మట్టి పాత్రల్లో ఆహారాన్ని వండే ముందు ఆ పాత్రలను ఎలా శుభ్రపరచుకోవాలో తెలుసుకోండి

పూర్వం మట్టి పాత్రల్లో ఆహరాన్ని వండేవారు. ఇప్పుడు మళ్లీ ఆ ట్రెండ్ మొదలైంది. మట్టి పాత్రలు మార్కెట్లో విపరీతంగా అమ్ముడవుతున్నాయి. పాన్, తవా, హండీతో, జగ్గు, బాటిల్ ఇలా అన్ని రకాల పాత్రలు మట్టితో తయారుచేసి అమ్ముతున్నారు.

మట్టి పాత్రల్లో ప్రజలు వంట చేయడం, తినడం, త్రాగటం వంటివి చేస్తున్నారు. ఆ పాత్రలు వాడడం ఆరోగ్యానికి మంచిదని భావిస్తారు. అయితే ఈ కుండలను ఉపయోగించే ముందు కొన్ని ముఖ్యమైన విషయాలు తెలుసుకోవడం కూడా చాలా ముఖ్యం. తద్వారా పాత్రల వాడకం ఆరోగ్యానికి ఏ విధంగానూ హాని కలిగించదు.

కుండలు కొనుగోలు చేసేటప్పుడు, ఈ పాత్రల లోపలి భాగంలో గ్లేజ్ పూత లేదని గుర్తుంచుకోండి. యుఎస్ ఫుడ్ అండ్ డ్రగ్ రిపోర్ట్ ప్రకారం, చాలా పూతలలో సీసం, కాడ్మియం ఉంటాయి. ఇది ఆరోగ్యానికి చాలా హానికరం. కాబట్టి మీరు మట్టి కుండలు కొనుగోలు చేసినప్పుడు మెరిసే మట్టి పాత్రలను కొనవద్దు. వాటిపై పూత కోసం రసాయనాలు వాడతారు.

నూనె పూయండి

మట్టి పాత్రలు కొని ఇంటికి తీసుకువచ్చిన వెంటనే ఉపయోగించేయకండి. వాటిని మొదట నీటిలో నానబెట్టి కనీసం రాత్రంతా ఆరబెట్టాలి. ఆ తర్వాత నూనెతో పూత పూయాలి. తద్వారా ఆహారాన్ని మట్టి కుండలు గ్రహించకుండా ఉంటాయి.

సబ్బుతో శుభ్రం చేయద్దు

మట్టి కుండలో లీచింగ్ గుణం ఉంది. ఈ పాత్రలపై సబ్బు వేసిన వెంటనే, అవి దాన్ని గ్రహిస్తాయి. అందులో ఆహారం వండితే అందులో ఉండే ఆహారంలో సబ్బు కలిసిపోతుంది. కాబట్టి మట్టి కుండలను సబ్బుతో కడిగి తప్పు చేయకండి.

మీరు మట్టి కుండలను కొనుగోలు చేసినప్పుడల్లా అవి పాత్రలు మందంగా, బరువుగా ఉన్నాయని గుర్తుంచుకోండి. తద్వారా వంట చేసేటప్పుడు అవి పగులకుండా ఉంటాయి. కుండ పలుచగా ఉంటే అవి వండేటప్పుడు విరిగిపోయే ప్రమాదం ఉంది.

కుండల అడుగు భాగం బలంగా ఉండి వంట అవసరాల కోసం తయారు చేసుకోవాలి. ఎల్లప్పుడూ కుండల అడుగు భాగాన్ని కొట్టడానికి ప్రయత్నించండి. మంచి, బలమైన అడుగు లోహం లాంటి ధ్వని రావాలి. ఆ ధ్వనిని బట్టి కుండ లోపలి నిర్మాణం బలంగా ఉందని అర్థమవుతుంది.

మట్టి కుండలను సబ్బుతో మాత్రం శుభ్రం చేయకూడదు. గోరువెచ్చని నీరు, బేకింగ్ సోడా కలిపి శుభ్రం చేయాలి. ఇలా చేయడం వల్ల మట్టి కుండల్లో ఎలాంటి రసాయనాలు ఉండవు.