Ramzan Do's and Don'ts : రంజాన్ మాసంలో ఈ పనులు అస్సలు చేయకూడదు-ramzan 2024 dos and donts in the holy month of ramadan ,లైఫ్‌స్టైల్ న్యూస్
తెలుగు న్యూస్  /  Lifestyle  /  Ramzan 2024 Dos And Donts In The Holy Month Of Ramadan

Ramzan Do's and Don'ts : రంజాన్ మాసంలో ఈ పనులు అస్సలు చేయకూడదు

Anand Sai HT Telugu
Mar 12, 2024 09:00 AM IST

Ramdan 2024 : రంజాన్ మాసం ప్రారంభమైంది. ఈ పవిత్రమైన రోజుల్లో కొన్ని విషయాలను తప్పకుండా పాటించాలి. కొన్ని విషయాలు చేయకూడదు. వాటి గురించి తెలుసుకుందాం..

రంజాన్ మాసం
రంజాన్ మాసం (Unsplash)

ముస్లింలకు రంజాన్ చాలా పవిత్రమైన మాసం. ఈ నెలలో, కఠినమైన ఉపవాసం పాటించడమే కాకుండా, కొన్ని నియమాలను కూడా పాటించాలి. రంజాన్ మాసంలో నియమాలను క్రమశిక్షణతో పాటిస్తే పాపాల నుంచి విముక్తి పొంది అల్లా కృపకు పాత్రులవుతారని విశ్వాసం. సెహ్రీ తర్వాత ఉదయం, ఉపవాసం విరమించి మళ్లీ ఉపవాసం మెుదలుపెట్టాలి. ఎవరు ఉపవాసం ఉండాలి? ఎవరు చేయకూడదు? ఉపవాసం ఉన్నప్పుడు ఏమి చేయకూడదు అనే విషయం తెలుసుకుందాం..

వీరు ఉపవాసం ఉండకూడదు

మీరు ఆరోగ్యంగా ఉండి, యుక్తవయస్సు వచ్చినట్లయితే మీరు ఉపవాసం ఉండాలి. చిన్న పిల్లలకు పస్తులుండలేరు. మీరు ప్రయాణాలు చేస్తున్నప్పుడు లేదా మీ ఆరోగ్యం బాగాలేకపోతే మీరు ఉపవాసం చేయవలసిన అవసరం లేదు. కానీ తరువాత రోజుల్లో మీరు దీన్ని చేయాలి. బహిష్టు లేదా బాలింతల సమయంలో ఉపవాసం ఉండవలసిన అవసరం లేదు. పాలిచ్చే తల్లి.. కావాలంటే ఉపవాసం ఉండకపోవచ్చు.

ఇలా చేయకూడదు

మీకు కావలసినంత తిని తాగవద్దు, లేకపోతే ఉపవాసం విరమించబడుతుంది. వాంతి వచ్చినట్లు అనిపిస్తే ఉపవాసం కొనసాగుతుంది. కానీ వాంతి చేసుకుంటే ఉపవాసం ఆపుతారు. రంజాన్‌లో సెక్స్‌ చేయడం పెద్ద పాపం. అలా చేస్తే 60 రోజులు ఉపవాసం ఉండి 60 మంది పేదలకు భోజనం పెట్టాలి.

శరీరంలో రక్తస్రావం అయినప్పుడు ఉపవాసం ఉండకూడదు. ఉపవాసం ఉన్న స్త్రీకి ముందే రుతుక్రమం ఉంటే, ఆ రోజు ఉపవాసం పరిగణించబదు, బదులుగా అది ఇతర రోజులలో చేయాలి.

మద్యం సేవించడం/ధూమపానం చేయడం లేదా బలవంతంగా వాంతులు చేసుకోవడం వల్ల ఉపవాసం చెల్లదు.

రంజాన్‌లో సెల్ఫ్ కంట్రోల్ ఉండాలి. వాదించడం, పోరాడడం చేయెుద్దు. శాంతి, సానుకూల పరస్పర చర్యలను పెంపొందించడంపై దృష్టి పెట్టండి.

మీరు రంజాన్‌లో ఉపవాసం ఉంటే, సంగీతం వినడం ఆమోదయోగ్యం కాదు. ప్రార్థనకు ఎక్కువ సమయం కేటాయించండి. అల్లాను స్మరించుకోండి.

మంచి విషయాలపై దృష్టి పెట్టండి, ద్వేషం లేదా చెడు భావాలను నివారించండి. ఎందుకంటే ఇది మీ ఉపవాసాన్ని రద్దు చేస్తుంది.

మీరు గర్భవతిగా ఉంటే, తల్లిపాలు ఇస్తున్నప్పుడు లేదా ఋతు చక్రం కలిగి ఉంటే ఉపవాసాలను పాటించడం మానుకోండి.

రంజాన్ పవిత్ర సమయంలో ప్రార్థనలను విస్మరించవద్దు. ఉపవాసం విరమించడాన్ని ఆలస్యం చేయవద్దు.

ఉపవాసం ఉన్నప్పుడు అసభ్య పదజాలాన్ని ఉపయోగించడం మానుకోండి.

ఈ పనులు చేయవచ్చు

ముఖం కడుక్కోవచ్చు కానీ ఏ కారణం చేతనైనా ఒక్క చుక్క నీరు కూడా తాగకూడదు. స్నానం చేయవచ్చు, నోరు పుక్కిలించవచ్చు కానీ నీరు త్రాగకూడదు. కళ్లకు రాసుకోవచ్చు, ఐ డ్రాప్స్ వేసుకోవచ్చు. అనారోగ్య సమస్యలు ఉన్నవారు టీకాలు వేయవచ్చు. మనకు తెలియకుండా మింగేసినా లేదా మురికి ఉన్న ప్రాంతానికి వెళ్లినా, మనకు తెలియకుండానే మన నోటిలో దుమ్ము చేరినా, ఉపవాసం విరమించదు. ఆహారాన్ని రుచి చూసి, తినకుండా ఉమ్మివేస్తే ఉపవాసం భంగపడదు. రోజుకు కనీసం ఐదు సార్లు ప్రార్థించండి, అదనపు ప్రార్థనలు కూడా చేయవచ్చు. పవిత్ర రంజాన్ మాసంలో పేదలకు వీలైనంత ఎక్కువ జకాత్ (దానధర్మం) అందించండి.

WhatsApp channel

టాపిక్