Today Breakfast Recipe : Bread Egg Upma : ఈ హెల్తీ బ్రేక్ఫాస్ట్ని చిటికెలో రెడీ చేసుకోవచ్చు..
ఉదయాన్నే బ్రేక్ఫాస్ట్లో రోటీన్ ఎగ్కి, రోటీన్ ఉప్మాకి బాయ్ చెప్పాలనుకునే వారు ఈ బ్రెడ్ ఎగ్ ఉప్మాని ట్రై చేయవచ్చు. పైగా దీనిని చేసుకోవడం చాలా సింపుల్ కూడా. జస్ట్ పది నిముషాల్లో టేస్టీ రెసిపీని మీరు పొందవచ్చు. మరి దీనిని ఎలా తయారు చేయాలో ఇప్పుడు తెలుసుకుందాం.
Recipe of the Day Bread Egg Upma : ఉదయాన్నే హెల్తీ బ్రేక్ఫాస్ట్ తీసుకోవాలని అందరికి ఉంటుంది. అది కూడా ఎగ్తో చేసిన రెసిపీ అయితే కావాల్సినంత ప్రోటీన్ దొరుకుతుంది. పైగా ఈ రెసిపీ చేయడానికి పెద్దగా కష్టపడాల్సిన అవసరం కూడా లేదు. జస్ట్ సింపుల్ స్టెప్స్తో బ్రెడ్ ఎగ్ ఉప్మాను మీరు తయారు చేసుకోవచ్చు. ఇంతకీ దీనికి కావాల్సిన పదార్థాలు ఏమిటి? ఎలా తయారు చేస్తారో ఇప్పుడు తెలుసుకుందాం.
బ్రెడ్ ఎగ్ ఉప్మా తయారీకి కావాల్సిన పదార్థాలు
* మినపప్పు - 1 స్పూన్
* కరివేపాకు - తాలింపునుకు సరిపడా
* పచ్చిమిర్చి - 2
* బ్రెడ్ - 4-5
* గుడ్డు - 1
* కారం - అరస్పూన్
* గరం మసాల - అర టీస్పూన్
* ఉప్పు - తగినంత
* మిరియాల పొడి - తగినంత
బ్రెడ్ ఎగ్ ఉప్మా తయారీ విధానం
ముందుగా స్టవ్ వెలిగించి నూనె వేసి.. దానిలో మినపప్పు, పచ్చిమిర్చి, కరివేపాకులను వేసి వేయించాలి. అనంతరం గుడ్డు వేసి బాగా కలిపి ఉడికించాలి. దానిలో కారం, గరం మసాల, ఉప్పు, మిరియాల పొడి వేసి మళ్లీ బాగా కలపాలి. ఇప్పుడు సిద్ధం చేసుకున్న బ్రెడ్ ముక్కలను ఈ మిశ్రమంలో వేసి బాగా కలపాలి. బాగా మిక్స్ అయిందని నిర్ధారించుకున్నాక.. కొత్తిమీర వేసి దించేయాలి. అంతే సింపుల్, ఈజీ బ్రేక్ ఫాస్ట్ రెడీ.
సంబంధిత కథనం