Crispy Onion Dosa | కరకరలాడే క్రిస్పీ ఆనియన్ దోశ.. ఇలా తయారుచేసుకోండి..

Crispy Onion Dosa | మీకు క్రిస్పీ దోశ తినాలనిపిస్తే చాలు. కేవలం 20 నిముషాల ముందు దోశ బేటర్​ రెడీ చేసుకోవచ్చు. పైగా ఇంట్లోనే తయారు చేసుకుని.. తృప్తిగా లాగించేవచ్చు. అయితే క్రీస్పీ దోశను తయారు చేసుకునేందుకు కావాల్సిన పదార్థాలు, ఎలా తయారు చేస్తారో ఇప్పుడు తెలుసుకుందాం.

కావాల్సిన పదార్థాలు

* రవ్వ - కప్పు

* బియ్యం పిండి - కప్పు

* మైదా - కప్పు

* ఉప్పు - తగినంత

* కారం - 2 స్పూన్​లు

* నీరు -4 కప్పులు

* మిర్చి - 2 (సన్నగా తరిగినవి)

* అల్లం - అంగుళం(సన్నగా తరిగినది)

* కొత్తిమీర -తగినంత(సన్నగా తరిగినవి)

* జీలకర్ర - 1 స్పూన్

* నూనె - సరిపడినంత (వేయించడానికి)

* ఉల్లిపాయ - 1 (సన్నగా తరిగిన)

తయారీ విధానం..

ముందుగా రవ్వ, బియ్యం పిండి, మైదా, ఉప్పు వేసి కలపాలి. దానిలో 3 కప్పుల నీరు వేసి.. ఉండలు లేకుండా బాగా కలపాలి. దానిలో కారం, అల్లం, కొత్తిమీర, జీలకర్ర వేసి కలపాలి. ఈ మిశ్రమాన్ని 20 నిమిషాలు పక్కనపెట్టేయాలి.

అనంతరం పిండి కాస్త చిక్కగా ఉన్నట్లు కనిపిస్తుంది. దానిలో అవసరమైన మేరకు నీరు వేయాలి. దోశ పాన్​ స్టౌవ్​ మీద పెట్టి వెలిగించాలి. పాన్ వేడిగా ఉన్నప్పుడు.. సన్నగా తరిగిన ఉల్లిపాయలను చల్లుకోవాలి. దానిపై.. దోశ మిశ్రమాన్ని పోయాలి. నూనెతో దోశను దోరగా వేయించుకోవాలి. అంతే క్రిస్పీ ఆనియన్ దోశ రెడీ. దీనిని స్పైసీ టొమాటో చట్నీతో తింటే ఆహా అనాల్సిందే.