Healthy Skin | మెరిసే చర్మం కావాలంటే.. ఈ స్కిన్ టానిక్ తాగాల్సిందే..

Skin Tonic | ఈ స్కిన్​ టానిక్​ అంటే ఏమిటి? అసలు దీనిని ఎందుకు తీసుకోవాలి. ఇది ఎక్కడ దొరుకుతుంది. ఎలా తయారు చేసుకోవాలి అని అనుకుంటున్నారా? ఈ ప్రశ్నలన్నింటికి సమాధానం మీకు ఇప్పుడే దొరుకుతుంది. ఈ స్కిన్ టానిక్ ఆరోగ్యవంతమైన మెరిసే చర్మం కావాలనుకునేవారు తీసుకోవచ్చు. రిజల్ట్​ కూడా సూపర్​ క్విక్​గా ఉంటుంది. దీనిని ఉదయం అల్పాహరంలో భాగం చేసుకోవచ్చు. లేదా మిడ్ డే మీల్ స్నాక్​లా కూడా వాడుకోవచ్చు. ఇప్పుడు ఈ స్కిన్ టానిక్ ఎలా తయారు చేసుకోవాలో తెలుసుకుందాం.

కావాల్సిన పదార్థాలు

* బీట్​రూట్ - 1/4

* టమాటో- 1

* బాదం- 3 (నానబెట్టినవి)

* జీరా పౌడర్- తగినంత

* ఉప్పు-తగినంత

* నిమ్మకాయ-1 (స్పూన్ రసం)

తయారీ విధానం

బీట్​ రూట్​లో పావు వంతు తీసుకుని ముక్కలుగా కోసి మిక్సిలో వేసి గ్రైండ్ చేయాలి. తరువాత టమాట ముక్కలను వేసి గ్రైండ్ చేసి.. ఆ పేస్ట్​ను ఒక గిన్నేలోకి తీయాలి. దానిలో జీరా పౌడర్, ఉప్పు, నిమ్మరసం వేసి కలపాలి. పైన బాదం పలుకలను వేసి గార్నిష్ చేసుకోవాలి. చూశారుగా తయారు చేసుకోవడం ఎంత సులువో. దీనిని బ్రేక్​ఫాస్ట్​గా, మిడ్ డే మీల్ స్నాక్​గా తీసుకుంటే.. చర్మం మెరిసిపోవడం ఖాయం.