మనం ఎంత ఎదిగినా కుటుంబాన్ని మర్చిపోకూడదు: అంతర్జాతీయ కుటుంబ దినోత్సవం సందర్భంగా కుటుంబ ప్రాముఖ్యతను తెలుసుకోండి!
జీవిత ప్రయాణంలో ఎన్ని మలుపులు ఎదురైనా ఎలాంటి పరిస్థితులో అయినా మీకు భరోసా ఇచ్చేది మీ కుటుంబమే. మీ విజయంలో, బాధలో, సంతోషంలో వెంటే ఉండేది కుటుంబమే. అంతర్జాతీయ కుటుంబ దినోత్సవం సందర్భంగా ఆ బంధాన్ని మరింత దృఢంగా చేసుకుందాం!
భారతదేశంలో కుటుంబ వ్యవస్థకు ఎంతో ప్రాముఖ్యత ఉంది. ‘వసుధైవ కుటుంబకం’ అంటే యావత్ ప్రపంచమే ఒక కుటుంబం అని మన సంస్కృతి చాటుతుంది. మనం ఎంత ఎదిగినా, మన మూలాలను, మన చరిత్రను, ముఖ్యంగా మన కుటుంబాన్ని ఎప్పటికీ మరచిపోకూడదని పెద్దలు చెబుతారు. వ్యక్తి ఉంటేనే కుటుంబం, కుటుంబాలు కలిసి ఉంటేనే సమాజం ఏర్పడుతుందనే సత్యాన్ని మనం గ్రహించాలి.
కుటుంబం మన అస్తిత్వం. కష్టకాలంలో ప్రపంచం మొత్తం మనకు దూరమైనా, కుటుంబం మాత్రం వెన్నంటే ఉంటుంది. ఇది ఒకప్పటి మాటలా అనిపించినా, నేటి సమాజంలో కూడా కుటుంబానికి దానికి ప్రత్యేక స్థానం ఉంది. అమ్మ, నాన్న, అన్నదమ్ములు, అక్కాచెల్లెళ్లు, బాబాయి, పిన్ని, తాతయ్య, నాయనమ్మ, మామయ్య, అత్తయ్య ఇలా అనేక బంధాలతో కలిసి ఉండే కుటుంబాలు ప్రతి ఒక్కరి జీవితంలోనూ ఒక గొప్ప బలాన్నిస్తాయి.
కుటుంబ ప్రాముఖ్యతను ప్రపంచానికి చాటి చెప్పేందుకే ప్రతి సంవత్సరం అంతర్జాతీయ కుటుంబ దినోత్సవాన్ని జరుపుకుంటారు. ఈ ఏడాది (2025) అంతర్జాతీయ కుటుంబ దినోత్సవం ఎప్పుడు, దీని చరిత్ర ఏంటి, దీని ప్రాముఖ్యత ఏంటి , ఈ సంవత్సరం థీమ్ ఏంటి అనే వివరాలు ఇప్పుడు తెలుసుకుందాం.
అంతర్జాతీయ కుటుంబ దినోత్సవం ఎప్పుడు?
ప్రతి సంవత్సరం ప్రపంచవ్యాప్తంగా మే 15న అంతర్జాతీయ కుటుంబ దినోత్సవాన్ని జరుపుకుంటారు.
అంతర్జాతీయ కుటుంబ దినోత్సవ చరిత్ర
సామాజిక అభివృద్ధి కమిషన్ , ఆర్థిక, సామాజిక మండలి సమర్పించిన సిఫార్సుల మేరకు, ఐక్యరాజ్యసమితి సాధారణ సభ 1983లో ఒక తీర్మానాన్ని ఆమోదించింది. ఆ తీర్మానం ప్రకారం ప్రతి సంవత్సరం మే 15వ తేదీని అంతర్జాతీయ కుటుంబ దినోత్సవంగా జరుపుకుంటారు. అప్పటి నుండి ప్రపంచవ్యాప్తంగా ఈ దినోత్సవాన్ని సెలబ్రేట్ చేసుకుంటున్నారు.
