New Broom Tips : కొత్త చీపురుతో ఇంట్లోకి దుమ్ము రావొచ్చు.. అందుకోసం సింపుల్ టిప్స్-remove dust from new broom know simple ways ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  New Broom Tips : కొత్త చీపురుతో ఇంట్లోకి దుమ్ము రావొచ్చు.. అందుకోసం సింపుల్ టిప్స్

New Broom Tips : కొత్త చీపురుతో ఇంట్లోకి దుమ్ము రావొచ్చు.. అందుకోసం సింపుల్ టిప్స్

Anand Sai HT Telugu
May 14, 2024 03:40 PM IST

New Broom Tips In Telugu : చీపురు లేని ఇల్లు ఉండదు. కానీ కొత్త చీపురు కొన్నప్పుడు కొన్ని సమస్యలు ఎదుర్కొంటాం. వాటి నుంచి బయటపడేందుకు సింపుల్ చిట్కాలు ఉన్నాయి.

కొత్త చీపురు కోసం చిట్కాలు
కొత్త చీపురు కోసం చిట్కాలు (Unsplash)

ఇంటిని శుభ్రం చేసేందుకు చీపురు తప్పనిసరి. ఏ ఇంటిలోనైనా ఇది నిత్యవసర వస్తువు. చీపురు లేని ఇల్లు ఉండదేమో. అయితే ఈ కాలంలో ప్లాస్టిక్ చీపుర్లు ఎక్కువగా మార్కెట్లోకి వస్తున్నాయి. కానీ ఇప్పటికీ చాలా మంది సహజంగా తయారుచేసిన చీపుర్లను వాడుతారు. అందులో ఆకులు, నారలు కూడా ఉంటాయి. అయితే ఇవి తయారు చేసే క్రమంలో వాటిలో దుమ్ము పేరుకుపోతుంది. వాటిని అమ్మేవారు కూడా ఎక్కడో బయట పెడతారు. దీంతో కూడా దమ్ము వస్తుంది. అంతేకాదు.. ఆకులు, నారలతో తయారుచేస్తారు కాబట్టి వాటి నుంచి ఎండి రాలిపోయేవి కూడా ఉంటాయి. ఈ కారణంగా ఇంట్లో ఊడ్చినా.. మళ్లీ ఏదో ఒకటి పడుతుంది.

అందుకే కొత్త చీపురుతో ఇంటిని క్లీన్ చేస్తూ మళ్లీ దుమ్ము రావొచ్చు. ఇంటిని శుభ్రం చేయడం కష్టంగా మారుతోంది. మీ ఈ సమస్యను పరిష్కరించడానికి కొన్ని మార్గాలు ఉన్నాయి. ఇంటిని శుభ్రం చేయడానికి చీపురు ఉపయోగించబడుతుంది. చీపురు లేని ఇల్లు మనం చూడలేం. ఇక మాప్ కొని నెలల తరబడి వాడేవారూ ఉన్నారు. కానీ అందులో ఒక సమస్య ఉంది. మనం కొత్త చీపురు వాడితే అందులో నుంచి దుమ్ము వస్తుంది.

మీరు ఇంటిని శుభ్రం చేసినప్పుడల్లా దాని నుండి మళ్లీ మళ్లీ దుమ్ము రావడం కనిపిస్తుంది. ఇంటిని శుభ్రం చేయడం కష్టతరం అవుతుంది. మీ ఈ సమస్యను పరిష్కరించే 3 మార్గాలు ఉన్నాయి. వాటిని అనుసరించండి, మీరు ఇకపై కొత్త ఆందోళన చెందాల్సిన అవసరం లేదు.

మొదటి మార్గం

ముందుగా కొత్త చీపురును ఇంటి బయట లేదా డాబాపై ఉంచాలి. దాని కర్రలు బయటకు రాకుండా చీపురును తాడుతో కట్టాలి. ఇప్పుడు చీపురును గోడకు లేదా నేలకు వ్యతిరేకంగా పదేపదే మెల్లగా కొట్టండి. ఇలా చేయడం వల్ల చీపురుపై ఉన్న దుమ్ము మొత్తం తొలగిపోతుంది. అప్పుడు మీరు ఇంటిని శుభ్రం చేసినప్పుడు దుమ్ము ఉండదు. అందులో నుంచి నారలు లాంటివి ఉంటే కూడా వెళ్తాయి.

రెండో మార్గం

మీరు కొత్త చీపురు శుభ్రం చేయడానికి దువ్వెనను ఉపయోగించవచ్చని మీకు తెలుసా? ఇలా చేయడం వల్ల చీపురుపై ఉన్న దుమ్ము మొత్తం ఒక్కసారిగా తొలగిపోతుంది. ఇంటిని శుభ్రపరిచే సమయంలో ఇబ్బందులు ఎదుర్కోవాల్సిన అవసరం లేదు. దీని ద్వారా చీపురులోని దుమ్ముతోపాటుగా ఏమైనా ఉంటే కిందపడిపోతాయి.

మూడో మార్గం

నిండిన బకెట్‌లో కొత్త చీపురు నానబెట్టండి. ఇలా 3 నుంచి 4 సార్లు చేస్తే కొత్త చీపురుపై ​​ఉన్న దుమ్ము నీళ్లలోకి చేరుతుంది. తర్వాత దీనిని ఎండలో ఆరబెట్టండి. బాగా ఆరిన తర్వాత మీరు దానిని ఉపయోగించవచ్చు. ఇలా చేస్తే మీ ఇంటిని శుభ్రంగా ఉంచుకోవచ్చు.

చాలా మంది చేసే సాధారణ తప్పు ఏంటంటే.. చీపురుతో ఇంటిని ఊడ్చిన తర్వాత తీసుకెళ్లి బయటపెడతారు. ఇలా చేస్తే దానిపై రోడ్డు మీద నుంచి దుమ్ము వచ్చి చేరుతుంది. దీంతో మళ్లీ ఉపయోగించినప్పుడు ఇంట్లోకి దుమ్ము చేరుతుంది. అందుకే ఇంట్లోని ఏదో ఒక మూలన దానిని పెట్టాలి.

WhatsApp channel

టాపిక్