Chitranna Recipe : చింతపండుతో చిత్రాన్న.. సింపుల్‌గా.. టేస్టీగా

చిత్రాన్న కర్ణాటకలోని అతి ముఖ్యమైన రెసిపీల్లో ఒకటి. చాలా ఇళ్లలో కనీసం వారానికి ఒకసారి చిత్రాన్న ఉంటుంది. ముఖ్యంగా పనికి బయటకు వెళ్లే వారు ఇది వెంటనే చేసుకుని తినేస్తారు. ఈ చిత్రాన్నను అనేక రుచులలో తయారుచేస్తారు. ఇది మనం కొంచెం డిఫరెంట్‌గా చేయెుచ్చు. చింతపండుతో చేస్తే చాలా టేస్టీగా ఉంటుంది.

చిత్రాన్నకు కావాల్సిన పదార్థాలు

1/2 కప్పు తురిమిన కొబ్బరి, 1/2 tsp ఆవాలు, 2 ఎండు మిరపకాయలు, 1/2 tsp పసుపు పొడి, 1 టేబుల్ స్పూన్ కొబ్బరి నూనె, 1/2 టేబుల్ స్పూన్ మినపప్పు, రెండు టేబుల్ స్పూన్ల శనగపప్పు, కొన్ని కరివేపాకు, 2 టేబుల్ స్పూన్లు చింతపండు, 1/2 టేబుల్ స్పూన్లు బెల్లం, 1/2 టేబుల్ స్పూన్లు ఉప్పు, బియ్యం (2 కప్పులు వండిన అన్నం)

చిత్రాన్న తయారీ విధానం

ముందుగా కొబ్బరి తురుము, 1/2 చెంచా ఆవాలు, 2 ఎండు మిరపకాయలు, కొంచెం చింతపండు రసం వేసి గ్రైండ్ చేసుకోవాలి.

ఇప్పుడు పాన్ వేడి చేసి 1 టేబుల్ స్పూన్ నూనె వేయాలి.

నూనె వేడి కాగానే అందులో 1 చెంచా ఆవాలు, 1/2 చెంచా మినపప్పు, 1 ఎండు మిర్చి, కొన్ని కరివేపాకు, 2 చెంచాల శనగపప్పు వేయాలి.

తక్కువ మంటలో 2 నిమిషాలు వేయించాలి. ఎక్కువ మంట ఉంటే అది బ్రౌన్ అవుతుంది.

తర్వాత 2 చెంచాల చింతపండు రసం, 1/2 చెంచా బెల్లం, ఉప్పు రుచికి వేసి కలపాలి.

తర్వాత మెత్తగా రుబ్బిన కొబ్బరి మిశ్రమాన్ని వేసి మళ్లీ 2 నిమిషాలు వేయించి, ఆపై అన్నం వేసి కలపాలి. అంతే చిత్రాన్న రెడీగా ఉంది.

రాత్రిపూట కొబ్బరి మసాలా తయారు చేసి, అవసరమైతే ఫ్రిజ్‌లో ఉంచవచ్చు. నిమ్మరసంతో చేసిన చిత్రాన్న కంటే ఈ వంటకం చాలా రుచిగా ఉంటుంది. మామిడి చిత్రాన్న, పుదీనా చిత్రాన్న, అనేక రకాలుగా చేయవచ్చు. ఇది ముఖ్యంగా అల్పాహారంగా, మధ్యాహ్న భోజనంలోకి కూడా తినవచ్చు. రాత్రి అన్నం మిగిలిపోతే కూడా ఈ రెసిపీని తయారు చేసుకోవచ్చు. చట్నీ కాంబినేషన్‌లో కూడా ఎంజాయ్ చేయవచ్చు. శనగపప్పు వేస్తే టేస్ట్ సూపర్ గా ఉంటుంది.