Follow on:
హై ప్రొటీన్ బ్రేక్‌ఫాస్ట్ కావాలా? న్యూట్రిషనిస్ట్ చెప్పిన ఈ రెసిపీ ట్రై చేయండి, ఒక్కో దోసకు 60 గ్రాముల ప్రొటీన్
హై ప్రొటీన్ ఫుడ్ దొరికితే పండుగ చేసుకునే వారెవరైనా ఉన్నారంటే వాళ్లు బాడీ బిల్డర్లే. లెక్క పెట్టుకుని మరీ తింటారు ప్రొటీన్ల కోసం. మరి అటువంటి వారి కోసం ఎటువంటి శ్రమ లేకుండా సింపుల్ రెసిపీతో చక్కటి ప్రొటీన్ ప్యాక్‌డ్ దోసను తీసుకొచ్చాం.
హై ప్రొటీన్ బ్రేక్‌ఫాస్ట్ (దోస)
వర్కౌట్స్ చేసే వాళ్లకు, జిమ్ ప్రేమికులకు బాగా తెలుసు ప్రొటీన్ వాల్యూ ఏంటో.. దీని కోసం ప్రత్యేక మెనూలను కూడా రెడీ చేసుకుంటారు. అటువంటి వారి కోసం ప్రముఖ న్యూట్రిషనిస్ట్, సోషల్ మీడియా సెలబ్రిటీ నితీశ్ సోనీ ఈ ప్రత్యేకమైన దోస రెసిపీని తీసుకొచ్చారు. దీనిని ఫాలో అయితే 60 గ్రాముల ప్రొటీన్ పక్కాగా వస్తుందని నొక్కి చెప్తున్నారు. మరింకెందుకు ఆలస్యం.. ఆ హై ప్రొటీన్ హెల్తీ బ్రేక్‌ఫాస్ట్ ఏంటో చూసేద్దామా..!
హై ప్రొటీన్ దోస తయారుచేయడానికి కావాల్సిన పదార్థాలు:
- శెనగపిండి - 100 గ్రాములు
- పన్నీర్ - 100 గ్రాములు
- టమాటా - అరకప్పు
- కొత్తిమీర - అరకప్పు
- ఉల్లిపాయ - అరకప్పు
- క్యారెట్ - అరకప్పు
- పసుపు పొడి - టీ స్పూన్
- కారం పొడి - టీ స్పూన్
- పెరుగు - 300 గ్రాములు
దోస తయారు చేసే విధానం:
- ముందుగా పిండి కలుపుకునేందుకు ఒక గిన్నెను తీసుకుని అందులో 100 గ్రాముల శెనగపిండి వేయండి.
- ఈ శెనగపిండితో పాటుగా అందులో పన్నీర్ తురుము కూడా వేసి బాగా కలపండి.
- అందులో టమాటా అర కప్పు, కొత్తిమీర అరకప్పు, ఉల్లిపాయ ముక్కలు అరకప్పు వేసుకుని బాగా కలుపుకోండి.
- చివర్లో క్యారెట్ తురుముతూ పాటు పసుపు, కారం వేసి కొద్దిగా నీళ్ళు పోసి బాగా మిక్స్ చేయండి.
- ఈ మిశ్రమం దోస పోసేందుకు వీలైనంత చిక్కగా ఉండాలని మర్చిపోకండి.
- అలా కలుపుకున్న దోస పిండిని పాన్ మీద వేయండి.
- దోస వేసే సమయంలో, వేసిన తర్వాత కూడా స్టవ్ చిన్న మంట మీదే ఉండాలి.
- లేదంటే అందులో పోషకాలను సరిగా పొందలేం.
- అలా రెండు వైపులా తిప్పిన తర్వాత దోసె వేగిందని కన్ఫమ్ చేసుకుని ప్లేటులోకి తీసుకోండి.
- ఇప్పుడు దానితో పాటుగా పెరుగును సైడ్ డిష్ గా పెట్టుకుని తినాలి.
- ఇలా చేయడం వల్ల కచ్చితంగా శరీరానికి 60 గ్రాముల ప్రొటీన్ అందుతుందని నితీశ్ సోని చెప్తున్నారు.
ప్రత్యేకమైన అంశాలు:
- ఈ దోసలో మీరు కలుపుకునే శెనగపిండి ప్రొటీన్, ఫైబర్ లతో కూడి ఉంటుంది.
- ఇంకా పన్నీర్ లో క్యాల్షియం, క్లీన్ ప్రొటీన్ ఉంటాయి.
- టమాటా, క్యారెట్, ఉల్లిపాయలను సూపర్ ఫుడ్ గా చెప్పుకోవచ్చు.
- పెరుగు విషయానికొస్తే ఇది ప్రొబయాటిక్స్ మాత్రమే కాకుండా ప్రొటీన్ కూడా.
- ఇందులో మరింత ఫ్లేవర్ కోసం ఆవాలు, జీలకర్ర వంటివి కలుపుకోవచ్చు.
ఇందులో వచ్చే ప్రొటీన్ కాకుండా అదనపు ప్రొటీన్ కోసం కూడా చూస్తుంటే ఇలా చేయండి.
- ఎగ్ వైట్ (Egg Whites) – పిండిలో రెండు ఎగ్ వైట్స్ కలుపుకుంటే అదనంగా 7–8g ప్రొటీన్ వచ్చేస్తుంది.
- సోయా క్రంబుల్స్ / సోయా ఫ్లౌర్ – 1 టేబుల్ స్పూన్ కలిపితే, దోస టెక్స్చర్ కూడా బాగా స్టిఫ్‌గా ఉంటుంది.
- చియా సీడ్స్ (Chia Seeds) – 1 టీ స్పూన్ నీళ్లలో నానబెట్టి కలుపుకుంటే, ఫైబర్ + ఓమేగా-3s బోనస్‌గా వచ్చేస్తాయి.
సంబంధిత కథనం