Sweet Potato Bonda : చిలగడదుంపతో బొండాలు.. ఇడ్లీ పిండి కలిపి చేయెుచ్చు
Sweet Potato Recipes : ఉదయం పూట ఎప్పుడైనా కొత్త రుచిని చూడాలి అనిపిస్తుందా? అయితే చిలగడదుంపతో బొండాలు చేయండి.
మీ కుటుంబ సభ్యులు కొత్తరకమైన బ్రేక్ ఫాస్ట్ అడుగుతున్నారా? ఎప్పుడు ఇడ్లీ, దోసె తిని తిని బోర్ కొట్టిందా? అయితే కొత్తగా చిలగడదుంపతో బొండాలు ప్రయత్నించండి. మంచి టేస్ట్ ఉంటుంది. పిల్లలు ఎంజాయ్ చేస్తూ తింటారు. కందగడ్డతో బొండాలు చేయడం చాలా ఈజీ. ఈ తీపి బోండా చాలా రుచికరమైనది, పోషకమైనది కూడా. మీ ఇంట్లో ఒక్కసారి ఇలా చేస్తే తరచు అడుగుతారు. రుచి అంతటి అద్భుతంగా ఉంటుంది.
మీరు చిలగడదుంప బొండాల రెసిపీని ఎలా తయారు చేయాలో తెలుసుకోవాలనుకుంటున్నారా? అయితే కింద చెప్పే చిట్కాలు ఫాలో అవ్వండి. టైమ్ కూడా ఎక్కువగా పట్టదు. మంచి రుచిగా ఉంటాయి.
చిలగడదుంప బొండాలకు కావాల్సిన పదార్థాలు
చిలగడదుంప - 1/4 కిలోలు, కొబ్బరి తురుము - 1/4 చిన్న కప్పు, యాలకుల పొడి - 1/4 tsp, ఉప్పు - 1 చిటికెడు, చక్కెర - రుచికి అనుగుణంగా తీపి కోసం, వేయించడానికి అవసరమైన నూనె, ఇడ్లీ పిండి - 1 కప్పు, బియ్యప్పిండి - అవసరం మేరకు
చిలగడదుంప బొండా తయారీ విధానం
ముందుగా ఇడ్లీ పాత్రలో నీళ్లు పోసి మరిగించాలి. నీరు ఉడకడం మరుగుతుంటే.. అందులో చిలగడదుంప వేసుకోవాలి.
మూతపెట్టి ఉడకబెట్టాలి. తర్వాత తొక్క తీసి గిన్నెలో వేయాలి.
తర్వాత కొబ్బరి తురుము, యాలకులపొడి, చిటికెడు ఉప్పు, కావలసినంత పంచదార వేయాలి.
ఇప్పుడు చెంచా లేదా చేతితో బాగా మెత్తగా చేసుకోవాలి.
తరవాత చిన్న చిన్న ఉండలుగా చేసి ప్లేట్‌లో పెట్టుకోవాలి.
ఇప్పుడు ఒక గిన్నెలోకి ఇడ్లీ పిండిని తీసుకోవాలి. ఇడ్లీ పిండి నీళ్ళుగా ఉంటే, పిండి కాస్త చిక్కగా కావడానికి కావలసినంత బియ్యప్పిండి వేయండి.
ఓవెన్ లో ఫ్రైయింగ్ పాన్ పెట్టి అందులో వేయించడానికి కావల్సినంత నూనె పోయాలి.
నూనె వేడయ్యాక అందులో చిలగడదుంపల ఉండలు వేయాలి.
ఆ విధంగా ఒకేసారి 4-5 వేయండి. బాల్స్ పెట్టిన వెంటనే చెంచాతో కదపకుండా 1 నిమిషం తర్వాత తిప్పాలి. బంగారు రంగులోకి మారితే రుచికరమైన చిలగడదుంప బొండాలు రెడీ.
చిలగడదుంప ప్రయోజనాలు
స్వీట్ పొటాటోలో ఫైబర్ ఉంటుంది. శరీరంలోని చెడు కొలెస్ట్రాల్ స్థాయిని తగ్గించడంలో ఇది సాయపడుతుంది. ఇది రక్తపోటు స్థాయిలను మెరుగుపరుస్తుంది. పొటాషియం కంటెంట్ ఎక్కువగా ఉన్నందున గుండె ఆరోగ్యానికి చాలా ముఖ్యమైనది. దీనితో శరీరంలో ఎర్ర రక్త కణాల ఉత్పత్తికి, గుండె ఆరోగ్యాన్ని కాపాడుకోవడానికి చాలా మేలు జరుగుతుంది.
స్వీట్ పొటాటోలో బీటా కెరోటిన్, విటమిన్ సి అధికంగా ఉంటాయి. అవి శరీరానికి అవసరమైన శక్తిని ఉత్పత్తి చేయడంలో సాయపడతాయి. బాహ్య ఇన్ఫెక్షన్లతో పోరాడటానికి శరీరాన్ని సిద్ధం చేస్తాయి. చిలగడదుంపలు యాంటీ ఆక్సిడెంట్ గుణాలను కలిగి ఉంటాయి. ఇందులో ఉండే కార్బోహైడ్రేట్లు ఆరోగ్యాన్ని కాపాడుకోవడంలో శరీరానికి సమర్థవంతమైన చికిత్సగా చెప్పవచ్చు.
స్వీట్ పొటాటోలో బీటా కెరోటిన్ ఉంటుంది. ఇది ప్రోస్టేట్, అండాశయ క్యాన్సర్‌ను నిరోధించడంలో సహాయపడుతుంది. చిలగడదుంపలో విటమిన్ ఎ ఎక్కువగా ఉంటుంది. మహిళల్లో సంతానోత్పత్తిని పెంచడంలో కూడా ఉపయోగపడతాయి. గర్భిణీలు కూడా ఇది తీసుకోవడం మంచిది. చిలగడదుంపను రోజువారీ ఆహారంలో చేర్చుకోవచ్చు. ఉడికించి తింటే బాగుంటుంది.
