Lakshmi Puja: దీపావళి లక్ష్మీ పూజలో కచ్చితంగా ఉండాల్సినది చెరుకు, దీన్ని తింటే ఎన్ని లాభాలో తెలుసా?

ధనత్రయోదశితో దీపావళి పండుగ మొదలైపోయినట్టే. దీపావళి రోజున లక్ష్మీదేవిని, వినాయకుడిని పూజిస్తారు. ఈ రోజున లక్ష్మీదేవిని పూజించడం వల్ల భక్తుల ఇంట్లో లక్ష్మీదేవి అనుగ్రహం, శ్రేయస్సు లభిస్తుందని నమ్ముతారు. అయితే లక్ష్మీదేవి ఆరాధనలో చెరకును ఖచ్చితంగా సమర్పించాలనే విషయం చాలా మందికి తెలియదు. ఎందుకంటే చెరకును సంపద, మాధుర్యానికి చిహ్నంగా భావిస్తారు. లక్ష్మీదేవి పూజలో చెరకును ఎందుకు సమర్పిస్తారో, దానిని తినడం వల్ల ఆరోగ్యానికి ఎలాంటి ప్రయోజనాలు కలుగుతాయో తెలుసుకుందాం.

చెరుకు కథ ఇదే

పురాణాల ప్రకారం ఒకసారి విష్ణువు, లక్ష్మీదేవి భూలోకానికి వచ్చారు. కానీ కొన్ని కారణాల వల్ల విష్ణువు దక్షిణం వైపు వెళ్ళవలసి వచ్చింది. ఈ పరిస్థితుల్లో లక్ష్మీదేవిని అక్కడే ఉండమని కోరాడు. విష్ణువు అక్కడి నుండి వెళ్ళిన తరువాత, లక్ష్మీ దేవి తన ఆకలిని తీర్చడానికి సమీపంలోని రైతు పొలంలో చెరకు తినడానికి వెళుతుంది.

శ్రీమహావిష్ణువు తిరిగి వచ్చి… లక్ష్మీదేవి చెరుకు తినడాన్ని చూస్తాడు. ఎవరి పొలం నుంచి ఆ చెరుకు తీసుకున్నావని, ఆ రైతు నుండి అనుమతి తీసుకున్నావా అని లక్ష్మీదేవిని అడిగాడు. అందుకు లక్ష్మీదేవి లేదని చెప్పింది. విష్ణుమూర్తికి చాలా బాధనిపించి…ఆ తప్పుకు పశ్చాత్తాపం చెంది రైతుకు జరిగిన నష్టానికి పరిహారం చెల్లించాలని లక్ష్మీదేవికి చెప్పాడు. లక్ష్మీమాత ఆ రైతు ఇంట్లో 12 సంవత్సరాలు ఉండాలని ఆదేశించాడు. తద్వారా రైతు ఆర్ధికంగా లాభం పొందాడు.

పన్నెండు సంవత్సరాల తరువాత, లక్ష్మీదేవి రైతు ఇంటిని విడిచిపెట్టడం ప్రారంభించినప్పుడు, రైతు ఆమెను మరికొన్ని రోజులు ఉండమని కోరింది. దీనికి మాతా లక్ష్మి మాట్లాడుతూ, రైతు, అతని తరాలు చెరకును ఆరాధిస్తూ ఉన్నంత కాలం, ఆమె ఎల్లప్పుడూ చెరకు రూపంలో అతని ఇంట్లో నివసిస్తుంది. అతనికి తరగనంత సంపదను ఇస్తుంది. లక్ష్మీ దేవి రైతుకు ఇచ్చిన ఈ వాగ్దానం కారణంగా, లక్ష్మీ పూజ సమయంలో చెరకును కూడా పూజిస్తారు.

చెరకు తినడం వల్ల ఆరోగ్యం

చెరకు రసం ఆరోగ్యానికి ఎంతో మేలు చేస్తుంది. దీన్ని తాగడం వల్ల శరీరానికి వెంటనే శక్తి అందుతుంది. మీకు ఎప్పుడైనా నీరసంగా అనిపిస్తే కొబ్బరి నీళ్లు లేదా చెరుకు రసం తాగేందుకు ప్రయత్నించండి చాలు, మీకు వెంటనే నీరసం పోయి శక్తి అందుతుంది. చెరుకు రసం మంచి ఎలక్ట్రోలైట్ ద్రావణంలా పనిచేస్తుంది. దీనిలో ఉండే గ్లూకోజ్ వెంటనే శరీరానికి బలాన్ని ఇస్తుంది.

జీర్ణ సమస్యలు ఉన్నవారు తరచూ చెరుకు రసం తాగడం అలవాటు చేసుకోండి. ఇది జీర్ణ సమస్యలను తొలగించడంలో చెరకు రసం టానిక్ లా పనిచేస్తుంది. ఇందులో పొటాషియం ఎక్కువగా ఉండటం వల్ల పొట్టలో పీహెచ్ లెవల్స్ ను బ్యాలెన్స్ చేయడానికి పనిచేస్తుంది.

ఒక పరిశోధన ప్రకారం చెరకు రసం మహిళల్లో అండోత్సర్గముకు సంబంధించిన సమస్యలను తగ్గిస్తుంది, ఇది గర్భధారణ అవకాశాలను పెంచుతుంది. అంతే కాకుండా చెరకు తినడం వల్ల శరీరంలో హిమోగ్లోబిన్ స్థాయిని పెంచడం ద్వారా రక్తహీనత సమస్యను తొలగించడానికి సహాయపడుతుంది. కాబట్టి మహిళలు వారానికి ఒకసారైనా చెరుకు రసం తాగేందుకు ప్రయత్నించండి.