సమ్మర్ స్పెషల్ మ్యాంగో సాగో ఫుడ్డింగ్.. టేస్ట్‌తో పాటు చలువ చేసేందుకు సహాయపడే మంచి రెసిపీ ఇది!
సమ్మర్లో చల్లగా, తియ్యగా ఏదైనా తినాలనిపిస్తే మ్యాంగో సాగో పుడ్డింగ్ ట్రై చేయండి. ఈజీగా తయారుచేసే ఈ వంటకానికి పండిన మామిడి పండ్లు, కొబ్బరి పాలు, సగ్గుబియ్యం ఉంటే సరిపోతుంది. పిల్లల నుండి పెద్దల వరకు అందరూ ఇష్టపడే ఈ డెజర్ట్‌ను ఇంట్లోనే ఎలా తయారు చేసుకోవాలో చూద్దాం!
వేసవి తాపం పెరిగిపోతోంది కదా! ఇలాంటి సమయంలో చల్లగా, తియ్యగా ఏదైనా తినాలని అందరికీ అనిపిస్తుంది. మీకు కూడా ఇలాగే అనిపిస్తుంటే ఈ ప్రత్యేకమైన డెజర్ట్ మీ కోసమే. మ్యాంగో సాగో పుడ్డింగ్! రుచికి రుచి, శరీరానికి చల్లదనం ఇచ్చే స్పెషల్ డిష్. పండిన మామిడి పండు తియ్యదనం, కొబ్బరి పాల కమ్మదనం, సగ్గుబియ్యం చల్లదనం... అబ్బో కాంబినేషన్ అదిరిపోయే రుచకి అందిస్తుంది! దీన్ని తయారు చేయడం కూడా చాలా సులువు. మరి ఇంకెందుకు ఆలస్యం? సమ్మర్ స్పెషల్ మ్యాంగో సాగో పుడ్డింగ్ డెజర్ట్‌ను మీరూ ఒకసారి ట్రై చేయండి! ఎలా తయారు చేయాలో చూసేద్దాం పదండి!
మ్యాంగో సాగో పుడ్డింగ్ తయారు చేసే విధానం:
20 నిమిషాల్లో నలుగురైదుగురికి సరిపడా డిజెర్ట్ చేయడానికి ఏమేం కావాలో చూసేద్దాం.
కావలసిన పదార్థాలు:
- సగ్గుబియ్యం - 1/2 కప్పు
- నీరు - 4 కప్పులు
- మామిడి పండ్లు - 2 పండినవి (తొక్క తీసి ముక్కలుగా కట్ చేసుకోవాలి )
- కొబ్బరి పాలు (క్రీమీగా ఉండటానికి చిక్కటి పాలు) - 1 కప్పు
- పాలు - 1/2 కప్పు (కండెన్స్డ్ మిల్క్‌కు లేదా చక్కెర) రెండింటిలో ఏదైనా ఉపయోగించుకోవచ్చు.
- ఉప్పు రుచికి తగినంత
మ్యాంగో సాగో పుడ్డింగ్ తయారీ విధానం:
- ముందుగా ఒక గిన్నె తీసుకుని అందులో నీటిని పోసి మరిగించండి.(సగ్గుబియ్యం వండడానికి ముందు కనీసం 30 నిమిషాల నుండి గంట వరకు నీటిలో నానబెట్టుకుంటే మరీ మంచిది).
- మరుగుతున్న నీటిలో సగ్గుబియ్యం వేసి అతుక్కోకుండా కాసేపటి వరకూ కలపండి.
- సగ్గుబియ్యం వేసిన తర్వాత వేడిని తగ్గించాలని గుర్తుంచుకోండి. ఇలా 15-20 నిమిషాల పాటు తక్కువ మంటపై సగ్గుబియ్యాన్ని ఉడకనివ్వండి.
- మధ్యమధ్యలో కలుపుతూ ఉండడం వల్ల అతుక్కుపోకుండా ఉంటుంది.
- ఇప్పుడు ఉడికిన సగ్గుబియ్యాన్ని తీసి జల్లెడలో పోయండి. నీటిని వడకట్టి సగ్గుబియ్నాన్ని మరోసారి చల్లటి నీటితో కడిగి పక్కకు పెట్టుకోండి.
- ఇప్పుడు ఒక మిక్సీ జార్ తీసుకుని దాంట్లో ముక్కులుగా కట్ చేసుకున్న మామిడికాయ, కొబ్బరి పాలు, కాచి చల్లార్చిన పాలు వేయండి. కావాలనుకుంటే దీంట్లో చిటికెడు ఉప్పు వేసి మెత్తటి పేస్టులాగ్రైండ్ చేయండి.
- ఒసారి రుచి చూసి తీపి తగ్గితే మరికొంత కండెన్స్డ్ మిల్క్ వేస మరోసారి మిక్సీ పట్టండి.
- ఒక పెద్ద గిన్నె తీసుకుని దాంట్లో ఉడికించి వడకట్టిన సగ్గుబియ్యాన్ని వేసి దాంట్లో మిక్సీ పట్టన పెట్టిన మామిడి గుజ్జును దాంట్లో వేసి సున్నితంగా కలపండి.
- పూర్తిగా గుజ్జులా ఉండకుండా ఉండేందుకు కొన్ని మామిడి పండు ముక్కలను కూడా ఇందులో వేయండి.
- అంతే దీనిని ఒక గంట పాటు ఫ్రిడ్జ్ లో ఉంచి తీశారంటే మ్యాంగో సాగో ఫుడ్డింగ్ రెడీ అయిపోయినట్లే.
- ఆ తర్వాత గ్లాసుల్లో పోసుకుని సర్వ్ చేసుకోవడమే. ఈ ఫుడ్డింగ్ చిక్కగా కాకుండా పలుచగా కావాలనుకుంటే కొబ్బరిపాలు కాస్త ఎక్కువగా వేసుకుంటే సరిపోతుంది.
గార్నిష్ కోసం గ్లాసుల పైన కొబ్బరి తురుముతో అలంకరించుకోవచ్చు. ఈ ఫుడ్డింగ్ ఎప్పుడు తిన్నా సరే చల్లగా, తియ్యగా కమ్మగా అనిపిస్తుంది. అందరికీ బాగా నచ్చుతుంది. వేసవిలో ఇది మీ ఆరోగ్యానికి చాలా బాగా సహాయపడుతుంది.
సంబంధిత కథనం