Protein without Chicken: చికెన్ కంటే ఎక్కువ ప్రోటీన్ ఉన్న 5 ఆహారాలు! చికెన్ తినవద్దనుకునే వాళ్లు తప్పక తెలుసుకోండి!

శరీరం పనితీరు సజావుగా సాగాలంటే దానికి తగ్గట్లుగా సరైన పోషకాహారం అందాలి. వాటిలో ప్రధానమైనది ప్రోటీన్, ఇది ఒక రకమైన మాక్రోన్యూట్రియంట్. కండరాలను బలపరచడం, కణజాలాలను మరమ్మత్తు చేయడం, శరీరాన్ని అభివృద్ధి చేయడం వంటి ప్రముఖమైన పనులకు ప్రోటీన్ చాలా ముఖ్యం. అటువంటి మంచి ప్రోటీన్ అందించే ఆహారాలలో ప్రధానంగా మాట్లాడేది చికెన్, గుడ్లు, చేపలు. ఇవన్నీ నాన్ వెజ్ ఆహారాలు కదా. కానీ, మరి శాఖాహారులు కూడా ప్రొటీన్ ఆహారాన్ని తీసుకోవాలనుకుంటే, ఎక్కువ మొత్తంలో ప్రొటీన్ పొందే కూరగాయలు తీసుకోవాల్సిందే. చికెన్ కంటే ఎక్కువ స్థాయిలో ప్రొటీన్ అవసరాలు తీర్చగల కూరగాయలేంటో తెలుసుకుందామా..

సోయాబీన్

మంచి శాఖాహార ప్రోటీన్ సోర్స్ గురించి మాట్లాడుకుంటే మొదటగా గుర్తొచ్చేది సోయాబీన్. 100 గ్రాముల సోయాబీన్‌లో దాదాపు 29 గ్రాముల ప్రోటీన్ ఉంటుందట. అంటే, ఇది చికెన్‌కు దాదాపు సమానం. సోయాబీన్‌లో అన్ని రకాల అమైనో ఆమ్లాలు ఉంటాయి. అంతేకాకుండా, ఇందులో ఫైబర్, విటమిన్లు, ఖనిజాలు వంటి అనేక పోషకాలు ఉంటాయి. ఇవి మీ మొత్తం ఆరోగ్యానికి చాలా మంచివి.

మూంగ్ దాల్ (పెసరపప్పు)

మూంగ దాల్ కూడా మంచి శాఖాహార ప్రోటీన్. 100 గ్రాముల మూంగ దాల్‌లో దాదాపు 24 గ్రాముల ప్రోటీన్ ఉంటుంది. ఇది కూడా చికెన్‌కు దాదాపు సమానం. మీరు చౌకైన, మంచి శాఖాహార ప్రోటీన్ కోసం వెతుకుతున్నట్లయితే మీకు మూంగ్ దాల్ (పెసరపప్పు) ఒక మంచి ఆప్షన్. మూంగ దాల్‌ను మీరు మొలకెత్తించి లేదా దీనితో దాల్, చాట్ చేసి మీ ఆహారంలో చేర్చుకోవచ్చు. ఇందులో ఫైబర్, ఇనుము, ఖనిజాలు కూడా ఉంటాయి. ఇవి మీ మొత్తం ఆరోగ్యానికి చాలా మంచివి.

శెనగలు లేదా శెనగపప్పు

మీరు మంచి రెగ్యూలర్ వెజ్ ప్రోటీన్ ఫుడ్ కోసం వెతుకుతున్నట్లయితే, శెనగలు మంచి ఎంపిక. దాదాపు 100 గ్రాముల మిశ్రమంలో దాదాపు 25 గ్రాముల ప్రోటీన్ ఉంటుంది. వీటితో మీరు రుచికరమైన గ్రేవీని తయారు చేసుకోవచ్చు. చాలా మంది శెనగపప్పుతో ఇగురు, శెనగపప్పు మసాలా కర్రీ లాంటి ట్రై చేస్తుంటారు. ఇలా తినడం వల్ల ఇనుము, ఫైబర్, ఫోలేట్‌లతో పాటు అనేక రకాల విటమిన్లు పుష్కలంగా ఉంటాయి. ఇవి మొత్తం ఆరోగ్యానికి అనేక విధాలుగా మంచివి.

మంచి ప్రోటీన్ అందించే పనీర్

శాఖాహార ప్రోటీన్ మూలాల గురించి మాట్లాడేటప్పుడు, పనీర్ గురించి కూడా ప్రత్యేకంగా చెప్పుకోవాలి. 100 గ్రాముల పనీర్‌లో దాదాపు 40 గ్రాముల ప్రోటీన్ ఉంటుంది. ఇది అనేక నాన్-వెజ్ లలో దొరికే కంటే ఎక్కువ. వాస్తవానికి చికెన్ లో ఉండే ప్రొటీన్ కంటే ఇది ఎక్కువ. ఇందులో ఎముకల ఆరోగ్యాన్ని మెరుగుపరిచే కాల్షియం కూడా చాలా మంచి మోతాదులో ఉంటుంది. పనీర్ చాలా రుచికరమైన ఆహారం, దీనితో అనేక రకాల రుచికరమైన వంటకాలను తయారు చేసి మీ ఆహారంలో చేర్చుకోవచ్చు.

రాజ్మా

రాజ్మా కూడా మంచి ప్రోటీన్తో నిండిన ఆహారం. దీనిని 100 గ్రాముల సర్వింగ్‌లో దాదాపు 35 గ్రాముల ప్రోటీన్ కూడా ఉంటుంది. దీని వలన ఇది చికెన్‌కు మంచి ప్రత్యామ్నాయంగా ఉంటుంది. ఇందులో ఫైబర్ పుష్కలంగా ఉంటుంది. దీని వలన ఇది పొట్టను ఎక్కువసేపు నిండుగా ఉంచుతుంది. రాజ్మా అన్నం నుండి రాజ్మా సలాడ్, రాజ్మా చాట్ వరకు, అనేక విధాలుగా రాజ్మాను మీ ఆహారంలో చేర్చుకోవచ్చు.