Carrots: క్యారెట్లను ఇలా వాడారంటే మీ చర్మం కాంతి పెరగడం ఖాయం, క్యారెట్ ఎలా వాడాలో తెలుసుకోండి
Carrots: మీకు మెరిసే చర్మం కావాలా? శీతాకాలంలో క్యారెట్లను తినండి. క్యారెట్లను ఎలా వాడితే చర్మ సౌందర్య ఎలా పెరుగుతుందో తెలుసుకోండి. క్యారెట్ ద్వారా చర్మం కాంతికి ఎలా పెంచుకోవాలో ఇక్కడ ఇచ్చాము.
శీతాకాలంలో అధికంగా దొరికే కూరగాయల్లో క్యారెట్ ఒకటి. దీనిలో పోషకాలు, యాంటీఆక్సిడెంట్లతో సమృద్ధిగా ఉంటాయి. క్యారెట్లు ఆహారానికి గొప్ప రుచిని అందిస్తాయి. మెరిసే చర్మం కోసం క్యారెట్ ను ఎన్నో రకాలుగా ఉపయోగించవచ్చు. క్యారెట్ మీ చర్మాన్ని మరింత అందంగా, మచ్చలేనిదిగా, మెరిసేలా చేయడంలో చాలా ప్రభావవంతంగా పనిచేస్తుంది. శీతాకాలంలో మీ ముఖం కూడా మెరిసిపోవాలంటే క్యారెట్ ను స్కిన్ కేర్ రొటీన్ లో చేర్చుకోండి.
చలికాలంలో చర్మంలో తేమ తగ్గిపోయి పొడిబారిపోతుంది. తగ్గిపోవడం వల్ల చర్మం చాలా పొడిగా, నీరసంగా కనిపిస్తుంది. అటువంటి పరిస్థితిలో, మీరు మీ వంటగదిలో ఉంచిన క్యారెట్ల నుండి హైడ్రేటింగ్ ఫేస్ ప్యాక్ తయారు చేయవచ్చు, ఇది మీ ముఖాన్ని మృదువుగా, ప్రకాశవంతంగా ఉంచుతుంది. ఇందుకోసం సగం క్యారెట్ తురుముకోవాలి. ఇప్పుడు అందులో తేనె, క్రీమ్ మిక్స్ చేసి ముఖానికి మసాజ్ చేయాలి. దీన్ని ముఖానికి పట్టించి కాసేపు ఆరిన తర్వాత గోరువెచ్చని నీటితో ముఖాన్ని కడుక్కోవాలి. కొన్ని రోజులు వాడితే మీకే మంచి తేడా కనిపిస్తుంది.
క్యారెట్ రసంతో
మెరిసే చర్మం కోసం ముందుగా టోనర్ అప్లై చేయండి. మార్కెట్ నుండి ఖరీదైన టోనర్లను కొనుగోలు చేయడానికి బదులుగా, మీరు ఇంట్లోనే సమర్థవంతమైన టోనర్ ను తయారు చేయవచ్చు. ఇందుకోసం అరకప్పు క్యారెట్ రసం, అరకప్పు బీట్ రూట్ రసం, చిన్న చెంచా నిమ్మరసం తీసుకోవాలి. వీటన్నింటినీ స్ప్రే బాటిల్ లో నింపి ముఖం కడిగిన తర్వాత చర్మంపై కాసేపు ఉంచి తర్వాత ముఖాన్ని కడుక్కోవాలి. మీకు సున్నితమైన చర్మం ఉంటే, నిమ్మకాయను ఉపయోగించడం మానుకోండి.
వయసు పెరుగుతున్న కొద్దీ ముఖంపై చర్మం వేలాడుతూ సాగినట్టు అవుతుంది. అటువంటి పరిస్థితిలో, స్కిన్ టోన్ పెరగడానికి, చర్మం బిగుతుగా ఉండటానికి, మీరు క్యారెట్లతో ఫేస్ ప్యాక్ తయారు చేసుకోవచ్చు. ఇందుకోసం రెండు టీస్పూన్ల పెరుగులో క్యారెట్ జ్యూస్ మిక్స్ చేయాలి. ఇప్పుడు ఈ మిశ్రమంలో గుడ్డులోని తెల్లసొన వేసి బాగా కలపాలి. ఈ ప్యాక్ ను వారానికి రెండు మూడు సార్లు అప్లై చేయాలి.
క్యారెట్ ఫేస్ వాష్
మెరిసే చర్మం కోసం ముఖాన్ని శుభ్రంగా ఉంచుకోవడం చాలా ముఖ్యం. దీని కోసం, మీరు క్యారెట్ల నుండి ఫేస్ వాష్ కూడా తయారు చేయవచ్చు. దీని కోసం క్యారెట్ పౌడర్ అవసరం అవుతుంది. ఒక గ్లాస్ సీసాలో క్యారెట్ పొడి, ముల్తానీ మిట్టి, చిటికెడు పసుపు కలపాలి. ఇప్పుడు ముఖం కడుక్కోవాలనుకున్నప్పుడల్లా కొద్దిగా పొడిని చేతిలోకి తీసుకుని అందులో నీళ్లు పోసి పేస్ట్ లా చేసుకోవాలి. దీన్ని సాధారణ ఫేస్ వాష్ లా ముఖానికి రుద్ది కడిగేయాలి.
హెల్తీ గ్లోయింగ్ స్కిన్ కోసం బయటి నుంచి అప్లై చేస్తే సరిపోదు, లోపలి నుంచి చర్మానికి పోషణ ఇవ్వడం కూడా అవసరం. ఈ సందర్భంలో, మీరు క్యారెట్ రసాన్ని మీ రోజువారీ ఆహారంలో భాగం చేసుకోవచ్చు. దీనికి బీట్ రూట్, ఉసిరికాయ జోడించడం ద్వారా దీన్ని మరింత ఎఫెక్టివ్ గా తయారు చేసుకోవచ్చు. ఇది కాకుండా కాటన్ సహాయంతో శుభ్రమైన ముఖానికి క్యారెట్ జ్యూస్ అప్లై చేయవచ్చు. ఆరిన తర్వాత శుభ్రంగా కడుక్కోవాలి. మెరిసే చర్మానికి ఇది చాలా సింపుల్ అండ్ ఎఫెక్టివ్ హోం రెమెడీ.
