Ideas To Distance Couple : మీరు ప్రేమించిన వ్యక్తికి దూరంగా ఉన్నారా? ఇలా సర్‌ప్రైజ్ చేయండి-valentines day tips to long distance couple check ideas here ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Ideas To Distance Couple : మీరు ప్రేమించిన వ్యక్తికి దూరంగా ఉన్నారా? ఇలా సర్‌ప్రైజ్ చేయండి

Ideas To Distance Couple : మీరు ప్రేమించిన వ్యక్తికి దూరంగా ఉన్నారా? ఇలా సర్‌ప్రైజ్ చేయండి

Anand Sai HT Telugu
Feb 13, 2024 12:30 PM IST

Valentines day tips : ఈ వాలెంటైన్స్ డే సందర్భంగా అన్ని జంటలు పక్కనే ఉండాలనేం లేదు. కొంతమంది తాము ప్రేమించిన వ్యక్తికి అనివార్య కారణాలతో దూరంగా ఉంటారు. అలాంటి వారు మీ ప్రియమైన వారికి కొన్ని సర్‌ప్రైజ్‌లు ప్లాన్ చేయండి.

ప్రేమికుల కోసం చిట్కాలు
ప్రేమికుల కోసం చిట్కాలు (Unsplash)

కొన్నిసార్లు మనసులు దగ్గరగా ఉన్నా.. శరీరాలు దూరంగా ఉండాల్సిన పరిస్థితులు ఏర్పడతాయి. ఇలాంటి పరిస్థితుల్లో మీరు మీ భాగస్వామిని సర్‌ప్రైజ్ చేసేందుకు కొన్ని టిప్స్ పాటించాలి. మీ ఇద్దరి మధ్య ప్రేమ ఎంత ఉన్నా.. కొన్ని సర్ ప్రైజ్‌లు చాలా జ్ఞాపకాలను ఇస్తాయి. అందుకే వాటిని ఫాలో కావాలి. మీరు మీ భాగస్వామికి దూరంగా ఉంటే కొన్ని ఐడియాలు ఇక్కడ ఉన్నాయి.

దూరంగా ఉన్న సంబంధాలలోని జంటలు వివిధ సమస్యలను ఎదుర్కొంటారు. తమ బంధం బాగానే ఉన్నా చాలా కాలంగా ఒకరినొకరు చూడలేకపోతున్నామనే బాధ వారి మనసుల్లో ఎప్పుడూ ఉంటుంది. దూరంగా ఉండటం వల్ల ఒకరికొకరు అవసరమైనంత సమయం ఇవ్వడం సాధ్యం కాదు. చాలా మంది ఇప్పటికీ అలాంటి సంబంధాల్లో ఉంటారు. ఇంట్లో ఆర్థిక పరిస్థితుల కారణంగానో.. మరే ఇతర విషయాలతోనే దూరంగా ఉంటారు. అలాంటివారు ఈ వాలెంటైన్స్ డేకి కొన్ని సర్ ప్రైజ్ ఇవ్వండి.

సంబంధాలలో ఉన్నా దూరంగా ఉన్నవారు వాలెంటైన్ డే రోజున ఇతర జంటలను చూసి కాస్త బాధపడటం సహజం. కానీ నేటి ప్రపంచంలో దూరంగా ఉండటం అనేది చాలా చిన్న విషయం. ఎందుకంటే టెక్నాలజీ బాగా పెరిగింది. దానిని గుర్తుంచుకోవాలి. మనస్సులో ప్రేమ, విశ్వాసం ఉంటే అన్ని దూరాలను అధిగమించవచ్చు. ఈ సంవత్సరం ప్రేమికుల రోజును మీ ప్రియమైన వారితో గడపలేనందుకు మీరు బాధపడకండి. మీ ఆలోచనలన్నింటినీ దూరంగా ఉంచండి. వాలెంటైన్స్ డేని ఎంత దూరంగా ఉన్నా.. జరుపుకునేందుకు కొన్ని చిట్కాలు ఉన్నాయి. అవేంటో చూద్దాం..

మీ ఆలోచనలు రాయండి

కొన్ని రంగుల స్టిక్కీ నోట్స్‌పై మీ ఆలోచనలను రాసి, వాటిని ఒక అందమైన చిన్న కూజాలో ఉంచండి. కొన్ని చాక్లెట్‌లను కూడా అందులో వేయండి. ఇప్పుడు కూజా వెలుపల రిబ్బన్‌తో అందంగా కట్టి, మీ హృదయంలోని వ్యక్తులకు పంపండి.

వర్చువల్ డిన్నర్

ఈ ప్రేమికుల రోజున దూరంగా ఉండటం బాధగా అనిపిస్తుంది. అయితే ఈ దూరం ఉన్నప్పటికీ, మీరు ఇప్పటికీ కలిసి ప్రేమికుల దినోత్సవాన్ని జరుపుకోవచ్చు. వీడియో కాల్ ద్వారా మీ భాగస్వామితో వర్చువల్ డిన్నర్ ప్లాన్ చేయండి. దీని కోసం డైనింగ్ టేబుల్‌ని చక్కగా అమర్చండి. కొవ్వొత్తిని టేబుల్ మీద ఉంచండి. మీరు కొవ్వొత్తులతో పరిసరాలను కూడా అలంకరించవచ్చు.

ప్రేమ లేఖ రాయండి

మునుపటి రోజుల్లో మొబైల్, ఇంటర్నెట్ లేదు. అలా ప్రేమికులు ఒకరికొకరు లేఖలు రాసుకుంటూ తమ భావాలను వ్యక్తం చేసేవారు. మీరు ఈ పద్ధతిని కూడా ఉపయోగించవచ్చు. ఈ రోజుల్లో సోషల్ మీడియా, ఇమెయిల్‌తో మీ భాగస్వామితో సన్నిహితంగా ఉండటం చాలా సులభం. అయినప్పటికీ ఈ ప్రేమికుల రోజున మీ భాగస్వామికి ప్రత్యేకంగా అనిపించేలా చేతితో రాసిన లేఖను పంపండి. ఈ లేఖ ద్వారా మీ భావాలను పంచుకోవచ్చు. వారు కూడా సంతోష పడతారు.

బహుమతులు దాచిపెట్టండి

మీరు ప్రేమించిన వ్యక్తిని ఈ వాలెంటైన్స్ డే రోజున ఆశ్చర్యపరిచేందుకు మీరు మీ భాగస్వామి స్నేహితులు, రూమ్‌మేట్‌ల సహాయం తీసుకోవచ్చు. స్నేహితుల సహాయంతో భాగస్వామి ఇంటిలోని వివిధ ప్రదేశాలలో బహుమతులను దాచిపెట్టమనండి. మీ ప్రియమైన వ్యక్తి ఆ ప్రదేశాల నుండి బహుమతులు పొందినప్పుడు చాలా సంతోషంగా ఉంటారు.

మీరిద్దరూ కలిసి తీసిన కొన్ని రొమాంటిక్ ఫోటోల కోల్లెజ్‌ని రూపొందించండి. వాటిని ఫ్రేమ్ చేయండి. ప్రేమ సందేశాలతో పాటు మీ భాగస్వామికి పంపండి. దీన్ని చూస్తే మీ భాగస్వామి చాలా స్పెషల్ గా ఫీల్ అవుతారు. మీరిద్దరూ కలిసి ఉన్నప్పటి విషయాలను గుర్తు చేసుకుంటారు. మిమ్మల్ని పదే పదే గుర్తు చేసుకుంటారు.

WhatsApp channel