6 Seconds Kiss : 6 సెకన్ల కిస్ ఫార్ములా.. ప్రతీ భర్త తప్పక ఫాలో కావాల్సిన మ్యాటర్ ఇది-relationship tips 6 seconds kiss formula this is important matter to every husband must follow for happy married life ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  6 Seconds Kiss : 6 సెకన్ల కిస్ ఫార్ములా.. ప్రతీ భర్త తప్పక ఫాలో కావాల్సిన మ్యాటర్ ఇది

6 Seconds Kiss : 6 సెకన్ల కిస్ ఫార్ములా.. ప్రతీ భర్త తప్పక ఫాలో కావాల్సిన మ్యాటర్ ఇది

Anand Sai HT Telugu
Jun 10, 2024 12:30 PM IST

6 Seconds Kiss Formula : భార్యను భర్త ముద్దు పెట్టుకోవడం పెద్ద పనేం కాదు. కానీ 6 సెకన్ల ముద్దు ఫార్ములా ఫాలో అయితే మీ బంధం బలంగా ఉంటుంది. మీ జంట ఆనందంగా జీవించవచ్చు.

6 సెకన్ల కిస్ ఫార్ములా
6 సెకన్ల కిస్ ఫార్ములా (Instagram)

మీ వైవాహిక బంధంలో గ్యాప్ ఉన్నట్లుగా భావిస్తున్నారా? ఏం చేయాలో తెలియడం లేదా? అయితే ఇదిగో మీకోసం కిస్ ఫార్ములా ఉంది. చాలా మంది భార్యలు.. భర్త ఆఫీస్ వెళ్తుంటే ఫీల్ అవుతారు. మళ్లీ సాయంత్రం దాకా ఎదురుచూస్తూ ఉంటారు. మరికొందరేమో భర్త వెళ్తుంటే.. దగ్గరకు వెళ్లి హత్తుకోవాలని అనుకుంటారు. ఇలా రకరకాల మైండ్ సెట్ ఉంటుంది. భార్యకు ఎలాంటి ఆలోచనలు ఉన్నా.. భర్తలు మాత్రం 6 సెకన్ల కిస్ ఫార్ములా ఫాలో కావాలి. అప్పుడే వివాహం జీవితం బలంగా ఉంటుంది.

ప్రతి పురుషుడి జీవితంలో భార్య చాలా ముఖ్యమైనది. కొన్నిసార్లు భర్తలు తమ భార్యల చేతులు పట్టుకుని నడుస్తూ ఉంటారు. మరికొందరు ఇంటి నుంచి బయటకు రాగానే భార్యలను కౌగిలించుకుంటారు. ఏదైనా పని మీద బయటకు వెళ్లేటప్పుడు భార్యకు తీపి జ్ఞాపకంగా ముద్దు పెడతారు. ఇలా చేయడం మంచి పద్ధతే. అయితే మీరు మరో విషయం ఫాలో అయితే మీ బంధంలో ఇంకా మంచి జరుగుతుంది.

అయితే భార్యను 6 సెకన్ల పాటు ముద్దుపెట్టుకుంటే మీ బంధం మరింత బలపడుతుందని మీకు తెలుసా? దీనిపై పరిశోధన కూడా ఉంది. ఇప్పుడు దాని గురించి పూర్తిగా తెలుసుకోండి.

6 సెకన్ల ముద్దు ఎందుకు?

సాధారణంగా మహిళలు తమ రిలేషన్ షిప్ గురించి ఎక్కువగా ఆలోచించడమే కాకుండా పశ్చాత్తాపపడతారు. మీ భార్య ఇలా ఆలోచిస్తుంటే మీరు ఇంటి నుండి బయటకు వెళ్లేటప్పుడు ఆమెను 6 సెకన్ల పాటు ముద్దు పెట్టుకోండి. ఎందుకంటే ఇతడిని అనవసరంగా పెళ్లి చేసుకున్నా అనే ఆలోచన వారికి రాకుండా చూసుకోవాలి. ఇందుకోసం 6 సెకన్ల కిస్ ఫార్ములా ఫాలో అవ్వండి.

ముద్దు ఎందుకు ముఖ్యం

పరిశోధన ప్రకారం పనికి వెళ్లే ముందు భార్యను ముద్దుపెట్టుకునే పురుషులు 4 సంవత్సరాలు ఎక్కువ కాలం జీవిస్తారు. ముఖ్యంగా ఈ 6 సెకన్ల ముద్దు భార్యాభర్తల జీవితంలో చాలా మార్పులను తెస్తుంది. బంధాన్ని బలపేతం చేస్తుంది.

6 సెకన్స్ కిస్

ఈ 6 సెకనుల ముద్దు లిప్ టు లిప్ కిస్ అయి ఉండాలి. పరిశోధన ప్రకారం ఈ 6 సెకన్ల ముద్దు సాధారణ ముద్దు కంటే చాలా రెట్లు శక్తివంతమైనది. ముద్దు సమయం తక్కువగా ఉండవచ్చని మీరు అనుకోవచ్చు. అయితే ఇది మరింత లాభదాయకంగా ఉంటుంది.

ఈ 6 సెకన్ల ముద్దులో, ఆక్సిటోసిన్ విడుదల అవుతుంది. ఇది మీ భాగస్వామి మనస్సులో భావోద్వేగ భద్రత బంధాన్ని సృష్టిస్తుంది. ఇది మీ సంబంధాన్ని బలపరుస్తుంది. నా వాడు నాతోనే ఉంటాడు అనే ఫీలింగ్ భార్యకు కలుగుతుంది.

కౌగిలించుకోవడం

ప్రతి ముద్దుకు 6 సెకన్లు అన్నట్టుగానే.. కేవలం 20 సెకన్ల కౌగిలింతలు మీ భాగస్వామికి ఆక్సిటోసిన్‌ని విడుదల చేస్తాయి. ఇది 6 సెకన్ల ముద్దు లాగా ప్రయోజనకరంగా ఉంటుంది. మీరు ఇంటి నుండి బయటకు అడుగుపెట్టినప్పుడల్లా మీ భార్యకు 6 సెకన్ల ముద్దు, 20 సెకన్ల కౌగిలింత ఇవ్వడం మర్చిపోవద్దు.

ఆక్సిటోసిన్‌ను ప్రేమ హార్మోన్ అని పిలుస్తారు. మీరు ఎవరినైనా కౌగిలించుకున్నప్పుడు లేదా కాసేపు కిస్ పెట్టినప్పుడు ఆక్సిటోసిన్ స్థాయిలు పెరుగుతాయి. ముఖ్యంగా ఇది మీ వైవాహిక జీవితాన్ని చాలా అందంగా మార్చుతుంది.

WhatsApp channel