Unsatisfied Women : కొండ మీది కోతిని తెచ్చి ఇచ్చినా.. ఇలాంటి స్త్రీలు అసంతృప్తిగానే ఉంటారు
Unsatisfied Women : కొంతమంది స్త్రీలు ఎప్పుడు చూసినా అసంతృప్తిగానే ఉంటారు. వాళ్లకు ఏం చెప్పినా అలగడం, ఛీ ఇంతేనా అనుకోవడం అలవాటు. అసంతృప్తిగా ఉంటేనే వారికి అన్నం తిన్నట్టుగా ఉంటుందేమో. అలాంటి స్త్రీలు ఎవరో చూద్దాం..
చాలా మంది మహిళలు జీవితంలో సంతోషంగా లేమని ఫిర్యాదు చేస్తారు. వారిలో కొందరు చాలా కష్టతరమైన జీవితాన్ని గడుపుతారు. మరికొందరు తమ ఆనందాన్ని తామే నాశనం చేసుకుంటారు. అది ఎలాగా అంటే.. చుట్టుపక్కల ఉన్నవాళ్లు ఏం చేసినా సంతృప్తి చెందరు. ఇలాంటి కొంతమంది స్త్రీల స్వభావం వారిని లేదా వారి చుట్టూ ఉన్నవారిని సంతోషంగా ఉండనివ్వదు. దీనివల్ల మగవాళ్లు ఉన్నదంతా ఇచ్చినా సంతోషంగా ఉండలేరు ఆ మహిళలు. కావాలంటే కొండ మీద కోతిని తెచ్చి ఇచ్చినా.. ఈ కోతి కాదు.. మరో కోతి అని చెబుతూ ఉంటారు. మరి వీళ్లు ఎలాంటి వారో చూద్దాం.
డబ్బుపై దురాశ
కొంతమంది స్త్రీలు డబ్బుపై చాలా అత్యాశతో ఉంటారు. ఎవరైతే అసంతృప్తిగా ఉంటారో.. వారు ప్రేమ లేదా భావాలను ప్రతిదీ డబ్బు పరంగా కొలుస్తారు. అలాంటి స్త్రీలు తమ భర్త లేదా ప్రేమికుడు ధనవంతులుగా ఉండాలని కోరుకుంటారు. తద్వారా వారి స్థితి పెరుగుతుంది, వారి కోరికలన్నీ నెరవేరుతాయనే ఆశలో ఉంటారు. అయితే ఓ పద్ధతి ప్రకారం అయితే ఇది ఓకే. కానీ ఎక్కువైతేనే సమస్యలు. తమ ప్రేమికుడి దగ్గర డబ్బు లేదని భావిస్తే, సంబంధం నుండి వైదొలిగిపోతారు.
అహంభావం ఉన్న స్త్రీ
వ్యక్తిత్వం అహంకారంగా ఉంటే, దేవుడు వారి ముందుకు వచ్చినా చెడ్డవారిగానే చూస్తారు. అహంతో నిండిన స్త్రీలు ఇతరులు తమ కంటే తక్కువ అని భావిస్తారు. ఇది వారిని మానవ సంబంధాలకు దూరంగా ఉంచుతుంది. ఇతరులను చిన్నచూపు చూసే స్త్రీలు జీవితంలో నిజమైన ఆనందాన్ని పొందలేరు. ఎప్పుడూ అసంతృప్తితోనే కాలం గడుపుతారు.
బహుళ సంబంధాలు
కొందరు స్త్రీలు ఒకే సమయంలో బహుళ సంబంధాలను కలిగి ఉంటారు. అలాంటి పరిస్థితిలో పెళ్లి చేసుకున్నా వారి హృదయం మరొకరిని వెతుక్కుంటూ వస్తుంది. ఇది జరిగినప్పుడు ఈ మహిళలు తమ కోరికను నెరవేర్చుకోవడానికి సంతోషకరమైన కొన్ని క్షణాల కోసం వారి వైవాహిక జీవితాన్ని కూడా పణంగా పెడతారు. దీనితో జీవితం నాశనం అవుతుంది. తప్పు చేస్తున్నామని తెలిసినా.. తాత్కాలిక ఆనందం కోసం వెతుక్కుని అంధకారంలోకి వెళ్తారు.
ఇతరులపై అసూయపడే వారు
మనస్సు చికాకు కలిగిస్తే, ప్రతిదీ చేదుగా అనిపిస్తుంది. అసూయపడే స్త్రీలు ఎవరినీ సంతోషంగా ఉండనివ్వరు లేదా విజయానికి దగ్గర అవ్వరు. వారి జీవితమంతా ఇతరులను అవమానించడం, ఇతరులకు వ్యతిరేకంగా మాట్లాడటం లేదా ఇతరులను కింద లాగడానికి వ్యూహాలను చేయడంలోనే అయిపోతుంది. మీరు జీవితాంతం ఇలా చేస్తే, ఆనందానికి అవకాశం ఎక్కడ ఉంటుంది? అందుకే అసంతృప్తి ఆనందాన్ని నాశనం చేస్తుంది.
