బఠానీ రైస్ ఇలా చేశారంటే భలే రుచిగా ఉంటుంది! కేవలం 10 నిమిషాల్లో రెడి అయిపోతుంది!
త్వరగా అయిపోయే, రుచికరమైన రైస్ రెసిపీ కావాలా? అయితే బఠానీ రైస్ మీ కోసమే! దీన్ని తయారు చేయడం చాలా తేలిక. ఈ సింపుల్ స్టెప్స్‌తో ఎక్కువ పదార్థాలు అవసరం లేకుండా ఈజీగా బఠానీ రైస్ చేసుకోవచ్చు! పిల్లల నుండి పెద్దలు వరకు అందరూ దీన్ని ఇష్టంగా తింటారు. లేట్ చేయకుండా రెసిపీలోకి వెళిపోదాం రండి.
ఉదయం బ్రేక్‌ఫాస్ట్‌కి ఏం చేయాలో అర్థం కావడం లేదా? మధ్యాహ్నం లంచ్‌కి బోర్ కొట్టకుండా ఏదైనా కొత్తగా ట్రై చేయాలనుకుంటున్నారా? అయితే బఠానీ రైస్ ఒక సూపర్ ఆప్షన్! ఇది చాలా త్వరగా అయిపోతుంది, రుచిలో కూడా అద్భుతంగా ఉంటుంది. దీన్ని తయారు చేయడానికి ఎక్కువ పదార్థాలు కూడా అవసరం లేదు. ఈ సింపుల్ స్టెప్స్‌తో మీరూ ఇంట్లోనే బ్రేక్‌ఫాస్ట్ లేదా లంచ్ కోసం బఠానీ రైస్‌ను సిద్ధం చేసుకోండి!
బఠానీ రైస్ తేలికగా ఉంటుంది కాబట్టి ఉదయం తినడానికి సెట్ అవుతుంది. అలాగే కడుపు నింపుతుంది కాబట్టి లంచ్‌కి కూడా పర్ఫెక్ట్ గా పని చేస్తుంది! మీ ఇంట్లో పిల్లల నుండి పెద్దలు వరకు అందరూ దీన్ని ఇష్టంగా తింటారు. ఇంకా ఆలోచిస్తారెందుకు లేట్ చేయకుండా ప్రాసెస్ లోకి వెళిపోదాం పదండి.
బఠానీ రైస్ తయారీకి కావలసిన పదార్థాలు:
- 1 కప్పు బాస్మతి బియ్యం(మామూలు బియ్యం అయినా పరవాలేదు)
- 1 కప్పు పచ్చి బఠానీలు (తాజాగా లేదా ఫ్రోజెన్)
- 1 ఉల్లిపాయ (చిన్నగా తరిగినది)
- 1 టమోటా (చిన్నగా తరిగినది - ఐచ్ఛికం)
- 1 టీస్పూన్ అల్లం-వెల్లుల్లి పేస్ట్
- 1/2 టీస్పూన్ జీలకర్ర
- 1/4 టీస్పూన్ పసుపు పొడి
- 1/2 టీస్పూన్ ధనియాల పొడి
- 1/4 టీస్పూన్ గరం మసాలా (ఐచ్ఛికం)
- 2 టేబుల్ స్పూన్లు నూనె లేదా నెయ్యి
- రుచికి సరిపడా ఉప్పు
- కొత్తిమీర (చిన్నగా తరిగినది - గార్నిష్ కోసం)
- 2 కప్పుల నీరు (బియ్యానికి)
బఠానీ రైస్ తయారీ విధానం:
- బఠానీ రైస్ తయారీ కోసం ముందుగా బాస్మతి బియ్యం లేదా మామూలు సన్న బియ్యాన్ని 2-3 సార్లు శుభ్రంగా కడిగి, కనీసం 15-20 నిమిషాలు పాటు నానబెట్టాలి. నానబెట్టడం వల్ల అన్నం పొడిపొడిగా వస్తుంది.
- తరువాత స్టవ్ మీద ఒక మందపాటి అడుగున్న బాండలి లేదా కుక్కర్ పెట్టాలి.
- అందులో నూనె లేదా నెయ్యి వేసి కాస్త వేడి చేయాలి.
- నూనె వేడెక్కాక దీంట్లో జీలకర్ర వేసి చిటపటలాడనివ్వాలి.
- ఆ తర్వాత చిన్నగా తరిగిన ఉల్లిపాయ ముక్కలు వేసి లేత బంగారు రంగు వచ్చే వరకు వేయించాలి.
- ఉల్లిపాయలు వేగిన తర్వాత అల్లం-వెల్లుల్లి పేస్ట్ వేసి ఒక నిమిషం పాటు పచ్చి వాసన పోయే వరకు వేయించాలి.
- ఇప్పుడు మీరు టమోటా వేయాలనుకుంటే, ఈ సమయంలో వేసి మెత్తగా అయ్యే వరకు వేయించాలి.
- టమాటోలు మగ్గిన తర్వాత పచ్చి బఠానీలు వేసి 2-3 నిమిషాలు పాటు నూనెలో వేయించాలి. ఫ్రోజెన్ బఠానీలు అయితే కాసేపు వేయిస్తే సరిపోతుంది.
- బఠానీలు కాసేపు వేగిన తర్వాత దీంట్లో పసుపు, ధనియాల పొడి, గరం మసాలా వేసి బాగా కలపాలి.
- అన్నీ చక్కగా వేగిన తర్వాత నానబెట్టిన బియ్యంలోని నీరు తీసేసి బాండలిలో వేసి నెమ్మదిగా కలపాలి.
- ఒక నిమిషం పాటు బియ్యాన్ని కూడా వేయించండి. ఇలా చేయడం వల్ల అన్నం మరింత రుచిగా ఉంటుంది.
- బియ్యం కూడా వేగిన తర్వాత 2 కప్పుల నీరు, రుచికి సరిపడా ఉప్పు వేసి బాగా కలపాలి.
- బాండలిపై మూత పెట్టి నీరు పూర్తిగా ఇంకిపోయే వరకు, బియ్యం మెత్తగా ఉడికే వరకు ఉడికించాలి. మధ్యలో ఒకసారి కలుపుకోవచ్చు. కుక్కర్ లో వేసి ఉంటే 4 విజిల్స్ వచ్చే వరకూ అలాటే ఉంచాలి.
- అన్నం ఉడికిన తర్వాత స్టవ్ ఆఫ్ చేసి 5 నిమిషాలు మూత తీయకుండా అలాగే వదిలేయాలి.
- చివరగా మూత తీసి తరిగిన కొత్తిమీరతో గార్నిష్ చేసుకున్నారంటే బఠనీ రైస్ రెడీ అయినట్టే.
దీనికి తోడుగా రైతా లేదా మీకు నచ్చిన ఏదైనా కర్రీని రెడీ చేసుకున్నారంటే. ఆహా అద్భుతహా అంటారు. ఒకసారి రుచి చూస్తే మీరు తరచుగా తినాలని అనుకుంటారు. కావాలంటే ట్రై చేసి చూడండి.
సంబంధిత కథనం