Methi leaves: చలికాలంలో మెంతి ఆకులను తింటే మీకున్న ఆ సమస్య పోతుంది
Methi leaves: శీతాకాలంలో మెంతి ఆకులను తింటే ఎన్నో ప్రయోజనాలు ఉన్నాయి. చలికాలంలో జీర్ణ సమస్యలు, డయాబెటిస్ సమస్యలను అదుపులో ఉంచేందుకు ఉపయోగపడుతుంది. మెంతి ఆకును వారంలో రెండు సార్లయినా తింటే మీకున్న ఎన్నో అనారోగ్యాలు తగ్గిపోతాయి.
శీతాకాలంలో మెంతి ఆకులను ఆహారంలో ఎక్కువగా చేర్చుకోవాలి. చలికాలంలో మెంతి ఆకులు తినడం వల్ల శరీరానికి అనేక ప్రయోజనాలు కలుగుతాయి. మెంతుల్లో మన శరీరానికి అత్యవసరమైన పోషకాలు పుష్కలంగా ఉన్నాయి. వాతావరణం చల్లగా ఉన్నప్పుడు మెంతి ఆకులను తీసుకోవడం వల్ల మీరు ఊహించని ప్రయోజనాలు కలుగుతాయి. ఇది మీ శరీర శక్తిని పెంచుతుంది. రోగనిరోధక శక్తిని బలోపేతం చేస్తుంది. ఇది మీ జీర్ణ ఆరోగ్యాన్ని మెరుగుపరుస్తుంది. కాబట్టి మెంతి ఆకులను డైట్ లో చేర్చుకోవాలి. మెంతిఆకులను తినడం వల్ల మీలో ఉన్న ఎన్నో ఆరోగ్య సమస్యలు తగ్గుతాయి.
రోగనిరోధక శక్తికి
మెంతుల్లో యాంటీఆక్సిడెంట్లు, విటమిన్ సి వంటి ముఖ్యమైన పోషకాలు ఉంటాయి. ఇవి మీ శరీర రోగనిరోధక శక్తిని మెరుగుపరచడంలో సహాయపడుతుంది. చలి వాతావరణంలో అంటువ్యాధులు, ఫ్లూ వంటివి రాకుండా రక్షిస్తుంది. చలికాలంలోనే మెంతి ఆకులు అధికంగా లభిస్తాయి. కాబట్టి మెంతి ఆకులు తినడం వల్ల మీకు అదనపు రక్షణ లభిస్తుంది.
జీర్ణక్రియకు కూడా మెంతి ఆకులు సహాయపడతాయి. మెంతి ఆకుల్లో ఫైబర్ పుష్కలంగా ఉంటుంది. ఇది ఆరోగ్యకరమైన జీర్ణ ఆరోగ్యాన్ని కలిగిస్తుంది. ఇది మీ ప్రేగు కదలికను పెంచడానికి సహాయపడుతుంది. ఇది కడుపు ఉబ్బరాన్ని కూడా తగ్గిస్తుంది. మెంతికూర శీతాకాలంలో జీర్ణ రుగ్మతలను నయం చేస్తుంది. దీన్ని క్రమం తప్పకుండా తింటూ ఉంటే ఇతర ఆహారాలు పెద్దగా తినాలపించవు కాబట్టి బరువు కూడా పెరగరు.
చర్మ ఆరోగ్యాన్ని మెరుగుపరుస్తుంది
మెంతుల్లో విటమిన్ ఎ, విటమిన్ సి వంటి విటమిన్లు పుష్కలంగా ఉన్నాయి. ఇది ఆరోగ్యకరమైన, ప్రకాశవంతమైన చర్మాన్ని సృష్టిస్తుంది. ముఖ్యంగా శీతాకాలంలో ఇది చర్మం పొడిబారకుండా కాపాడుతుంది. చర్మానికి మెరుపును అందిస్తుంది. అయితే మెంతి ఆకులను మీ సమతుల్య ఆహారంలో చేర్చుకోవడం వల్ల మీ శరీరంలో తేమ, మెరుపు పెరుగుతుంది.
