మీ శరీరంలో ఈ లక్షణాలు కనిపిస్తే మీరు అవసరమైనదాని కంటే ఎక్కువ పంచదార తినేస్తున్నారని అర్థం

పంచదారతో చేసిన ఆహారాలు తినేందుకు కమ్మగా ఉంటాయి. పండుగలు వస్తే చక్కెరతో చేసిన పిండి వంటలు ప్రతి ఇంట్లో ఉంటాయి. అలాగే కేకులు, పేస్ట్రీలు, ఎన్నో రకాల స్వీట్లు…. ఇవన్నీ కూడా ఎంతో నోరూరిస్తాయి. వీటిని చూడగానే ఆగలేక ఎక్కువగానే తినేస్తారు. చక్కెరతో చేసిన ఆహారాలు తినడం వల్ల శరీరానికి తక్షణ శక్తి లభిస్తుంది. కానీ ఇది ఆరోగ్యానికి కూడా అంతే హానికరం. అయితే తీపి పదార్థాలు అధికంగా తినడం వల్ల శరీరం కూడా తట్టుకోలేదు.

చాలా మంది చక్కెర తినడానికి భయపడుతుంటారు కానీ తినడం మాత్రం ఆపరు. ఆహారం ద్వారా అధిక చక్కెర శరీరంలోకి చేరితే ఆ విషయాన్ని శరీరం కొన్ని సంకేతాల ద్వారా మనకు తెలిసేలా చేస్తుంది. మా శరీరంలో కొన్ని రకాల లక్షణాలు కనిపిస్తే తేలికగా తీసుకోకూడదు. ఆ లక్షణాల ద్వారా మీరు చక్కెర తక్కువగా తినాలని గుర్తుంచుకోండి. లేకుంటే అనేక రకాల సమస్యలు రావడం మొదలవుతాయి. ముఖ్యంగా డయాబెటిస్ వంటి రోగాలు దాడిచేసే అవకాశం ఉంది. శరీరంలో ఇన్ ఫ్లమ్మేషన్ కూడా పెరిగిపోయి అనేక రోగాలకు కారణం కావచ్చు.

1) ఎక్కువగా ఆకలిగా అనిపించడం

ఎక్కువ చక్కెర తినడం వల్ల మీ రక్తంలో చక్కెర స్థాయిలు పెరిగిపోతాయి. శక్తి వచ్చినట్టే వచ్చి వెంటేనే తగ్గిపోతుంది. దీని వల్ల శరీరం శక్తి తక్కువస్థాయిలు ఉందనుకుని భావించి ఎక్కువ తినాల్సిన అవసరం పెరిగిపోతుంది.

2) షుగర్ ఎక్కువగా ఉండటం

చక్కెర స్థాయిలు అధికంగా ఉండడం వల్ల తక్షణ శక్తి లభిస్తుంది. కానీ మీ రక్తంలో చక్కెర పడిపోయినప్పుడు, హఠాత్తుగా అలసిపోయినట్లు అనిపించవచ్చు. కాబట్టి పంచదార తక్కువగా తినడం చాలా అవసరం.

3) బరువు పెరగడం

ఎక్కువ చక్కెర శరీరంలో చేరడం వల్ల కొవ్వుగా మారుతుంది. ఇది ముఖ్యంగా మీ పొట్ట చుట్టూ పేరుకుపోతుంది. వాస్తవానికి, ఎక్కువ చక్కెర తినేటప్పుడు, శరీరం కొవ్వు రూపంలో ఎక్కువ కేలరీలను సేకరించగలదు.

4) ఇన్సులిన్ స్థాయిలు

మీరు రోజంతా ఎక్కువ చక్కెర తింటే, అది ఇన్సులిన్ స్థాయిలు పెరగడానికి కారణమవుతుంది. ఇది మొటిమలు, ఇతర చర్మ సమస్యలకు దారితీస్తుంది. డయాబెటిస్ ఉన్నవారు చక్కెర తక్కువగా ఉండే ఆహారాలు తినాల్సిన అవసరం ఉంది.

5) కావిటీస్

ఎక్కువ చక్కెర తినడం వల్ల దంత క్షయం వస్తుంది. వాస్తవానికి, ఎక్కువ చక్కెర తినేటప్పుడు నోటిలోని బ్యాక్టీరియా చక్కెరను ఆమ్లంగా మారుస్తుంది.

పంచదార అధికంగా ఉండే ఆహారాలను మీ నిద్రను నాశనం చేస్తుంది. ఈ కారణంగా రాత్రిపూట నిద్రపోవడం చాలా కష్టమవుతుంది. ఎందుకంటే ఇది మీ రక్తంలో చక్కెర స్థాయిని నిరోధిస్తుంది.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)