Jagannath Puri prasad list: జగన్నాథునికి ప్రతిరోజూ నివేదించే 56 రకాల ప్రసాదాలేంటో తెల్సా?-know the list of 56 prasad or chappan bhog of jagannath puri ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Jagannath Puri Prasad List: జగన్నాథునికి ప్రతిరోజూ నివేదించే 56 రకాల ప్రసాదాలేంటో తెల్సా?

Jagannath Puri prasad list: జగన్నాథునికి ప్రతిరోజూ నివేదించే 56 రకాల ప్రసాదాలేంటో తెల్సా?

Koutik Pranaya Sree HT Telugu
Jul 04, 2024 06:30 PM IST

Puri chappan bhog list: జగన్నాథ్ పూరీలో శ్రీ కృష్ణునికి ప్రతిరోజూ 56 రకాల ప్రసాదాలు నివేదిస్తారు. ఆ ప్రసాదాలేంటో తెల్సుకోండి.

పూరీ జగన్నాథ్ చప్పన్ భోగ్
పూరీ జగన్నాథ్ చప్పన్ భోగ్

తోబుట్టువులను కొలిచే గుడి జగన్నాథ్ పూరీ. ఈ క్షేత్రంలో శ్రీకృష్ణుడు తన సోదరుడు బలరాముడు, సోదరి సుభద్రతో కొలువై ఉన్నాడు. కలువ కళ్ల కృష్ణుణ్ణి కొలిచే జగన్నాథ్ పూరీ క్షేత్రం చార్‌దామ్ లలో ఒకటి. ఇక్కడి ఆ గోవర్దనుడికి నివేదించే చప్పన్ భోగ్‌కు ప్రత్యేకత ఉంది. చప్పన్ అంటే 56, భోగ్ అంటే ప్రసాదాలు.. ప్రతిరోజు జగన్నాథునికి 56 రకాల ప్రసాదాలు పెడతారు. ఆ ప్రసాదాలేంటో తెల్సుకోవాలని ఉంటే ఇది చదివేయండి.

ఇక్కడి దేవాలయ వంటగదిలో దాదాపు లక్షమందికి వంట చేసే సామర్థ్యం ఉంది. ప్రసాదాలన్నీ మట్టి కుండల్లో, పాత్రల్లో వండటం మరో ప్రత్యేకత.

చప్పన్ భోగ్ ప్రసాదాలు:

అన్నం ప్రసాదాలు:

  1. సాదా అన్న - అన్నం

2 దహీ పాఖాలా - పెరుగన్నం

3 కనిక- నెయ్యి, పంచదార కలిపి వండిన అన్నం

4 తాలి కిచుడి- పప్పులు, నెయ్యి, పంచదార కలిపి వండిన పసుపు రంగు అన్నం

5 అడ పాఖాలా- అల్లం రుచితో వండిన అన్నం

6 ఘీ అన్న - నెయ్యి కలిపిన అన్నం

7 మీఠా పాఖాలా - పంచదారతో వండిన అన్నం

8 ఒడియా పాఖాలా - నెయ్యి, నిమ్మరసం, ఉప్పు కలిపి వండిన అన్నం

9 కెచుడి - పప్పులతో వండిన అన్నం

స్వీట్స్:

10 ఖాజా - మైదాతో చేసి పంచదారా పాకంలో నానిన కరకరలాడే స్వీట్

11 గాజా - గోదుమలతో చేసే వంటకం

12 లాడూ - లడ్డు

13 జీరా లాడూ - జీలకర్ర, నిమ్మరసం, పంచదార, ఉప్పు రుచితో ఉండే లడ్డు

14 మగాజా లాడూ - శనగపిండి, పంచదార, నెయ్యి, పాలు కలిపి చసిన లడ్డు

15 మాతాపులి - నెయ్యి, అల్ం రుచితో చేసిన తీపి వంటకం

16 ఖురుమా- - గోధుమపిండి, పంచదార, నెయ్యి, ఉప్పుతో చేసిన స్వీట్

17 జగన్నాథ్ బల్లవ్ - గోధుమ, పంచదార, నెయ్యితో చేసిన నలుపు రంగు మిఠాయి

18 కాకరా - నెయ్యి, పంచదారా, కొబ్బరి తురుము, గోదుమపిండితో చేసిన మిఠాయి

19 లూని ఖురుమా - నెయ్యి, గోధుమ, ఉప్పుతో చేసిన ఉప్పు బిస్కట్లు

20 మారిచి లాడూ - గోధుమ, పంచదారతో చేసిన లడ్డు

పీఠా:

21 సువార్ పీఠా - గోధుమ, నెయ్యితో చేసే వంటకం

22 చడాయ్ లాడా - గోధుమ, నెయ్యి పంచదారతో చేసే వంటకం

23 ఝిల్లి బియ్యం - పిండి, నెయ్యి ,పంచదారతో చేసే వంటకం

24 కాంటి - బియ్యంపిండి, నెయ్యితో చేసే వంటకం

25 మండా - బియ్యం, కొబ్బరి, బెల్లం, నెయ్యితో చేసే రొట్టె లాంటి వంటకం

26 అమాలు - గోధుమ, నెయ్యి పంచదారతో చేసే వంటకం

27 పూరీ

28 లూచీ - మైదా, నెయ్యితో చేసే అట్టు

29 దహీ బరా- పెరుగులో నానబెట్టిన మినప్పప్పు వడలు

30 బరా - నెయ్యిలో వేయించిన మినప్ప్పు వడలు

31 అరిసా - అరిసెలు

32 త్రిపురీ- అరిసెల్లాంటి మరో వంటకం

33 రోసాపైక్ - గోదుమపిండి, నెయ్యితో చేసే వంటకం

పాలతో చేసేవి:

34 ఖీరీ - పాలు, పంచదార, బియ్యంతో చేసే డెజర్ట్

35 పాపుడి - పాల మీగడతో చేసే వంటకం

36 ఖువా - కోవా

37 రసబలి - పాలు, పంచదార, గోదుమపిండితో చేసే స్వీట్

38 టాడియా - పన్నీర్, పంచదార, నెయ్యితో చేసే వంటకం

39 చెన్నాఖాయి - పన్నీర్, పాలు, పంచదారతో

40 బాపుడి ఖాజా -మీగడ, పంచదార, నెయ్యి కలిపి చేసే స్వీట్

41 ఖువా మండ - పాలు, గోధుమపిండి, నెయ్యితో చేసేది

42 సారాపుల్లి - కోవా లాంటి మరో మిఠాయి

పప్పు, కూరలు:

43 బీరీ దాలి - మినప్పప్పుతో చేసే పప్పు

44 చనా దాలి - శనగలతో పప్పు

45 మీఠా దాలి- కందులతో చేసే తీపి పప్పు

46 ముగా దాలి - ఒడియా స్పెషల్ పప్పు

47 దాలామా - కూరగాయలు, పప్పులు కలిపి చేసే వంటకం

48 రైతా - ముల్లంగి, కీరదోస, ఉప్పు, పెరుగు చేసే రైతా

49 బేసర్ - ఆవపెట్టిన కొబ్బరి కూరగాయలతో చేసిన కూర

50 సాగా - ఆకుకూరలతో చేసే కూర

51 బైగిని - వంకాయతో చేసే వంట

52 గోటీ బైగానా - చిన్న వంకాయలు, కొబ్బరి గ్రేవీలో చేసే వంట

53 ఖాటా - మామిడి, ద్రాక్ష, యాపిల్ తో చేసే పుల్లటి వంటకం

54 మాహురా - ఒకరకమైన మిక్స్డ్ వెజిటేబుల్ కర్రీ

55 పీటా - వేప పూలతో చేసే వంటకం

56 పొటాలా రస - పర్వాల్ కూరగాయ, కొబ్బరి పాలతో చేసే గ్రేవీ కర్రీ

 

 

 

WhatsApp channel