బ్లడ్ షుగర్ లెవల్స్ తగ్గించి
మెంతి ఆకులను ఆహారంలో భాగం చేసుకోవడం వల్ల మీ శరీరంలో బ్లడ్ షుగర్ లెవల్స్ ను అదుపులో ఉంటాయి. అందువల్ల మెంతి ఆకులు మధుమేహ వ్యాధిగ్రస్తులకు ఎంతో మేలు చేస్తాయని చెప్పుకోవాలి. ముఖ్యంగా చలికాలంలో ఎక్కువ సేపు కూర్చునే భంగిమలోనే ఉంటే శరీరంలో షుగర్ లెవల్స్ పెరుగుతాయి. ఇది మీ శరీర బరువును కూడా పెంచుతుంది. బ్లడ్ షుగర్ ను పెంచుతుంది.
జలుబు, దగ్గు
మెంతుల్లో యాంటీ ఇన్ఫ్లమేటరీ గుణాలు, యాంటీ బాక్టీరియల్ లక్షణాలు ఎక్కువ. కాబట్టి శీతాకాలంలో వీటిని తింటే ఉపశమనం కలుగుతుంది. ఇది గొంతు నొప్పి, దగ్గును, జలుబును తగ్గిస్తుంది. ముక్కు దిబ్బడను కూడా నయం చేస్తుంది. సాధారణ జలుబు లక్షణాల నుండి ఉపశమనం కలిగించే గుణం దీనికి ఉంది.
బరువు తగ్గడానికి సహాయపడుతుంది
చలికాలంలో బరువు తగ్గాలనుకుంటే మెంతి ఆకులను మీ డైట్ లో చేర్చుకోవాలి.ఇది మీకు సహాయపడుతుంది.దీనిలో ఉండే ఫైబర్ మిమ్మల్ని ఎక్కువ సేపు నిండుగా ఉంచుతుంది.ఇది అనవసరమైన స్నాక్స్ తినకుండా నివారిస్తుంది.దీనివల్ల మీ శరీర బరువు ఆరోగ్యంగా పెరుగుతుంది.
జుట్టు కోసం
మెంతి ఆకులు జుట్టు ఆరోగ్యాన్ని మెరుగుపరుస్తాయి. జుట్టు పెరుగుదలను ప్రోత్సహిస్తాయి. ముఖ్యంగా చలికాలంలో జుట్టును కాపాడే శక్తి మెంతులకు ఉంది. ఇది జుట్టు కుదుళ్లకు పోషణను అందిస్తుంది. జుట్టు రాలడాన్ని తగ్గిస్తుంది. దీనిలో ఉండే ఇనుము, ప్రోటీన్ జుట్టు కుదుళ్లను బలోపేతం చేయడంలో సహాయపడుతుంది. మెంతులు జుట్టు మందంగా, మెరుపుతో పెరగడానికి సహాయపడతాయి.
కొలెస్ట్రాల్ స్థాయిలను నియంత్రిస్తుంది
మెంతులకు చెడు కొలెస్ట్రాల్ ను తగ్గించి మీ శరీరంలో మంచి కొలెస్ట్రాల్ ను పెంచే గుణం ఉంది. ఇది మీ గుండె ఆరోగ్యానికి మంచిది. ముఖ్యంగా చలి వాతావరణంలో గుండె ఆరోగ్యాన్ని రక్షిస్తుంది.
మెంతి ఆకులను మీ డైట్ లో ఎలా చేర్చాలి?
మెంతి ఆకులను పప్పులో, కూరల్లో కలుపుకుని వండుకోవచ్చు. దీనిలో పరాటాలు చేసుకోవచ్చు. సలాడ్ లలో మెంతి ఆకులను చేర్చవచ్చు. ఇది మీ శరీరానికి పోషణను అందిస్తుంది. మెంతి ఆకులతో చట్నీ తయారు చేసుకోవచ్చు. మెంతి ఆకులను ఎలా తిన్నా ఆరోగ్యమే.
టాపిక్