ఈ మ్యూచువల్ ఫండ్స్‌తో మంచి లాభాలు.. 2021-22లో టాప్ పెర్ఫార్మింగ్ ఫండ్స్ ఇవే!

స్మాల్ క్యాప్ మ్యూచువల్ ఫండ్స్ ఇన్వెస్ట్‌మెంట్లు చాలా రిస్క్‌తో కూడకున్నవి.. అయితే ఇందులో రిస్క్ ఉన్నప్పటికీ దీర్ఘకాలిక పెట్టుబడుల ద్వారా మంచి రాబడిని పొందవచ్చని ఆర్ధిక నిపుణులు సూచిస్తున్నారు. ఈ ఫండ్స్ FY 2021-22లో ఇప్పటివరకు అద్భుతమైన సగటు రాబడిని అందించాయి. పెట్టుబడులపై 35 శాతం ఆదాయం లభించింది. అన్ని స్మాల్‌క్యాప్ ఫండ్‌లు తమ బెంచ్‌మార్క్ సూచికలను అధిగమించాయి. ఇప్పటీవరకు మంచి రాబడి అందించిన స్మాల్ క్యాప్ ఫండ్‌లను ఓ సారి పరిశీలిస్తే..

కెనరా రోబెకో స్మాల్ క్యాప్ ఫండ్- ఇది 2021-22 ఆర్థిక సంవత్సరంలో రెండవ అత్యుత్తమ ఫండ్. దీని AUM రూ. 2200 కోట్లు. ఇది 2021-22 ఆర్థిక సంవత్సరంలో 52 శాతం రాబడిని ఇచ్చింది.

L&T ఎమర్జింగ్ బిజినెస్ ఫండ్- దీని AUM రూ. 7900 కోట్లు. ఇది 2021-22 ఆర్థిక సంవత్సరంలో 48 శాతం రాబడిని ఇచ్చింది.

నిప్పాన్ ఇండియా స్మాల్ క్యాప్ ఫండ్- మ్యూచువల్ ఫండ్ సెక్షన్‌లో నిప్పాన్ ఇండియా అతి పెద్ద స్మాల్‌క్యాప్ ఫండ్. ఇది 2021-22లో 42 శాతం రాబడిని ఇచ్చింది. ఫండ్ AUM రూ. 18777 కోట్లు.

BOI AXA స్మాల్ క్యాప్ ఫండ్- ఈ ఫండ్ AUM రూ. 267 కోట్లు. ఇది 2021-22 ఆర్థిక సంవత్సరంలో 40 శాతం రాబడిని ఇచ్చింది.

DSP స్మాల్ క్యాప్ ఫండ్- ఈ స్మాల్ క్యాప్ ఫండ్ 2021-22 ఆర్థిక సంవత్సరంలో 38 శాతం రాబడిని ఇచ్చింది. దీని AUM రూ. 8,639 కోట్లు. ఈ ఫండ్‌ని డిఎస్‌పి మ్యూచువల్ ఫండ్ హెడ్ ఈక్విటీస్ వినిత్ సాంబ్రే నిర్వహిస్తారు.

IDBI స్మాల్ క్యాప్ ఫండ్ - ఈ ఫండ్ 2021-22 ఆర్థిక సంవత్సరంలో 37 శాతం రాబడిని ఇచ్చింది.

యాక్సిస్ స్మాల్ క్యాప్ ఫండ్- ఈ ఫండ్ AUM రూ. 8,700 కోట్లు. ఇది 2021-22 ఆర్థిక సంవత్సరంలో 37 శాతం రాబడిని ఇచ్చింది. ఈ ఫండ్ దాని వృద్ధి శైలి పెట్టుబడికి ప్రసిద్ధి చెందింది, ఇది దీర్ఘకాలికంగా మంచి రాబడిని పొందగల కంపెనీలపై దృష్టి పెడుతుంది.

UTI మ్యూచువల్ ఫండ్- ఇది భారతదేశంలోని పురాతన ఫండ్ హౌస్ ద్వారా నిర్వహించబడుతుంది. ఈ ఫండ్ AUM రూ. 2034 కోట్లు. ఇది 2021-22 ఆర్థిక సంవత్సరంలో 35.7 శాతం రాబడిని ఇచ్చింది.

సుందరం స్మాల్ క్యాప్ ఫండ్- దీనిని చెన్నై ఆధారితంగా పని చేసే సుందరం పైనాన్స్ హౌస్ ఈ ఫండ్ నిర్వహిస్తుంది. ఇది 2021-22 ఆర్థిక సంవత్సరంలో 35.3 శాతం రాబడిని ఇచ్చింది. ఈ ఫండ్ యొక్క AUM రూ. 2000 కోట్లు.