సాంకేతిక అభివృద్ధి, జనాభా విస్ఫోటనం, నగరీకరణ, వలసలు, వాతావరణ మార్పు వంటి ధోరణుల మధ్య కుటుంబ ఆధారిత విధానాలు సుస్థిర అభివృద్ధిని ఎలా ముందుకు నడిపిస్తాయో ఈ అంశం హైలైట్ చేస్తుంది.
అంతర్జాతీయ కుటుంబ దినోత్సవ ప్రాముఖ్యత
అంతర్జాతీయ కుటుంబ దినోత్సవం సామాజిక ప్రగతిని , అభివృద్ధిని ప్రోత్సహించే ప్రపంచ కార్యక్రమాలలో ఒక భాగం. ఇది కుటుంబ సమస్యలపై ప్రజల్లో అవగాహన పెంచడానికి, సమాజంలో కుటుంబ స్థానం, వారి సంక్షేమాన్ని మెరుగుపరచడానికి, అలాగే అంతర్జాతీయ సహకారాన్ని పెంపొందించడానికి కృషి చేస్తుంది.
అంతర్జాతీయ కుటుంబ దినోత్సవానికి శుభాకాంక్షలు తెలిపే సందేశాలు:
- 2025వ సంవత్సరం అంతర్జాతీయ కుటుంబ దినోత్సవ శుభాకాంక్షలు! మీ ఇల్లు ప్రేమతో, నవ్వులతో, మరపురాని జ్ఞాపకాలతో నిండి ఉండాలి.
- కుటుంబం అనేది జీవితం ప్రారంభమయ్యే చోటు, ప్రేమ ఎప్పటికీ అంతం కాని బంధం. మీ జీవితం కుటుంబ సభ్యుల ఆప్యాయతతో నిండి ఉండాలని కోరుకుంటూ, అంతర్జాతీయ కుటుంబ దినోత్సవ శుభాకాంక్షలు!
- మా గురంచి బాగా తెలిసిన, ఎక్కువగా ప్రేమించే మా కుటుంబ సభ్యులందరికీ అంతర్జాతీయ కుటుంబ దినోత్సవ శుభాకాంక్షలు!
- మా కుటుంబాలలో ఉండే ప్రేమ , ఐక్యత ప్రపంచవ్యాప్తంగా సామాజిక అభివృద్ధిని, సామరస్యాన్ని పెంపొందించే విధానాలకు స్ఫూర్తినివ్వాలి. అంతర్జాతీయ కుటుంబ దినోత్సవ శుభాకాంక్షలు!
- ఈ అంతర్జాతీయ కుటుంబ దినోత్సవం సందర్భంగా, సుస్థిరమైన భవిష్యత్తును సాధించడంలో కుటుంబాలు పోషించే ముఖ్యమైన పాత్రను గుర్తిద్దాం, వారికి మద్దతునిద్దాం. అంతర్జాతీయ కుటుంబ దినోత్సవ శుభాకాంక్షలు!
- 2025 అంతర్జాతీయ కుటుంబ దినోత్సవ శుభాకాంక్షలు! కుటుంబ ఆధారిత విధానాలను రూపొందించడంలో మనందరి ప్రయత్నాలు అందరినీ కలుపుకొనిపోయే, సుస్థిరమైన ప్రపంచానికి దారి తీయాలి.
- కుటుంబాలు సమాజానికి పునాది వంటివి. ప్రతి కుటుంబం అభివృద్ధి చెందడానికి, సుస్థిరమైన అభివృద్ధికి తోడ్పడటానికి అనువైన వాతావరణాన్ని సృష్టించడం చాలా అవసరం. అంతర్జాతీయ కుటుంబ దినోత్సవ శుభాకాంక్షలు!
