Divorce : విడాకుల గురించి పిల్లలకు ఎలా చెప్పాలి? వారిని బాధించకుండా ఎలా ఎదుర్కోవాలి?
Parenting Tips : భార్యాభర్తలు బంధం చాలా గొప్పది. కానీ ఇద్దరి మనసులు విడిపోవాలని నిర్ణయించుకుంటే ఎవరూ ఏం చేయలేరు. ఈ సమయంలో ఎక్కువగా ఎఫెక్ట్ అయ్యేది పిల్లలు. వారికి విడాకుల గురించి మెల్లగా అర్థమయ్యేలా చెప్పాలి.
భార్యాభర్తలు బంధం చాలని నిర్ణయించుకున్నప్పుడు విడిపోయేందుకు ప్రయత్నిస్తారు. కానీ పిల్లలు ఉంటే ఈ విషయాన్ని వారికి తెలియజేయడం చాలా కష్టం. పిల్లలు కాస్త పెద్దవారైతే పరిస్థితి అర్థం అవుతుంది కానీ 10 ఏళ్లలోపు పిల్లలుంటే తల్లిదండ్రులు తమతో కలిసి ఉండరని చెప్పడం చాలా కష్టమే. కానీ నిజం చెప్పాలి. ఈ విషయం గురించి పిల్లలకు చెప్పేటప్పుడు జాగ్రత్తగా ఉండండి:
ప్రేమతో ఉండాలి
విడాకుల గురించి పిల్లలకు చెప్పేటప్పుడు మీరు ఎల్లప్పుడూ వారితో ఉంటారని పిల్లలకు చెప్పండి. మేం ఇద్దరం విడివిడిగా ఉన్నా.. మీకు తోడుగా ఉంటామని వివరించండి. భవిష్యత్తు గురించి ఆందోళన వద్దు అని చెప్పండి. వారిని భయపెట్టవద్దు, ప్రేమగా పిలిచి మిమ్మల్ని ఎప్పటికీ విడిచిపెట్టమని భరోసా ఇవ్వండి. ఎప్పుడైనా కలుసుకోవచ్చని తెలపాలి.
చెడుగా చెప్పకండి
మీ పిల్లలతో మీ జీవిత భాగస్వామి గురించి చెడుగా చెప్పకండి. మీ ఇద్దరి మధ్య విడిపోయేందుకు ఏవేవో కారణాలు ఉండవచ్చు. రాజీపడలేక విడాకులు తీసుకోవచ్చు. కానీ మీ పిల్లలతో దీని గురించి మాట్లాడకండి. మీ తండ్రి లేదా తల్లి గురించి పిల్లలతో చెడుగా చెప్పవద్దు. మీరు విడాకులు తీసుకున్నప్పటికీ పిల్లలకు మంచి తల్లిదండ్రులుగా ఉండటానికి ప్రయత్నించాలి.
కలుస్తామనే నమ్మకం ఇవ్వండి
10 ఏళ్లలోపు పిల్లలకు విడాకుల గురించి చెప్పడం పెద్ద కష్టమేమీ కాదు, ఆ వయసులో విడాకుల గురించి అర్థం కాదు, మెల్లగా అర్థం చేసుకుంటారు. వాస్తవాన్ని గ్రహించి జీవించడానికి ప్రయత్నిస్తారు. తల్లిదండ్రులతో కలిసి నివసించరని వారికి చెప్పాలి. కానీ కావాలి అనుకున్నప్పుడు కలవొచ్చని వివరించాలి. అదే యుక్తవయస్సులో పిల్లలు ఉంటే చాలా కష్టం. అవును ఈ వయసులో తల్లితండ్రులు విడిపోతున్నారని తెలిశాక పిల్లల మనసు చాలా షాక్ గురి అవుతుంది.
అర్థమయ్యేలా వివరించాలి
ఈ వయసులో పిల్లలు తల్లిదండ్రులు కలిసి ఉండరనే విషయాన్ని భరించడం కష్టం. విడాకుల గురించి తమ స్నేహితుల సర్కిల్‌లో ఏం చెప్పాలని పిల్లలు కంగారుపడతారు. మీకు ఈ వయస్సు పిల్లలు ఉన్నట్లయితే మీరు వారిని చాలా చక్కగా నిర్వహించాలి. మేము కలిసిపో ఉండలేం కాబట్టి విడిపోయాము, కానీ మేము ఎల్లప్పుడూ మీకోసం ఉంటామని చెప్పాలి. మీ అవసరాలకు తగ్గట్టుగా ప్రవర్తిస్తాం అనే నమ్మకం ఇవ్వాలి.
పిల్లల కోసం గొడవలొద్దు
చాలా మంది భార్యాభర్తలు విడాకుల కోసం వెళుతున్నప్పుడు పిల్లల కోసం గొడవపడతారు. నాతో ఉండాలని భార్య చెబితే, కోర్టు పేర్కొన్న రోజుల్లో నాతో పంపాలి అని భర్త పట్టుబడతాడు. మీ బిడ్డ బొమ్మ కాదు. ఈ విషయంలో ఇద్దరూ పిల్లల కోణంలో ఆలోచించాలని, కొద్దిరోజులు తండ్రి దగ్గరే ఉంటానని చెప్పినప్పుడు తల్లి జోక్యం చేసుకోకూడదు. అదేవిధంగా బిడ్డను తల్లి నుంచి బలవంతంగా తీసుకెళ్లేందుకు తండ్రి ప్రయత్నించకూడదు.
మీ ఇద్దరికీ పిల్లల అవసరం ఉంది. పిల్లల భావాలను అర్థం చేసుకోవడానికి ప్రయత్నించడం వలన మీ విడాకులు పిల్లలపై ప్రతికూల ప్రభావం చూపకుండా నిరోధించవచ్చు. విడాకులు అనేది మీ ఇద్దరికీ వ్యక్తిగత నిర్ణయం. మీరు శాంతిని చూసుకునే మార్గం, కానీ మీ విడాకుల పిల్లల శాంతిని పాడుచేయకుండా జాగ్రత్తగా ఉండాలి.