Aparajita plant: శంఖం పూల మొక్కను ఇంట్లో పెంచడం వల్ల కలిగే లాభ నష్టాలు ఇవే
Aparajita plant: మీ ఇంట్లో అపరాజిత మొక్కను నాటాలని ఆలోచిస్తుంటే, దాని వల్ల కలిగే ప్రయోజనాలు, నష్టాలు తెలుసుకోవాల్సిన అవసరం ఉంది. శంఖం పూల మొక్కను ఎలా పెంచాలో తెలుసుకోండి.
కొన్ని మొక్కలు చాలా ఇళ్లలో కనిపిస్తాయి. వాటిలో అపరాజిత మొక్క లేదా శంఖం పూల మొక్క కూడా ఒకటి. ఈ నీలం పువ్వు చూడటానికి ఎంతో అందంగా ఉంటాయి. ఈ మొక్కను బాల్కనీ పెంచుకుంటే అవి తీగలాగా పాకుతాయి. ఈ మొక్కను నాటడం వెనుక మతపరమైన కారణాలు కూడా చెబుతారు. ఈ మొక్క వేర్లు, పువ్వులు కూడా చాలా శక్తివంతమైనవి. ఇవి అనేక వ్యాధులను నయం చేయడానికి ఉపయోగిస్తారు. మీరు మీ ఇంట్లో అపరాజిత మొక్కను నాటాలని నిర్ణయించుకున్నట్లయితే, దాని వలన కలిగే ప్రయోజనాలు, నష్టాలు రెండింటినీ తెలుసుకోవాలి.
మీ బాల్కనీ లేదా ఇల్లు అందంగా ఉండాలంటే ఇలాంటి శంఖంపూల మొక్క పెంచాలి. అపరాజిత మొక్క ఆరోగ్యానికి చాలా ప్రయోజనకరంగా ఉంటుంది. ఇది మీ ఆరోగ్యానికి వరమనే చెప్పుకోవాలీి. దీని వేర్లను అనేక ఆయుర్వేద మందులలో ఉపయోగిస్తారు. ఇది కాకుండా, అపరాజిత పూల టీ ఎన్నో ప్రయోజనాలను కలిగిస్తుంది. ఆరోగ్య ప్రియులు ఈ రోజుల్లో ఈ ఫ్లవర్ టీని ఎక్కువగా తాగుతున్నారు. శరీరాన్ని నిర్విషీకరణ చేయడం, మానసిక ఒత్తిడిని తగ్గించడం, మనస్సును చల్లగా ఉంచడం, మొత్తం ఆరోగ్యానికి ఈ బ్లూ టీ వల్ల ఎన్నో ప్రయోజనాలు ఉన్నాయి.
అపరాజిత మొక్కను ఇంట్లో నాటడం వల్ల కలిగే ఒక ప్రయోజనం ఏమిటంటే, దీన్ని పెంచడానికి ఎక్కువ సంరక్షణ అవసరం లేదు. మీ బిజీ షెడ్యూల్ లో కూడా దీన్ని మీ బాల్కనీలో సులభంగా పెంచుకోవచ్చు. ఇది ఏ రకమైన వాతావరణంలోనైనా సులభంగా పెరుగుతుంది. ఎక్కువ పోషణ, నీరు అవసరం లేదు.
ఈ మొక్కతో ఒక సమస్య ఉంది. అపరాజిత మొక్కను నాటి, పట్టించుకోకుండా వదిలేస్తే మిగతా మొక్కలకు ప్రమాదకరం. దాని వేర్లు చాలా వేగంగా వ్యాపిస్తాయి. దీని వల్ల ఇది ఇతర చుట్టుపక్కల మొక్కలను కప్పేసేలా ఎదుగుతుంది.
అపరాజిత మొక్కను నాటిన తరువాత, మీరు దానిని ఎప్పటికప్పుడు తనిఖీ చేయడం అలవాటు చేసుకోవాలి. వాస్తవానికి, ఈ మొక్క చాలా సున్నితమైనది. తెగుళ్ళ ప్రమాదం చాలా ఎక్కువ. ఒకసారి సోకిన తర్వాత, ఇది మొత్తం మొక్కను త్వరగా దెబ్బతీస్తుంది. అటువంటి పరిస్థితిలో, మీరు కొంచెం అదనపు శ్రద్ధ తీసుకోవలసి ఉంటుంది.
అపరాజిత మొక్కకు మతపరమైన ప్రాముఖ్యత చాలా ఎక్కువ. ముఖ్యంగా వాస్తు శాస్త్రంలో, దానిని ఉంచడానికి సరైన ప్రదేశం, సరైన దిశ నియమాల గురించి చెబుతారు. వాస్తు ప్రకారం, దానిని తప్పుడు దిశలో పెడితే ఇది ఇంట్లో ప్రతికూలతను వ్యాప్తి చేయడానికి పనిచేస్తుంది. ఈ మొక్కను పశ్చిమ లేదా దక్షిణ దిశలో నాటడం చాలా అశుభంగా పరిగణిస్తారు. మీరు వాస్తును విశ్వసిస్తే, మీరు ఈ విషయాలపై కొంచెం పరిశోధన చేయవలసి ఉంటుంది.
సంబంధిత కథనం
టాపిక్