Mens Health:పెళ్లికి సిద్ధమవుతున్న పురుషులు ప్రతిరోజూ ఈ డ్రింక్ తాగడం అలవాటు చేసుకోండి-men preparing for marriage should make it a habit to drink this drink every day ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Mens Health:పెళ్లికి సిద్ధమవుతున్న పురుషులు ప్రతిరోజూ ఈ డ్రింక్ తాగడం అలవాటు చేసుకోండి

Mens Health:పెళ్లికి సిద్ధమవుతున్న పురుషులు ప్రతిరోజూ ఈ డ్రింక్ తాగడం అలవాటు చేసుకోండి

Haritha Chappa HT Telugu
Jan 17, 2025 06:30 PM IST

పురుషుల ఆరోగ్యానికి కొన్ని రకాల పానీయాలు ఎంతో ఉపయోగపడతాయి. ముఖ్యంగా వారిలోని టెస్టోస్టెరాన్ హార్మోను తగ్గకుండా ఉండాలంటే ప్రత్యేకంగా ఆరోగ్యకరమైన డ్రింక్స్ తాగాలి. మగవారి శరీర బలహీనతను తొలగించడానికి లేదా ఎముకలను బలోపేతం చేయడానికి ఇక్కడ మేము ఒక డ్రింక్ గురించి ఇచ్చాము.

మగవారి కోసం ప్రత్యేక పానీయం
మగవారి కోసం ప్రత్యేక పానీయం (Shutterstock)

డ్రై ఫ్రూట్స్ ఆరోగ్యానికి ఎంతో మేలు చేస్తాయి. వాటిని సరైన ఆహారంతో తింటే అవి చేసే మంచి ఇంతా అంతా కాదు. అందుకే పిల్లల నుంచి పెద్దల వరకు అంతా గుప్పెడు డ్రైఫ్రూట్స్ తినమని పోషకాహార నిపుణులు చెబుతారు. ఈ డ్రైఫ్రూట్స్ లో ఖర్జూరం కూడా ఒకటి. ఇందులో కాల్షియం, ఫైబర్, జింక్, మెగ్నీషియం, ఇనుము వంటి అనేక పోషకాలు ఉంటాయి. రోజూ పాలు, ఖర్జూరం కలిపి తింటే ఆరోగ్యానికి ఎంతో మంచిది. ముఖ్యంగా పురుషులకు పాలు, ఖర్జూరం ఎంతో మేలు చేస్తాయి. దీన్ని రోజూ తీసుకోవడం వల్ల శరీరంలో శక్తి పెరగడంతో పాటు అనేక వ్యాధులతో పోరాడటానికి సహాయపడుతుంది. కాబట్టి దీని వల్ల కలిగే ప్రయోజనాల గురించి ప్రతి ఒక్కరూ తెలుసుకోవాలి.

yearly horoscope entry point

బరువు పెరిగేందుకు

సరైన డైట్ తీసుకుంటున్న కూడా పురుషులు బరువు పెరగకుండా సన్నంగా ఉంటే వారు పాలు, ఖర్జూరాలు కలిపి తినవచ్చు. పాలు, ఖర్జూరాలను డైట్ లో తప్పనిసరిగా చేర్చుకుంటే మీకెన్నో ప్రయెజనాలు కలుగుతాయి. పాలలో ప్రోటీన్, కేలరీలు పుష్కలంగా ఉంటాయి. ఇది వేగంగా బరువు పెరగడానికి సహాయపడుతుంది. అంతేకాకుండా శరీరాన్ని లోపలి నుంచి దృఢంగా, శక్తివంతంగా మార్చడానికి కూడా ఇది పనిచేస్తుంది.

గుండె ఆరోగ్యానికి

పాలు, ఖర్జూరం క్రమం తప్పకుండా తీసుకోవడం వల్ల గుండె ఆరోగ్యం కూడా మెరుగుపడుతుంది. చెడు కొలెస్ట్రాల్ ను నియంత్రించి గుండెను ఆరోగ్యంగా ఉంచడంలో సహాయపడుతుంది. ప్రతి రోజు రాత్రి పాలలో ఖర్జూరాలు వేసి మరిగించి తింటే గుండె జబ్బులు వచ్చే ప్రమాదం తగ్గుతుంది. పాలలో చెడు కొవ్వు ఉండదు, దీని వల్ల ఇది గుండె ఆరోగ్యానికి చాలా ప్రయోజనకరంగా ఉంటుంది.

లైంగిక సామర్థ్యానికి

క్రమం తప్పకుండా పాలు, ఖర్జూరం కలిపి తాగడం వల్ల పురుషులలో శారీరక బలహీనత, లైంగిక ఆరోగ్యానికి సంబంధించిన సమస్యల నుండి ఉపశమనం లభిస్తుంది. పురుషుల సెక్స్ హార్మోన్ టెస్టోస్టెరాన్ పెంచడంలో ఖర్జూరం ఎంతో గొప్పగా ఉపయోగపడుతుంది. ప్రతి రోజు రాత్రి ఒక కప్పు పాలలో ఖర్జూరాలను వేసి తింటే వీర్యం పెరుగుతుంది. ఇది కాకుండా, ఇది పురుషుల మొత్తం ఆరోగ్యానికి కూడా చాలా ప్రయోజనకరంగా ఉంటుంది.

ప్రతిరోజూ ఇలా పాలు, ఖర్జూరాలు నానబెట్టిన లేదా మరిగించిన పానీయాలన్ని తాగడం వల్ల ఎముకలు బాగా బలపడతాయి. పాలలో కాల్షియం, ప్రోటీన్, ఫైబర్ పుష్కలంగా ఉంటాయి. ఇవి ఎముకల ఆరోగ్యానికి చాలా ప్రయోజనకరంగా ఉంటాయి. ఇవి ఎముకలను బలోపేతం చేయడంలో, ఎముక నొప్పి నుండి ఉపశమనం కలిగించడంలో చాలా సహాయపడతాయి. వృద్ధాప్యంలో కూడా ఎముకలు ఆరోగ్యంగా ఉండాలంటే పాలు తాగడం మొదలుపెట్టవచ్చు.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)

Whats_app_banner

సంబంధిత కథనం