గణపతికి ఇష్టమైన గరికలో ఔషధ గుణాలు, ఈ దూర్వా గడ్డిని ఆరోగ్యానికి ఎలా వాడాలో తెలుసుకోండి

గణపతికి ఇష్టమైనది గరిక. దీన్ని దూర్వా గడ్డి అని పిలుస్తారు. ఇంటి గడపలో, రోడ్డు పక్కన ఈ గడ్డి పెరుగుతూ ఉంటుంది. ఈ గడ్డిలో ఎన్నో ఔషధ లక్షణాలు ఉంటాయి. ముఖ్యంగా ఆయుర్వేదం, ఆధ్యాత్మిక పద్ధతుల్లో విరివిగా వాడే పవిత్ర, ఔషధ ఇది. ఈ గడ్డి అనేక రోగాలను సహజంగా నయం చేసే ప్రత్యేక శక్తి దీనికి ఉంది.

ఈ దూర్వా గడ్డిలో పోషకాలు, యాంటీఆక్సిడెంట్లు, చికిత్సా గుణాలు పుష్కలంగా ఉంటాయి. ఈ పచ్చిగడ్డి శరీరాన్ని చల్లబరిచి మనసును ప్రశాంతంగా ఉంచి, మనసును శుద్ధి చేస్తుంది. రోగనిరోధక శక్తిని బలోపేతం చేయడం, జీర్ణక్రియను ప్రోత్సహించడం వంటివి చేసే ఈ అద్భుత గడ్డి మొత్తం ఆరోగ్యానికి, శ్రేయస్సుకు అనేక రకాల ప్రయోజనాలను అందిస్తుంది.

రోగనిరోధక శక్తిని పెంచుతాయి

గరికలో ఉండే యాంటీఆక్సిడెంట్లు, బయోయాక్టివ్ సమ్మేళనాలు రోగనిరోధక శక్తిని బలోపేతం చేస్తాయి.

గాయం నయం

గాయాలు త్వరగా నయం చేయడానికి, అంటువ్యాధులను నివారించడానికి తాజా గడ్డి పేస్ట్ లేదా రసం ఉపయోగించవచ్చు. ఇది కాలిన గాయాలపై కూడా అద్భుతంగా పనిచేస్తుంది.

శీతలీకరణ ప్రభావం

దూర్వా గడ్డి శీతలీకరణ స్వభావాన్ని కలిగి ఉంటుంది. పిత్త దోషాన్ని సమతుల్యం చేయడానికి సహాయపడుతుంది. ముఖ్యంగా వేసవిలో శరీర వేడిని తగ్గిస్తుంది.

జీర్ణక్రియను మెరుగుపరుస్తుంది

గరిక రసం లేదా కషాయం తయారుచేసుకుని తాగడం వల్ల జీర్ణక్రియను ఉత్తేజపరుస్తుంది. ఎసిడిటీ, మలబద్ధకం వంటి సమస్యల నుండి ఉపశమనం కలిగిస్తుంది.

రక్త శుద్ధి

ఈ దూర్వా గడ్డి రసం సహజ రక్త శుద్ధికారిగా పనిచేస్తుంది. శరీరం విషాన్ని తొలగించడానికి, చర్మ ఆరోగ్యాన్ని మెరుగుపరచడంలో సహాయపడుతుంది.

యాంటీబయాటిక్ లక్షణాలు

గరిక రసం రక్తంలో చక్కెర స్థాయిలను సహజంగా నియంత్రించడంలో సహాయపడుతుందని కొన్ని అధ్యయనాలు పేర్కొన్నాయి.

నోటి ఆరోగ్యానికి

చిగుళ్ళను బలోపేతం చేయడానికి, నోటి పరిశుభ్రతను పాటించడానికి ఈ గడ్డిని నమలడం సాంప్రదాయ పద్ధతి.

గరికను తరచూ వాడడం వల్ల జుట్టు కూడా త్వరగా పెరగడానికి సహాయపడుతుంది. జలుబు, దగ్గు, శ్వాసకోశ ఇన్ఫెక్షన్లకు శ్వాసకోశ ఆరోగ్యం నేచురల్ రెమెడీగా పనిచేస్తుంది.

దూర్వా గడ్డిలో సమృద్ధిగా ఫైబర్, ప్రోటీన్లు, కాల్షియం, భాస్వరం, పొటాషియం, ఇనుము వంటి ఖనిజాలు ఉన్నాయి. ఇవన్నీ శరీర శక్తిని పెంచుతాయి.

దూర్వా గడ్డి కేవలం ఒక పవిత్ర మొక్క మాత్రమే కాదు… ఇది అనేక రకాల ఆరోగ్య, ఆధ్యాత్మిక ప్రయోజనాలతో కూడినది. రోగనిరోధక శక్తిని పెంచడం నుండి మనస్సును శాంతపరచడం వరకు అనేక ప్రయోజనాలను కలిగి ఉంది. మీ జీవనశైలిలో పచ్చి గడ్డిని చేర్చడం వల్ల దీనిని మరింత సమతుల్యంగా, ఆరోగ్యంగా మార్చవచ్చు.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)