Cooker Tips: కుక్కర్లో ఉడకబెడుతుంటే పప్పు నీరంతా బయటికి వస్తోందా? ఈ చిట్కాలు పాటించండి
Cooker Tips: ప్రెషర్ కుక్కర్ ను పప్పును ఉడకబెట్టేందుకు ఉపయోగిస్తారు. దీనిలో అన్నం వండే వారి సంఖ్య కూడా ఎక్కువే. కానీ ఒక్కోసారి విజిల్ పెట్టే చోటు నుంచి పప్పు నీరు పొంగి బయటికి వచ్చేస్తుంది. ఇలా రాకుండా ఉండాలంటే ఏం చేయాలో తెలుసుకోండి.
మహిళలు వంటగదిలో పనిచేసేటప్పుడు తరచుగా అనేక ఇబ్బందులను ఎదుర్కొంటారు. ముఖ్యంగా వంటగదిలో ఇప్పుడు ప్రతి ఒక్కరూ ప్రెషర్ కుక్కర్ వాడుతున్నారు. ఇలా వాడడం వల్ల వారి పని చాలా సులువవుతుంది. అన్నింటినీ మెత్తగా ఉడికించేస్తుంది. అయితే కుక్కర్ వాడే వారికి కొన్ని సమస్యలు కనిపిస్తాయి. కుక్కర్ పప్పు ఉడకబెడుతున్నప్పుడు లేదా అన్నం వండుతున్నప్పుడు నీరు బయటకు వచ్చే సమస్య ఎక్కువ మందికి ఎదురవుతుంది. దీనివల్ల పప్పు రుచి కూడా మారిపోతుంది.
ఇలాంటి సమస్యతోనే మీరూ బాధపడుతుంటే ఎక్కువ టెన్షన్ పడకండి. మీ పాత కుక్కర్లో రుచికరమైన పప్పును తయారు చేయవచ్చు. చెఫ్ రణ్‌వీర్ బ్రార్ తరచుగా తన ఇన్స్టాగ్రామ్ ఖాతాలో అనేక వంటకాలతో కిచెన్ చిట్కాలను పంచుకుంటాడు. ఈసారి కుక్కర్ నుండి పప్పు నీరు బయటికి రాకుండా ఎలా జాగ్రత్త పడాలో చెప్పాడు.
నెయ్యితో చిట్కా
చాలాసార్లు ప్రెషర్ కుక్కర్లో బియ్యం లేదా పప్పులు వండేటప్పుడు, దాని నీరు కుక్కర్ నుండి బయటకు రావడం ప్రారంభమవుతుంది. అలా మీకూ జరిగితే మీరు పప్పు లేదా బియ్యం నీటిలో కొద్దిగా నెయ్యి వేసి, అలాగే విజిల్ చుట్టూ నెయ్యిని పూయండి. ఈ చిట్కాను పాటించడం వల్ల ప్రెషర్ కుక్కర్ నుంచి బయటికి నీరు పొంగదు.
కుక్కర్ లో బియ్యం లేదా కాయధాన్యాలు వండేటప్పుడు కుక్కర్లో ఎక్కువ నీరు వేయడం మానేయండి. అవసరమైనంత వరకే వేయండి. ఇలా చేయడం వల్ల కుక్కర్ నుంచి నీరు లీక్ అయ్యే అవకాశం ఉంది.
కుక్కర్లో వండేటప్పుడు అధిక మంటపై వేడి చేయకూడదు. మీడియం మంట మీదే వండాలి. అధిక మంట మీద వంట చేయడం వల్ల కుక్కర్ లో లీకేజీ జరుగుతుంది. ఎల్లప్పుడూ మీడియం మంటపై ఆహారాన్ని ఉడికించండి.
విజిల్ చెక్ చేయండి
కుక్కర్ నుంచి నీరు బయటకు వచ్చినప్పుడు ఒక్కసారి విజిల్ చెక్ చేయడం కూడా అవసరం. కుక్కర్ విజిల్ లో ఆహారం చిక్కుకోకుండా చూసుకోండి. ఇది జరిగినప్పుడు విజిల్ ను బాగా శుభ్రం చేయండి. విజిల్ సరిగా పనిచేయకపోయినా కూడా పప్పు నీరు బయటికి పొంగుతుంది.
టాపిక్