Sundar pichai fav food: గూగుల్ సీఈఓ మెచ్చే 3 ఇండియన్ స్ట్రీట్ ఫుడ్స్ ఇవే.. వింటే మీకూ నోరూరుతుంది
Sundar pichai fav food: ఒక ఇంటర్వ్యూలో సుందర్ పిచాయ్ ను మీకు ఇష్టమైన భారతీయ ఆహారం గురించి అడిగినప్పుడు, అతని సమాధానం వింటే ఎవరి నోట్లో అయినా నీళ్లు వస్తాయి. ఆయనకు ఇష్టమైన వంటకాలేంటో చూసేయండి.
దేశంలోనే కాకుండా విదేశాల్లో కూడా భారతీయ ఆహారానికి లక్షలాది మంది అభిమానులు ఉన్నారు. ఇక్కడ వడ్డించే స్పైసీ, ఫ్లేవర్లున్న ఆహారం రుచంటే చాలా మందికి ఇష్టం.ఇక స్ట్రీట్ ఫుడ్స్ గురించి చెప్పక్కర్లేదు. బహుశా ఇండియన్ స్ట్రీట్ ఫుడ్స్ గూగుల్ సీఈఓ సుందర్ పిచాయ్ కూడా ఇదే అభిప్రాయాన్ని వ్యక్తం చేశారు. వాస్తవానికి, గూగుల్ సిఈఓ సుందర్ పిచాయ్ ఒక పాడ్‌కాస్ట్ షో కు వచ్చారు. అక్కడ అతను భారతదేశంపై కృత్రిమ మేధ ప్రభావం, ఇంజనీర్లకు సలహాలు ఇవ్వడంతో పాటూ తనకు ఇష్టమైన భారతీయ ఆహారం గురించి మాట్లాడాడు.
యూట్యూబర్ వరుణ్ మాయకు ఇచ్చిన ఈ ఇంటర్వ్యూలో సుందర్ పిచాయ్ ను మీకు ఇష్టమైన భారతీయ ఆహారం గురించి అడిగినప్పుడు, ఆయన సమాధానం వింటే ఎవరి నోటనైనా నీళ్లు వస్తాయి. వాస్తవానికి సుందర్ పిచాయ్ తనకు ఇష్టమైన భారతీయ ఆహారం గురించి మాట్లాడేటప్పుడు మూడు నగరాలను ప్రస్తావించారు. 'నేను బెంగళూరులో ఉన్నప్పుడు దోశ తింటాను. ఇది నా ఫేవరెట్ ఫుడ్. అది ఢిల్లీ అయితే చోలే భతురే. ముంబై ఉంటే పావ్ బాజీ తింటాను. అవకాశం దొరికినప్పుడల్లా ఈ ఆహారాలను బాగా ఆస్వాదిస్తానని గూగుల్ సీఈఓ తెలిపారు.
మీరు కూడా గూగుల్ సీఈఓ సుందర్ పిచాయ్ వంటి ఈ ఇండియన్ స్ట్రీట్ ఫుడ్స్ కు అభిమాని అయితే, ఈ వంటకాల్లో ప్రత్యేకత ఏమిటో తెలుసుకోండి-మసాలా
మైసూర్ దోశ:
బెంగళూరు మసాలా దోశ లేదా మైసూర్ దోశలో మసాలా దినుసులతో చేసిన ఎర్రటి చట్నీ దోశకు పూస్తారు. దీంతో దోశ స్పైసీగా రుచిగా ఉంటుంది. అలాగే బెన్నె మసాలా దోశ కర్ణాటకలో చాలా ఫేమస్. దీని తయారీకి బటర్ వాడటం ద్వారా రుచి అద్భుతంగా ఉంటుంది. ఇక తమిళనాడు మసాలా దోశ దాని పెద్ద సైజుకు ప్రసిద్ది చెందింది. దోశెలో ఎన్నో రకాలు మరి.
చోలే భతురే:
చోలే అంటే శనగలు, భతురే అంటే పూరీల్లాగా ఉంటాయి. ఈ కాంబినేషన్ ఉత్తర భారతీయులు బాగా ఇష్టపడతారు. ఈ వంటకం డిల్లీ నుంచి మొదలైంది. క్రమంగా అంతటా విస్తరించింది. భతురేలు పూరీని పోలి ఉన్నా కూడా వీటి తయారీ కాస్త భిన్నంగా ఉంటుంది. మనకు ఆలూ పూరీ ఎలాగో వాళ్లకు చోలే భతురే అలాగన్నమాట. ఇది సుందర్ పిచాయ్ కి నచ్చిన వంటకం.
పావ్ బాజీ:
ఇక్కడ పావ్ అంటే బన్, బాజీ అంటే కూర. మసాలాలు, బటర్ కలిపి వేయించిన బన్ ను కూరగాయలన్నీ కలిపి ఉడికించి గ్రేవీలా చేసిన బాజీతో సర్వ్ చేస్తారు. అదే పావ్ బాజీ. దీని చరిత్ర ఎంత ఆసక్తికరంగా ఉంటుందో అంతే ఆశ్చర్యం కలిగిస్తుంది. అమెరికా సివిల్ వార్ సమయమే పావ్ భాజీకి జన్మనిచ్చిందని భావిస్తున్నారు. నిజానికి అమెరికా అంతర్యుద్ధం 1861లో ప్రారంభమైంది. ఈ యుద్ధంలో, ఆకలితో ఉన్న కార్మికులకు ఓవర్ టైమ్ పని చేసేవారికి చౌకగా మరియు త్వరగా తినడానికి ఏదైనా అవసరం. ఇంతలో, వీధుల్లో ఆహారం అమ్మేవాళ్లు ఒక కొత్త వంటకాన్ని కనుగొన్నారు. రోజులో మిగిలిన కూరగాయల్లో కొన్ని మసాలా దినుసులు కలిపి భాజీని తయారు చేసి బ్రెడ్ మీద పెట్టి అమ్మడం మొదలుపెట్టాడు. క్రమంగా ఈ స్ట్రీట్ ఫుడ్ బొంబాయి మిల్లు కార్మికులకు ఇష్టమైన ఆహారంగా మారింది. కొన్ని సంవత్సరాల తరువాత, పోర్చుగీసు వారు బన్ ను ముక్కలు చేయడం ద్వారా పాశ్చాత్య దేశాలలో తయారు చేసిన పావ్ ను ముంబైలో ప్రవేశపెట్టారు. మారుతున్న కాలానికి అనుగుణంగా బాజీ, బేకింగ్ పావ్ తయారీ విధానం కూడా మారిపోయింది.
టాపిక్