డయాబెటిస్ పేషెంట్లు ఏం తినాలో తెలియక ఇబ్బంది పడుతున్నారా..? ఆరోగ్యకరమైన ఆహార ప్రణాళిక ఇక్కడుంది ట్రై చేయండి!
డయాబెటిస్ వచ్చిందనగానే భయపడిపోతున్నారా.. ఏం తినాలో తెలియక, తినే వాటి గురించి అయోమయంలో ఉంటే ఇలా ప్లాన్ చేయండి. చాలా సింపుల్‌గా మీ డైట్‌ను అదుపులో ఉంచుకుని డయాబెటిస్‌పై ఆధిపత్యం చెలాయించండి.
డయాబెటిస్ లేదా మధుమేహం ఉన్నవారు మీకు నచ్చిన లేదా రుచికరమైన ఆహారాన్ని పూర్తిగా మానేయాల్సిన అవసరం లేదు. దానికి బదులుగా, ఆహారాన్ని సరైన మోతాదులో తీసుకోవడం చాలా ముఖ్యం. కరెక్ట్ ఫుడ్ ప్లానింగ్ ఫాలో అయితే మీరు బ్లడ్ షుగర్‌ని నియంత్రించగలరు. దాంతోపాటు బరువు కూడా తగ్గించుకోవచ్చు. మొత్తం ఆరోగ్యాన్ని మెరుగుపర్చుకోవచ్చు. ఇప్పుడు మధుమేహాన్ని అదుపులో ఉంచగలిగే ఫుడ్ ప్లాన్ ఏంటో చూద్దాం.
1. ఆహారంలో ఏమేం ఉండాలంటే..:
- తక్కువ గ్లైసెమిక్ ఇండెక్స్ గల ఆహారం తీసుకుంటే మంచిది.
- ఫైబర్ ఎక్కువగా ఉన్న ఆహారం తీసుకోవడం వల్ల జీర్ణక్రియను మెరుగై, బ్లడ్ షుగర్‌ కంట్రోల్‌లో ఉంటుంది.
- లీన్ ప్రోటీన్లు, ఆరోగ్యకరమైన కొవ్వులు తప్పక తీసుకోవాలి.
- కార్బోహైడ్రేట్లు పరిమిత మోతాదులో ఉండటం బెటర్.
2. సరైన కార్బోహైడ్రేట్లు ఉండే ఆహారపదార్థాలు
- గోధుమ, బార్లీ, బ్రౌన్ రైస్, ఓట్స్ లాంటి ఆహార ధాన్యాలు
- బీన్స్, పెసలు, కందులు వంటి పప్పులు
- బెండకాయ, కాప్సికం, బీరకాయ లాంటి కాయగూరలు
- లిమిటెడ్‌గా పండ్లు జామకాయ, బెర్రీస్
- తక్కువగా తినాల్సిన కార్బోహైడ్రేట్స్: వైట్ బ్రెడ్, కూల్ డ్రింక్స్, స్వీట్లు.
3. ప్రోటీన్‌ను తీసుకోండి
- బ్లడ్ షుగర్‌ ఉన్నవారికి ప్రోటీన్ బాగా ఉపయోగపడుతుంది. సాధ్యమైనంత వరకూ నియంత్రిస్తుంది కూడా.
- అందులో కోడి మాంసం, చేపలు, గుడ్లు, పెరుగు, పన్నీర్ మాంసాహార ప్రొటీన్లు అయితే, శాకాహార ప్రోటీన్లలో శెనగలు, మినుములు వస్తాయి. పప్పుధాన్యాల్లో బాదం, నువ్వులు, వేరుశెనగలు వస్తాయి.
4. ఆరోగ్యకరమైన కొవ్వులు కూడా అవసరం
ఫ్యాట్ ఉండటం కూడా శరీరానికి మంచిదే. కానీ, అది గుడ్ ఫ్యాట్ అయి ఉండాలి. అటువంటి గుడ్ ఫ్యాట్ ఆవకాడో, ఆలివ్ ఆయిల్, బాదం, వాల్‌నట్, చేపలలో (సాల్మన్, మాకరెల్) మెండుగా ఉంటుంది.
5. ప్లేట్ మెథడ్ అనుసరిస్తూ బ్యాలెన్స్‌డ్ మీల్స్ ప్లాన్ చేయండి
మీ ప్లేట్‌లో..
- ½ ప్లేట్ – కూరగాయలు
- ¼ ప్లేట్ – ప్రొటీన్
- ¼ ప్లేట్ – బ్రౌన్ రైస్ లేదా చపాతీ
- కొద్దిగా ఆరోగ్యకరమైన కొవ్వు
- స్నాక్స్‌గా ఏమైనా తీసుకోవాలనుకుంటే, బాదం, పండ్ల ముక్కలతో పెరుగులను ఎంచుకోండి.
6. పోషణ పరిమాణాన్ని చూసుకోండి
ఎంత తింటున్నారనేది ఏం తినాలో కంటే ముఖ్యం. మోతాదును జాగ్రత్తగా పట్టించుకోవాలి. దీని కోసం కప్పుల కొలతలు ఉపయోగిస్తే సులువుగా ఉంటుంది.
7. నీళ్లు ఎక్కువగా తాగండి
మీ శరీరానికి తగినంత నీరు ఇవ్వండి. అదే సమయంలో తీపి పానీయాలైన సోడా, జ్యూస్ వంటి వాటిని వీలైనంతవరకు తగ్గించండి.
8. వారానికి ముందే ఫుడ్ ప్లాన్ చేసుకోండి
- వారం మొత్తానికి ఒకేసారి ఫుడ్ ప్లానింగ్ చేసుకుంటే సమయం, ఖర్చు ఆదా అవుతుంది.
- అనారోగ్యకరమైన ఆహారాల నుంచి దూరంగా ఉండొచ్చు.
- అవసరమైన మేర జాబితాతోనే షాపింగ్ చేయవచ్చు.
- హెల్తీ మీల్స్ ముందే ప్రిపేర్ చేయవచ్చు.
డయాబెటిస్ పేషెంట్లకు ఫుడ్ ప్లానింగ్ చేయడం కష్టమైన పని కాదు. కరెక్ట్ ఫుడ్ ఛాయీస్, సమతుల్య మోతాదులో తీసుకోవడం, కొంచెం ముందుగానే ప్లాన్ చేసుకోవడం వంటి పనుల ద్వారా ఈజీగా రెడీ చేసుకోవచ్చు. ఆరోగ్యంగా ఉండవచ్చు. దీనిని మీ లైఫ్‌స్టైల్‌లో భాగంగా చేసుకుంటే, మీరు శక్తివంతంగా, ఆరోగ్యంగా ఉంటారు.
సంబంధిత కథనం
టాపిక్