద్రగ్రహణం ప్రత్యేకంగా చెబుతారు. ఈ ఏడాది హోలీ మార్చి 25వ తేదీన ఉంది. పంచాంగం ప్రకారం హోలీ రోజున చంద్రగ్రహణం కూడా ఏర్పడుతుంది. ఈ చంద్రగ్రహణం భారతలో అగుపించదు. ఈకారణంగా సూతక్ కాలం కూడా చెల్లదు. జ్యోతిష్య శాస్త్రం ప్రకారం సుమారు వంద సంవత్సరాల తర్వాత హోలీ రోజున చంద్రగ్రహణం వచ్చింది. అందుకే దీనిని ప్రత్యేకమైనది చెబుతున్నారు.