Fertility Tips: గర్భం ధరించాలనుకుంటే భార్యాభర్తలు తమ స్పెర్మ్ ఆరోగ్యం, అండాల నాణ్యత కాపాడుకోవాల్సిందే
Fertility Tips: కొన్ని జంటలు పిల్లల్ని కనేందుకు చాలా కష్టపడతారు. గర్భం ధరించలేక ఎంతో ఇబ్బంది పడతారు. అలాంటి జంటలు తమ సంతానోత్పత్తి సామర్థ్యాన్ని పెంచుకుంటే బిడ్డను కనే అవకాశం పెరుగుతుంది.
ఆధునిక కాలం గర్భం ధరించడానికి ఇబ్బంది పడుతున్న జంటలు ఎన్నో ఉన్నాయి. మానసికంగా, శారీరకంగా వారికి ఉన్న సమస్యలు పునరుత్పత్తి ఆరోగ్యాన్ని ప్రభావితం చేస్తుంది. భార్యాభర్తలు సంతానోత్పత్తిలో ముఖ్యమైన అంశాలను ముందుగా అర్థం చేసుకోవాలి. మగవారిలో స్పెర్మ్ కణాలు ఆరోగ్యంగా ఉండడం, మహిళల్లో అండాలు నాణ్యత చాలా ముఖ్యం.
అండాల నాణ్యత
మహిళలు పుట్టుకతోనే కొన్ని అండాలతో జన్మిస్తారు. ఇవి వయసు పెరుగుతున్న కొద్దీ క్షీణిస్తూ ఉంటాయి. వయసు పెరుగుతున్న కొద్దీ అండాల సంఖ్యతో పాటూ, వాటి నాణ్యత క్షీణించడం ప్రారంభిస్తుంది. ఒక మహిళ తన 30 ఏళ్ళకు చేరుకునే సమయానికి, ఆమె అప్పటికే పునరుత్పత్తి సామర్థ్యాన్ని కోల్పోయి ఉంటుంది. ఈ సహజ క్షీణత వయస్సు పెరుగుతున్న కొద్దీ వేగవంతం అవుతుంది. అలాగే అండాల్లో క్రోమోజోమ్ అసాధారణతలు వచ్చే అవకాశం ఉంది. 35 సంవత్సరాలున్న మహిళల్లో సుమారు 70 శాతం గుడ్లు అసాధారణంగా ఉండే అవకాశం ఉంది. ఇది గర్భస్రావం లేదా పుట్టుకతో వచ్చే అసాధారణతల ప్రమాదాన్ని పెంచుతుంది. అందువల్ల, స్త్రీ గర్భం ధరించడానికి ప్రయత్నించే వయస్సు కీలకం. మహిళలు 30 ఏళ్లలోపే పిల్లలను కనడం ఉత్తమం. అలాగే మహిళలు ధూమపానం, మద్యపానం వంటి అలవాట్ల వల్ల అండాల నాణ్యత మరింతగా క్షీణిస్తుంది.
మగవారిలో వీర్యకణాల ఆరోగ్యం
అండాల మాదిరిగా కాకుండా, వీర్యకణాలు పురుషుల్లో జీవితాంతం ఉత్పత్తి అవుతాయి. ప్రతి మూడు నెలలకు ఒకసారి కొత్త వీర్యం ఉత్పత్తి అవుతుంది. వయస్సు పెరగడం వల్ల స్పెర్మ్ ఉత్పత్తి తీవ్రంగా ప్రభావితం చేయనప్పటికీ, స్పెర్మ్ కౌంట్, నాణ్యత వంటి అంశాలు మాత్రం సంతానోత్పత్తిని ప్రభావితం చేస్తాయి.
స్పెర్మ్ క్వాలిటీని పెంచడం ఎలా
- జైమోట్, మైక్రోఫ్లూయిడిక్స్ వంటి పద్ధతుల్లో చికిత్స తీసుకోవడం వల్ల వీర్యాన్ని దెబ్బతీసే ఆక్సీకరణ ఒత్తిడిని తగ్గించుకోవచ్చు.
- జీవనశైలి మార్పులు: ధూమపానం, మద్యపానం, ప్రాసెస్ చేసిన ఆహారాన్ని తగ్గించడం వల్ల స్పెర్మ్ ఆరోగ్యాన్ని మెరుగుపరుచుకోవచ్చు. క్రమం తప్పకుండా వ్యాయామం చేయడం కూడా చాలా మంచిది. ఊబకాయం, ముఖ్యంగా పొట్ట కొవ్వు వంటివి లేకుండా చూసుకోవాలి. ఇది టెస్టోస్టెరాన్ స్థాయిలను ప్రతికూలంగా ప్రభావితం చేస్తుంది.
అధునాతన చికిత్సలు
- మైక్రోసర్జికల్ వెరికోసెల్ రిపేర్: స్క్రోటమ్ లోపల సిరల విస్తరణ అయిన వెరికోసెల్, పెరిగిన వేడి కారణంగా స్పెర్మ్ నాణ్యతపై ప్రతికూలంగా ప్రభావితం చేస్తుంది. మైక్రోసర్జికల్ మరమ్మత్తు ఈ వేడి వల్ల కలిగిన నష్టాన్ని తగ్గించడం ద్వారా స్పెర్మ్ నాణ్యతను మెరుగుపరుస్తుంది.
- వాసోవాస్టోమీ: వాసెక్టమీ చేయించుకున్నాక తిరిగి బిడ్డను కనాలనుకుంటే వాసోవాసోస్టోమీ చికిత్స చేస్తారు. ఇది స్పెర్మ్ ప్రవాహాన్ని పునరుద్ధరించగలదు, గర్భధారణకు సహాయపడుతుంది.
- ట్యూబల్ క్లిప్పింగ్: ట్యూబల్ క్లిప్పింగ్ వంటి విధానాల వల్ల విషపూరిత ద్రవాలు గర్భాశయంలోకి ప్రవేశించకుండా నిరోధించగలవు. దీని వల్ల విజయవంతమైన ఇంప్లాంటేషన్ అవకాశాలను మెరుగుపరుస్తాయి.