Wednesday Motivation : లక్ష్యం వైపు వేసేది చిన్న అడుగులే.. కానీ పెద్ద మార్పును తెస్తాయి-wednesday motivation don t disappointed with failures ,లైఫ్‌స్టైల్ న్యూస్
తెలుగు న్యూస్  /  Lifestyle  /  Wednesday Motivation Don't Disappointed With Failures

Wednesday Motivation : లక్ష్యం వైపు వేసేది చిన్న అడుగులే.. కానీ పెద్ద మార్పును తెస్తాయి

HT Telugu Desk HT Telugu
Apr 05, 2023 04:30 AM IST

Wednesday Motivation : జీవితంలో గెలుపు, అపజయాలు సహజం. ఓడిపోతేనే గెలుపు రుచి తెలుస్తుంది. గెలిస్తే.. ప్రపంచానికి మీరు తెలుస్తారు.. ఓడిపోతే ప్రపంచమంటే.. ఏంటో మీకు తెలుస్తుంది.

ప్రతీకాత్మక చిత్రం
ప్రతీకాత్మక చిత్రం

జీవితంలో గెలుపు, అపజయాలు సహజమే.. వాటి గురించి బాధపడాల్సిన అవసరం లేదు. గెలుపుతో పొంగిపోతే.. గర్వం వస్తుంది. ఓటమి పాలైతే.. కుంగిపోవద్దు. ఎంత ప్రయత్నించినా ఫలితం దక్కడం లేదన్న బాధతో మీరు చాలా సార్లు నిరాశలోకి వెళ్లి ఉండవచ్చు. అయితే మీ జీవితంలో కొన్ని మార్పులు చేసుకుంటే విజయం సాధించవచ్చు.

ట్రెండింగ్ వార్తలు

చెడు క్షణంతో మీ రోజును నాశనం చేయనివ్వవద్దు. రోజు ప్రారంభంలో ఒక సంఘటన జరగవచ్చు. కానీ మీరు రోజంతా దాని గురించి ఆలోచిస్తూ ఉంటారు. ఆఫీస్ లో ఎంత పని చేసినా, మంచి పని చేసినందుకు మెచ్చుకోకపోవచ్చు. మీ జీవితంలో సానుకూల మార్పు తీసుకురావడానికి మొదటి విషయం ఏమిటంటే రోజంతా మంచి క్షణాలను గుర్తుంచుకోవడం. మంచి గుర్తుంచుకుంటే అంతా మంచే జరుగుతుంది. చెడుగా ఆలోచిస్తే.. నెగెటివ్ ఆలోచనలు ఎక్కువ అవుతాయి.

మీ భావాలను వ్యక్తపరచండి. మీ అంతర్గత భావాలను వ్యక్తపరచడం నేర్చుకోండి. ఇలా చేయకపోతే మనసులో అనేక రకాల భావోద్వేగాలు పేరుకుపోతాయి. ఈ రకమైన వ్యక్తీకరణ మిమ్మల్ని చాలా బాధపెడుతుంది. మీ మనసులో ఏముందో ఎప్పటికప్పుడు చెప్పాలి.

మీ మనసును నిర్లక్ష్యం చేయకండి. చాలా మంది తమ మనస్సును విస్మరిస్తారు. మీకు ఇష్టమైన ఏదైనా పని చేయాలన్నా లేదా మీకు నచ్చిన ఏదైనా చెప్పాలన్నా లేదా ఆహారం తినాలన్నా పట్టించుకోవాలి. మొదట మీరు మీ మనస్సుకు ప్రాధాన్యత ఇవ్వాలి.

మీరు తినే ఆహారం కూడా ముఖ్యమైనది. మీరు తినే ఆహారం మిమ్మల్ని చురుకుగా ఉంచాలి. మనం తినే ఆహార పదార్థాలు కూడా మనపై చాలా ప్రభావం చూపుతాయి. ఒక్కసారిగా పెద్ద మార్పులు తీసుకురాలేరన్నది నిజం. ఇందుకోసం నిరంతరం కృషి చేయాలి. మనం మన చెడు అలవాట్లను నిదానంగా వదిలేసి, ఆ స్థానంలో మంచి అలవాట్లను అలవర్చుకోవాలి. కాబట్టి భయాందోళనలకు బదులుగా ఓపికపట్టండి. ఎందుకంటే లక్ష్యం వైపు చిన్న అడుగులు పెద్ద మార్పును కలిగిస్తాయి. లక్ష్యం వైపు అడుగులు వేస్తుంటే.. మీరు చాలా విషయాలు నేర్చుకుంటారు. కొత్త ప్రపంచం పరిచయం అవుతుంది.

ఏదైనా పని చేయాలంటే.. ముందుగా దాని గురించి ఆలోచిస్తారు. అయితే దాని గురించే ఆలోచిస్తూ ఉంటే సమస్యలు వస్తాయి. ఆలోచిస్తూ.. కూర్చొంటే సమస్యలు పరిష్కారం కావు. లక్ష్యం వైపు అడుగు పడదు. కచ్చితంగా ప్రయత్నం అనేది ఉండాలి. ఏదైనా చేయాలనుకుంటే.. ముందుగా మెుదలు పెట్టడమే మంచి పని.

WhatsApp channel