Potato Stciks Recipe: కరకరలాడే పొటాటో స్టిక్స్‌ను ఇంట్లోనే ఈజీగా తయారు చేసుకోవచ్చు, ఎలాగో చూసేయండి!
Potato Stciks Recipe: క్రిస్పీ క్రంచీగా ఉండే పొటాటో స్టిక్స్ అంటే ఎవరికి ఇష్టం ఉండదు చెప్పండి. పిల్లల నుంచి పెద్దవాళ్ల వరకూ ప్రతి ఒక్కరూ ఇష్టంగా తింటారు. అంతా ఇష్టంగా తినే వీటిని ప్రతిసారి బయట నుంచి తెచ్చుకుంటే ఏం బాగుంటుంది. ఈజీగా ఇంట్లోనే తయారు చేసుకోవడం ఎలాగో ఇక్కడ తెలుసుకోండి.
ఈజీగా తయారయ్యే రుచికరమైన స్నాక్స్ చేయాలంటే టక్కున గుర్తొచ్చేది బంగాళదుంప. దీంట్లో స్వీట్ నుంచి హాట్ వరకూ ఎన్నో రకాల స్నాక్స్ తయారు చేసుకోవచ్చు. రుచిలో కూడా వీటిని తిరుగుండదు. అందుకే చాలా మంది పొటాటో స్నాక్స్ అంటే ఇష్టంగా తింటారు. అయితే మీరు ఇప్పటి వరకూ బంగాళాదుంపలతో బజ్జీలు, పునుగులు వేసుకుని తిని ఉంటారు. ఆలూ పరోటాలు, పకోడీలను కూడా రుచి చూసే ఉంటారు. ఈసారి కొత్తగా పొటాటో స్టిక్స్ తయారు చేసి చూడండి. కరకరలాడు, క్రంచీగా ఉండే పొటాటో స్టిక్స్ ఇంట్లో పిల్లల నుంచి పెద్ద వాళ్ల వరకూ ప్రతి ఒక్కరినీ నచ్చుతాయి. వీటిని తయారు చేయడం కూడా చాలా సులువు. సింపుల్ అండ్ ఈజీ పొటాటో స్టిక్స్ రెసిపీ ఏంటో చూసేద్దా రండి..
పొటాటో స్టిక్స్ తయారు చేయడానికి కావల్సిన పదార్థాలు
- బంగాళాదుంపలు - 400 గ్రాములు
- నీరు - అర లీటర్
- మిరియాల పొడి - పావు టీ స్పూన్
- ఉప్పు - రుచికి తగినంత
- కార్న్ ఫ్లోర్ - రెండు స్పూన్లు
- బియ్యం పిండి- రెండు స్పూన్లు
- చీజ్ - రెండు స్పూన్లు
- నూనె - ఒక స్సూన్ + డీప్ ఫ్రైకి సరిపడా
పొటాటో స్టిక్స్ తయారీ విధనాం..
- కరకరలాడే బంగాళదుంప స్టిక్స్ తయారు చేయడం కోసం ముందుగా బంగాళాదుంపలను తీసుకుని వాటి తొక్కంతా తీసేయండి.
- తరువాత వీటిని పెద్ద పెద్ద ముక్కలుగా కట్ చేసి ఉప్పు నీటిలో వేయండి.
- ఇప్పుడు ఒక బౌల్ తీసుకుని దాంట్లో నీరు పోసి వేడి చేయండి. నీరు వేడెక్కిన తర్వాత దాంట్లో ఆలూ ముక్కలు వేసి బాగా ఉడికించండి.
- బంగాళాదుంపలన్నీ ఉడికిన తర్వాత వాటిలోని నీరంత పోయే వరకూ పక్కకు పెట్టుకోండి.
- తరువాత స్మాషర్ లేదా గరిటే సహాయంతో ఉడికిన బంగాళాదుపంలను స్మాష్ చేసి మెత్తటి పేస్టులా తయారు చేయండి.
- ఇపుడీ పేస్టును ఒక బౌల్‌లోకి తీసుకుని దాంట్లో మిరియాల పోడి, ఉప్పు, కార్న్ ఫ్లోర్, బియ్యం పండి, సన్నగా తురిమిని చీజ్‌తో పాటు ఒక స్పూన్ నూనె వేసి అన్నింటినీ బాగా కలుపుకోండి.
- అన్నీ బాగా కలిసిపోయి పిండి మెత్తగా, మృదువుగా మారేంత వరకూ బాగా కలపండి.
- తర్వాత ఈ పిండిలో నుంచి చిన్న చిన్న ముద్దలుగా తీసుకుంటూ పొడవాటి స్టిక్స్ ను తయారు చేసుకోండి.
- మొత్తం మిశ్రమాన్ని ఇలా స్టిక్స్ లా తయారు చేసుకోండి.
- ఈలోపు ఒక కడాయి తీసుకుని డీప్ ఫ్రైకి సరిపడా నూనె పోసి వేడి చేయండి. నూనె బాగా వేడెక్కిన తర్వాత మనం తయారు చేసుకున్న పొటాటో స్టిక్స్ ను నూనెలో వేసి వేయించండి.
- స్టిక్స్ రెండు వైపులా వేగి బంగారు రంగులోకి మారేంత వరకూ గరిటతో తిప్పుతూ వేయించండి.
అంతే కరకరలాడే రుచికరమైన పొటాటో స్టిక్స్ రెడీ అయినట్టే. వీటిని టామాటో సాస్, పెరుగు లేదా మీకు నచ్చిన గ్రీన్ చట్నీ వంటి వాటితో కలిపి తిన్నారంటే వేరే స్నాక్స్ వద్దంటారు. పిల్లలైతే వీటిని చేసి పెడతానంటే ఏ పని చేసినా చేసేస్తారు. కావాలంటే ట్రై చేసి చూడండి.
Ramya Sri Marka
సంబంధిత కథనం
టాపిక్