Juice Without Juicer: జ్యూసర్, మిక్సర్ రెండూ లేకపోయినా సులభంగా క్యారెట్ జ్యూస్‌ తయారు చేసుకోవచ్చు‌! ఎలాగో తెలుసుకోండి

అన్ని సీజన్లలోనూ అధిక డిమాండ్ ఉండే కూరగాయల్లో క్యారెట్ కూడా ఒకటి. క్యారెట్లలో యాంటీఆక్సిడెంట్లు, బీటా కెరోటిన్, ఫైబర్, విటమిన్ -కె, ు పోస్టియం వంటి పోషకాలు పుష్కలంగా ఉంటాయి. ఇవి రోగనిరోధక శక్తిని పెంచడానికి, కంటి ఆరోగ్యం, జీర్ణక్రియ, చర్మ ఆరోగ్యం, గుండె ఆరోగ్యం, శరీరాన్ని నిర్విషీకరణ చేయడానికి పనిచేస్తాయి. అందుకే ప్రతి రోజూ ఏదో ఒక రూపంలో క్యారెట్ ను తీసుకోవాలని ఆరోగ్య నిపుణులు సూచిస్తారు.

క్యారెట్ జ్యూస్ ఏ ఎందుకు?

క్యారెట్లను అనేక విధాలుగా ఆహారంలో చేర్చుకోవచ్చు. కూర చేసుకోవచ్చు, స్పెషల్ రైస్ తయారీకి ఉయోగించుకోవచ్చు. హల్వా లాంటి తీపి పదార్థాలను తయారు చేసుకోవచ్చు. కాని చాలా మంది ఉదయాన్నే ఖాళీ కడుపుతో క్యారెట్ జ్యూస్ తాగడానికి ఇష్టపడతారు. ఇది సులభంగా తయారవడమే కాకుండా ఆరోగ్యానికి మరింత మేలు చేస్తుంది.

అయితే ఇంట్లో జ్యూసర్ మెషీన్, మిక్సీ ఉంటే జ్యూస్ తయారు చేయడం నిమిషాల్లో పని. కానీ చాలా మంది ఇళ్లలో జ్యూసర్ ఉండకపోవచ్చు, ఉన్న మిక్సీ కూడా పాడైపోయిన సందర్భాలు కూడా రావచ్చు. అలాంటప్పుడు కూడా క్యారెట్ జ్యూస్ మిస్ అవకుండా ఉండాలంటే మీకు సులభమైన మార్గాలున్నాయి. ఈ ట్రిక్స్ తో మిక్సర్ జ్యూసర్ లేకుండానే ఈజీగా క్యారెట్ జ్యూస్ తయారు చేసుకోవచ్చు. ఎలాగో తెలుసుకుందాం రండి.

జ్యూసర్, మిక్సర్ లేకుండానే క్యారెట్ జ్యూస్ ఎలా తయారు చేయచ్చు?

• ఇంట్లో జ్యూసర్, మిక్సర్ రెండూ లేకపోయినా సులభంగా క్యారెట్ జ్యూస్ తయారు చేయాలంటే కొన్నిచిట్కాలు పాటించాలి. అందులో మొదటిది సరైన క్యారెట్లను ఎంచుకోవడం. జ్యూస్ ఎక్కువగా రావాలంటే క్యారెట్లు ఎప్పుడూ ఎర్రగా ఉండాలి. పసుపు భాగం ఎంత తక్కువ ఉండే అంత ఎక్కువ రసం ఉంటుందని గుర్తుంచుకోండి.
• ఇప్పుడు క్యారెట్లను బాగా రుద్ది కడిగాలి. లేదంటే మట్టి మిగిలి ఉండిపోతుంది. తర్వాత వీటిని సన్నగా తిరిగి పెట్టుకోవాలి.
• ఇప్పుడు ఒక గ్లాసు తీసుకుని దాంట్లో జ్యూస్ త్రాగడానికి కావలసినంత నీటిని నింపండి.
• తరువాత అందులో తురిమి పెట్టుకున్న క్యారెట్ వేయాలి.
• ఇప్పుడు గ్లాసుకు మూత పెట్టి దాదాపు మూడు గంటల పాటు నాననివ్వాలి. ఉదయాన్నే అంత సమయం లేని వారు రాత్రే ఇలా నానబెట్టుకోవచ్చు.
• ఇలా చేయడం వల్ల క్యారెట్లలోని పోషకాలన్నీ నీటిలోకి చేరతాయి. నీరు రంగు మారడంతో పాటు చిక్కగా తయారవుతుంది.
• జ్యూస్ తాగేముందు దీన్ని గట్టిగా పిండుకుని వడకట్టాలి.
• తరువాత ఇందులో కొద్దిగా నిమ్మరసం, నల్ల మిరియాల పొడి, చిటికెడు ఉప్పు వేసుకుని చక్కగా కలుపుకోవాలి.
• ఎప్పుడైనా జ్యూస్ తాగాలనుకుంటే మూడు గంటల ముందు వేసుకోవాలి. దీన్ని వడకట్టి అందులో కొద్దిగా నిమ్మరసం, నల్ల మిరియాలు, నల్ల ఉప్పు వేసి తాగాలి.
• అంతే జ్యూసర్, మిక్సర్ లేకుండానే ఆరోగ్యకరమైన, రుచికరమైన క్యారెట్ జ్యూస్ తాగడానికి సిద్దంగా ఉన్నట్టే.

మిక్సర్ తో క్యారెట్ జ్యూస్ చేయడానికి కూడా కొన్ని చిట్కాలు ఉన్నాయి..

మీ ఇంట్లో మిక్సర్ గ్రైండర్ ఉండి జ్యూసర్ లేకపోతే మిక్సర్ సహాయంతో త్వరగా హెల్తీ అండ్ టేస్టీ క్యారెట్ జ్యూస్ తయారు చేసుకోవచ్చు. ఇందుకోసం క్యారెట్లను బాగా కడిగి తొక్క తీయాలి. ఇప్పుడు వాటిని చిన్న చిన్న ముక్కలుగా కట్ చేసి మిక్సీలో వేయాలి. అందులో కొద్దిగా నీళ్లు పోసి పేస్ట్‌లా చేసుకోవాలి. ఇది మంచి పేస్ట్‌గా మారిన తర్వాత పెద్ద జల్లెడలో వేసి చెంచాతో నొక్కి రసం తీయాలి. ఈ విధంగా మీరు క్యారెట్ జ్యూస్‌ను నిమిషాల్లో తయారు చేస్తారు అది కూడా జ్యూసర్ లేకుండా.