3 నెలల్లో 10 కిలోలు తగ్గాలనుకుంటున్నారా? ఫిట్‌నెస్ కోచ్ వెజిటేరియన్ డైట్ ప్లాన్

బరువు తగ్గడానికి చక్కగా ప్లాన్ చేసిన శాఖాహారం చాలా ప్రభావవంతంగా ఉంటుంది. 'ది కాన్షియస్ యోగి' అనే పేరుతో ఇన్‌స్టాగ్రామ్‌లో వెయిట్ లాస్ కోచ్‌గా ‘ఇంట్లో వండిన సాధారణ ఆహారం, ఇంట్లో చేసే వ్యాయామాలతో 20 కిలోలు తగ్గాను" అని పేర్కొంది. జూన్ 12న ఆమె ఇన్‌స్టాగ్రామ్‌లో తన అనుచరులను "3 నెలల్లో 10 కిలోలు తగ్గాలనుకుంటున్నారా?" అని అడిగింది. ఆపై ఫలితాలు చూడటానికి తన 1650-కేలరీల శాఖాహార భోజన ప్రణాళికను ప్రయత్నించమని సూచించింది.

ఆమె తన "బరువు తగ్గడానికి శాఖాహార ఆహార ప్రణాళిక"లో "1650 కేలరీలు, 112 గ్రాముల ప్రోటీన్, 163 గ్రాముల కార్బోహైడ్రేట్లు, 65 గ్రాముల కొవ్వు" ఉంటాయని పేర్కొంటూ ఈ కింది ఆహార ప్రణాళికను సూచించింది.

అల్పాహారం (292 కేలరీలు):

• 150 మి.లీ కప్పు పాలు లేదా పాలతో చేసిన టీ లేదా పాలతో చేసిన కాఫీ (పంచదార లేకుండా)
• 45 గ్రాముల బేసన్ (శనగ పిండి) చీలా, 100 గ్రాముల తురిమిన కూరగాయలు + పుదీనా చట్నీ + 5 గ్రాముల నెయ్యి

మధ్యాహ్నం ముందు చిరుతిండి (187 కేలరీలు):

• 100 గ్రాముల గ్రీక్ యోగర్ట్ + ఐదారు నట్స్ (మిక్స్‌డ్)

మధ్యాహ్న భోజనం (630 కేలరీలు):

• 45 గ్రాముల బియ్యంతో చేసిన అన్నం + 150 గ్రాముల కూరగాయలు, 100 గ్రాముల పనీర్ బుర్జి + 30 గ్రాముల చోలే + 5 గ్రాముల నెయ్యి

సాయంత్రం చిరుతిండి (120 కేలరీలు):

• 1 స్కూప్ వే ప్రోటీన్ పౌడర్ + 100 గ్రాముల పండు (ఆపిల్/పుచ్చకాయ/జామ/సపోటా/ద్రాక్ష)

రాత్రి భోజనం (385 కేలరీలు):

40 గ్రాముల అన్నం + 150 గ్రాముల మిశ్రమ కూరగాయలు, 40 గ్రాముల సోయా చంక్ పులావ్ + 5 గ్రాముల నెయ్యి

(పాఠకులకు గమనిక: ఈ వ్యాసం కేవలం సమాచార ప్రయోజనాల కోసం మాత్రమే మరియు వృత్తిపరమైన వైద్య సలహాకు ప్రత్యామ్నాయం కాదు. ఏదైనా ఆరోగ్య సమస్యల గురించి ప్రశ్నలు ఉంటే ఎల్లప్పుడూ మీ వైద్యుడి సలహా తీసుకోండి.)