Bulletproof Coffee | ఈ కాఫీ తాగితే బ్రేక్‌ఫాస్ట్ కూడా చేయాల్సిన అవసరం లేదు!-know all about bulletproof coffee and its health benefits ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Bulletproof Coffee | ఈ కాఫీ తాగితే బ్రేక్‌ఫాస్ట్ కూడా చేయాల్సిన అవసరం లేదు!

Bulletproof Coffee | ఈ కాఫీ తాగితే బ్రేక్‌ఫాస్ట్ కూడా చేయాల్సిన అవసరం లేదు!

HT Telugu Desk HT Telugu
May 31, 2022 04:13 PM IST

బ్రేక్‌ఫాస్ట్ చేయలేని వారు బుల్లెట్ ప్రూఫ్ కాఫీ తాగవచ్చు. అప్పుడు అల్పాహారం తిన్నట్లు ఉంటుంది, కాఫీ తాగినట్లు కూడా అవుతుంది. ఈ టూ ఇన్ వన్ రెసిపీ కథేంటో ఇక్కడ తెలుసుకోండి.

Bulletproof coffee
Bulletproof coffee (Pixabay)

ఉదయం అల్పాహారం చేయడం తప్పనిసరి, ఉదయం బ్రేక్ ఫాస్ట్ చేయకపోతే ఆరోగ్య ప్రయోజనాలు కోల్పోవాల్సి వస్తుందని పోషకాహార నిపుణులు చెబుతారు. అయితే మీరెప్పుడైనా బుల్లెట్ ప్రూఫ్ కాఫీ గురించి విన్నారా? దీనినే బుల్లెట్ కాఫీ అని కూడా అంటారు.  ఈ కాఫీని అల్పాహారానికి ఒక ప్రత్యామ్నాయంగా చెప్తారు. అంటే ఈ కాఫీ తీసుకుంటే అల్పాహారం చేసేసినట్లే.

బుల్లెట్ కాఫీ ఇప్పుడు కొత్తగా వచ్చిందేమి కాదు చాలా పాతదే. కానీ కొద్దికాలంలోనే జనాదరణ పొందింది. బరువు తగ్గాలనుకునే వారు ఈ బుల్లెట్ ప్రూఫ్ కాఫీ తాగుతారు. ఈ కాఫీ అధిక కేలరీల సమ్మేళనాన్ని కీటోజెనిసిస్ చేస్తుంది. ఆహరంలో కార్బోహైడ్రేట్లు తీసుకోనపుడు ఈ కాఫీ కొవ్వులను కరిగించి ఆ రకంగా శరీరం శక్తిని వినియోగించుకునేలా సహాయపడుతుంది. హీరోయిన్లు రకుల్ ప్రీత్ సింగ్, జాక్వెలిన్ ఫెర్నాండెజ్‌ వంటి వారు బుల్లెట్ ప్రూఫ్ కాఫీ తమ డైలీ రొటీన్‌లో కలిగి ఉన్నారు.

బుల్లెట్‌ప్రూఫ్ కాఫీ అనేది కాఫీ పొడి, నూనె అలాగే వెన్న మిళితం అయి ఉండే పానీయం. వేడి వేడిగా తాగితే వెచ్చని క్రీమి లాటే ద్రవం తాగుతున్నట్లు అనిపిస్తుంది.

బుల్లెట్‌ప్రూఫ్ కాఫీ అనేది కాఫీ పొడి, నూనె అలాగే వెన్న మిళితం అయి ఉండే పానీయం. వేడి వేడిగా తాగితే వెచ్చని క్రీమి లాటే ద్రవం తాగుతున్నట్లు అనిపిస్తుంది. ఉదయం పూట దీనిని తాగితే చాలాసేపు వరకు ఆకలిని నివారించవచ్చు, పనులు చేసుకోవడానికి తగినంత శక్తి లభిస్తుంది. అంతేకాదు మానసికంగా చురుకుగా అనిపిస్తుంది. ఏకాగ్రతతో పనిచేయగలుగుతారు.  

బుల్లెట్ ప్రూఫ్ కాఫీని ఎలా తయారు చేసుకోవాలి?

బుల్లెట్ కాఫీని 4 దశలలో ఈ కింద విధంగా తయారు చేసుకోవచ్చు.

  1. తాజా కాఫీ గింజలను పొడిగా మార్చి ఒక కప్పు కాఫీని బ్రూ చేయండి.
  2. కాఫీలో 1 టేబుల్ స్పూన్ మీడియం-చైన్ ట్రైగ్లిజరైడ్ (MCT) నూనెను వేయండి. సాధారణంగా ఇది కొబ్బరి నూనె నుండి తీస్తారు.
  3. అనంతరం 1 నుంచి 2 టేబుల్ స్పూన్ల వెజిటేబుల్ వెన్న, ఉప్పు రహిత వెన్న లేదా పాలతో చేయని వెన్నను వేయండి.
  4. ఇప్పుడు ఈ మిశ్రమాన్ని నురుగులు వచ్చేలా క్రీములా మారేంతవరకు బ్లెండర్లో మిక్స్ చేయాలి. అనంతరం దీనిని అదే వేడితో కప్పులోకి సర్వ్ చేసుకోవాలి.

బుల్లెట్‌ప్రూఫ్ కాఫీలో కొవ్వు పదార్థాలు ఉన్నందున అల్పాహారానికి ప్రత్యామ్నాయంగా వినియోగిస్తారు. ఆ విధంగా బరువు తగ్గాలనుకునే వారు, కీటో డైట్ పాటించేవారు అల్పాహారం మానేయటానికి ఈ రకమైన కాఫీని ఎంచుకుంటారు.

ఈ కాఫీ తయారీలో వాడిన వివిధ రకాల పదార్థాలు మానసికంగా స్పష్టత కలిగి ఉండటానికి, డయాబిటీస్ ను అదుపులో ఉంచటానికి, ఆకలిని నివారించటానికి ఇలా కొన్ని రకాల ప్రయోజనాలు కలుగుతాయి. అయితే ఈ కాఫీని ఎల్లప్పుడూ కాకుండా మితంగా స్వల్పకాలం వరకు తీసుకుంటేనే మంచిదని వైద్యులు చెబుతున్నారు.

WhatsApp channel

సంబంధిత కథనం

టాపిక్