Sankrathi Special Sakinalu: తెలంగాణ స్పెషల్ సకినాలు కరకరలాడుతూ రుచిగా రావాలంటే ఈ చిట్కాలు పాటించండి!

తెలుగు రాష్ట్రాల్లో సంక్రాంతి చాలా స్పెషల్. పిండి వంటలతో ప్రతి ఇల్లు ఘుమఘుమలాడిపోతుంది. ప్రత్యేకించి తెలంగాణ ప్రజలకు సంక్రాంతి అనగానే గుర్తొచ్చే పిండి వంటకం సకినాలు. తెలంగాణలో మాత్రమే చేసే పిండి వంటకాల్లో ఒకటైన ఈ సకినాలు ప్రతి ఒక్కరికీ నచ్చేస్తాయి. మరి కరకరలాడుతూ టేస్టీగా, క్రిస్పీగా ఉండే ఈ వంటకాన్ని మీరూ రెడీ చేయాలనుకుంటున్నారా..? ఇదిగోండి సకినాల రెసిపీతో పాటు కొన్ని చిట్కాలు మీ కోసం.

కావాల్సిన పదార్థాలు:

• బియ్యం - ఒక కేజీ
• నువ్వులు - పావు కేజీ
• ఉప్పు 2 - రుచికి సరిపడ
• వాము - పావు టీ స్పూన్
• నీళ్లు - రెండు కప్పులు
• నూనె - (డీప్ ఫ్ఱైకి సరిపడా)

తయారుచేసే విధానం:

• ముందుగా ఒక బౌల్ తీసుకుని దాంట్లో ఆరు కప్పుల బియ్యం పోయండి. దానిని శుభ్రంగా కడుక్కొని 15 నుంచి 16 గంటల వరకూ (రాత్రంతా) నానబెట్టుకోండి.
• ఆ తర్వాత ఈ బియ్యంలోని నీరు మొత్తం పోయేంత వరకూ వడకట్టుకోండి.
• ఆ బియ్యాన్ని తీసి ఒక కాటన్ వస్త్రంపై వేసి పది నుంచి పదిహేను నిమిషాల వరకూ ఆరబెట్టండి.
• పూర్తిగా ఎండిపోక ముందే కాస్త తడిగా ఉందనిపించినప్పుడే బియ్యాన్ని తీసుకుని మిక్సీలో వేసి మొత్తగా చేసుకోండి. ఆ పిండి ఆరిపోకుండా ఒక గిన్నెలోకి ఉంచండి.
• ఇప్పుడు ఇందులో నువ్వులు, వాము, రుచికి తగినంత ఉప్పు వేసి కలపండి.
• ఆ తర్వాత కొద్దికొద్దిగా నీళ్లను పోసుకుంటూ పిండిని కలుపుతూ ఉండండి. మరీ వదులుగా కాకుండా కాస్త గట్టిగానే అంటే చేతిలో వేసుకుంటే జారిపోయే విధంగా మారేంత వరకూ నీళ్లను కలుపుకోండి.
• అలా కలిపిన పిండిని కాసేపు పక్కకు పెట్టండి.
• ఇప్పుడు మరో శుభ్రమైన కాటన్ వస్త్రం తీసుకుని నేల మీద పరుచుకోండి.
• చేతిలోకి పిండి తీసుకుని ఆ వస్త్రంపై వేళ్ల సహాయంతో సన్నగా పిండిని వదులుతూ గుండ్రంగా తిప్పుతూ సకినాలు వేసుకోండి. (సాధారణంగా సకినాలను రెండు లేదా మూడు రింగులుగా తిప్పుకుని వేసుకుంటారు)
• ఒకవేళ, చేత్తో వేయడం రాకపోతే ఒక కవర్ (పాల ప్యాకెట్ లేదా నూనె ప్యాకెట్ అదీ లేకపోతే జిప్ కవర్) తీసుకుని అందులో పిండిని నింపండి. ఇప్పుడు కవర్‌ చివర్లో లేదా ఒక మూలలో చిన్న రంధ్రం పెట్టండి. ఆ రంధ్రం గుండా పిండిని గుండ్రంగా తిప్పుతూ బయటకు వదలండి.
• ఇలా ఆ వస్త్రంలో సకినాలను వేసిన తర్వాత పది నిమిషాల పాటు ఆరనివ్వండి.
• ఈ లోపు ఒక కడాయి లేదా బాండీ తీసుకుని డీప్ ప్రైకు సరిపడా నూనెను తీసుకోండి (ఎక్కువ నూనె ఉంటేనే ఎక్కువ సకినాలను వేయించుకోవచ్చు).
• నూనె మరిగిందనుకున్న తర్వాత వస్త్రంలో ఆరబెట్టిన సకినాలను ఒకొక్కటిగా తీయండి.
• వాటి షేప్ డిస్టర్బ్ కాకుండా చేత్తో లేదా చదునైన ప్లేట్ సహాయంతో తీసుకుని నూనెలో వదులుతూ ఉండండి.
• పెద్ద మంట పెట్టుకుని సకినాలు గోధుమ రంగులోకి మారే వరకూ వేయించండి.
• అంతే! మీరు తయారు చేయాలనుకుంటున్న సకినాలు రెడీ అయిపోయినట్లే.