Spring Onions For Skin: ఆరోగ్యకరమైన చర్మం కోసం ఉల్లికాడలు ఉపయోగపడతాయని మీకు తెలుసా? వీటిని ఇలా వాడారంటే మెరిసిపోతారు

మీ చర్మం సహజంగా మెరిసేలా తయారవడానికి మార్గాల కోసం చూస్తున్నారా? మీ బ్యూటీ రొటీన్‌లో ఉల్లికాడలను(Spring onions) చేర్చుకోండి.ఎందుకంటే ఉల్లిపాయ రుచితో వంటలను మరింత రుచికరంగా మార్చే ఈ శక్తివంతమైన ఆకుపచ్చ కాండాలు చర్మ ఆరోగ్యానికి సంబంధించి కూడా అనేక ప్రయోజనాలను కలిగిస్తుంది. వృద్ధాప్య సంకేతాలను ఎదుర్కోవడం నుండి ఆరోగ్యకరమైన మెరుపును ప్రోత్సహించడం వరకు మీ చర్మ సంరక్షణకు చాలా బాగా సహాయపడుతుంది.

ఉల్లికాడలు చర్మానికి ఎలా సహాయపడుతుంది?

• యాంటీఆక్సిడెంట్లు పుష్కలంగా ఉండే ఈ సూపర్‌ఫుడ్ ఫ్రీ రాడికల్స్ నుంచి కలిగే హానికరమైన ప్రభావాల నుండి మీ చర్మాన్ని రక్షిస్తుంది.
• ఉల్లికాడల్లో ఉండే విటమిన్- సి, ఏ కొల్లాజెన్ ఉత్పత్తిని, కణాల పనితీరును ప్రోత్సహిస్తాయి. కీలక పాత్ర పోషిస్తాయి.చర్మం స్థితిస్థాపకత, దృఢత్వాన్ని నిర్వహించడానికి కీలకపాత్ర పోషిస్తుంది. ముడతలు,గీతలు వంటివి రాకుండా అడ్డుకుంటాయి.
• యాంటీ ఇన్ ఫ్లమేటరీ, సల్ఫేర్ సమ్మేళనాలు కలిగి ఉన్న ఉల్లికాడలు చర్మపు చికాకులు తగ్గించడంలో సహాయపడతాయి. చర్మానికి తేమను అందించి ఆరోగ్యంగా ఉంచుతుంది.
• ఉల్లికాడల్లోని యాంటీ బ్యాక్టీరియల్ లక్షణాలు మొటిమలు, వాటి ద్వారా వచ్చే మచ్చల నుంచి ఉపశమనం కలిగిస్తాయి.

చర్మ సౌందర్యం కోసం ఉల్లికాడలను ఎలా ఉపయోగించాలి?

ఫేస్ మాస్క్:

ఒక టీస్పూన్ తాజా ఉల్లికాడల జ్యూస్ లో ఒక టీస్పూన్ తేనె, చిటికెడు పసుపు వేసి కలపండి. ఈ మూడింటిని కలిపి పేస్టులా చేసి ముఖానికి అప్లై చేయండి. 20 నిమిషాల పాటు అలాగే ఉంచి తర్వాత కడిగేయండి. మొటిమలు, బాక్టీరియల్ ఇన్ఫెక్షన్లకు ప్యాక్ చాలా బాగా సహాయపడుతుంది.

టోనర్:

ఒక గిన్నెలో ఒక టీస్పూన్ స్ప్రింగ్ ఆనియన్ జ్యూస్, ఒక టీస్పూన్ రోజ్ వాటర్ వేసి కలపండి; ఇప్పుడు కాటన్ బాల్ సహాయంతో మీ చర్మంపై దీన్ని అప్లై చేయండి. ఇది చర్మపు రంధ్రాలను బిగించి మీ చర్మాన్ని మృదువుగా చేయడంలో సహాయపడుతుంది.

స్క్రబ్:

స్ప్రింగ్ ఆనియన్‌లను పేస్ట్‌లా గ్రైండ్ చేయండి, ఈ మిశ్రమానికి 2 టీస్పూన్ల చక్కెర, 4-5 చుక్కల ఆలివ్ ఆయిల్‌ను జోడించండి. దీన్ని మీ ముఖంపై 5 నిమిషాల పాటు స్క్రబ్ చేయండి. ఇది డెడ్ స్కిన్ ఎక్స్‌ఫోలియేట్ చేయడంలో చక్కగా పని చేస్తుంది.

నిమ్మకాయతో కలిపి:

ఒక గిన్నెలో 1 టీస్పూన్ ఉల్లికాడల రసం, 1 టీస్పూన్ నిమ్మరసం వేసి కలపండి. దీన్ని మీ చర్మంలోని డార్క్ స్పాట్ ప్రాంతంలో అప్లై చేయండి. మొటిమలు, మచ్చలు ఉన్నవారికి ఇది ప్రభావవంతంగా పనిచేస్తుంది.

ముల్తానీ మిట్టీతో:

స్ప్రింగ్ ఆనియన్ జ్యూస్, ముల్తానీ మిట్టిని కలిపి పేస్టులా తయారు చేయండి.ముఖ్యంగా జిడ్డుగల చర్మం ఉన్నవారు దీన్ని తరచూ ఉపయోగించడం వల్ల చమురు ఉత్పత్తిని నియంత్రణలో ఉంటుంది. చర్మం మెరుస్తూ కనిపిస్తుంది.

దోసకాయతో కలిపి:

2-4 చుక్కల ఉల్లికాడల జ్యూస్‌లో 2-4 చుక్కల దోసకాయ రసం కలపండి.దీన్ని కళ్ళ క్రింద అప్లై చేయండి. కళ్ల కింద నల్లటి వలయాలు, ఉబ్బరాన్ని తగ్గించడానికి ఇది చాలా ఉపయోగకరంగా ఉంటుంది.