Ragi Malt Drink : రాగి మాల్ట్ డ్రింక్.. రోజూ తీసుకుంటే మీ అంత ఆరోగ్యవంతులు మరెవరూ ఉండరు-how to prepare ragi malt drink for breakfast ragi ambali ragi java millet recipe ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Ragi Malt Drink : రాగి మాల్ట్ డ్రింక్.. రోజూ తీసుకుంటే మీ అంత ఆరోగ్యవంతులు మరెవరూ ఉండరు

Ragi Malt Drink : రాగి మాల్ట్ డ్రింక్.. రోజూ తీసుకుంటే మీ అంత ఆరోగ్యవంతులు మరెవరూ ఉండరు

Anand Sai HT Telugu
Jun 12, 2024 06:30 AM IST

Ragi Malt Drink In Telugu : రాగులు ఆరోగ్యానికి బోలెడు ప్రయోజనాలు అందిస్తాయి. వీటిని రోజూ ఉదయం తీసుకుంటే మరింత ఉపయోగకరం. అందుకే రాగి మాల్ట్ డ్రింక్ తయారు చేస్తే అద్భుతాలు చూస్తారు.

రాగి మాల్ట్ డ్రింక్
రాగి మాల్ట్ డ్రింక్ (Unplash)

ఆరోగ్యం గురించి మీరు ఆందోళన చెందుతుంటే మంచి ఆహారం తీసుకోవడం చాలా ముఖ్యం. అందులో రాగులు ముఖ్యమైనవి. ఇందులో పోషకాలు ఎక్కువగా ఉంటాయి. మిల్లెట్ ధనిక, పేద అందరికీ సులభంగా లభిస్తుంది. దీని నుండి చాలా రకాల ఆహారాన్ని తయారు చేసుకోవచ్చు. అందులో రాగి మాల్ట్ డ్రింక్ కూడా ఒకటి.

రాగి ఎంత ఆరోగ్యకరమైన ఆహారమో ప్రత్యేకంగా చెప్పనవసరం లేదు. శరీరానికి అవసరమైన అనేక పోషకాలను అందించే రాగులతో బరువు తగ్గవచ్చు. మధుమేహ వ్యాధిగ్రస్తులకు కూడా ఇది మంచి ఆహారం. ఎముకలు కూడా బలంగా తయారు అవుతాయి.

మనం ఎక్కువగా రాగిముద్ద, రాగి రొట్టె, రాగి పూరీ వంటి రాగులతో చేసిన ఆహారాన్ని గురించి విని ఉంటాం. నిజానికి రాగులు ప్రతిరోజూ తింటే మీ అంత ఆరోగ్యంగా మరెవరూ ఉండరు. అలాగే రోజూ ఉదయం, సాయంత్రం కాఫీ, టీలు తాగే బదులు రాగి మాల్ట్ డ్రింక్ తాగితే మంచిది. ఉదయం పూట రాగి డ్రింక్ తీసుకుంటే మీకు బోలెడు ప్రయోజనాలు దక్కుతాయి. రాగి మాల్ట్ డ్రింక్ ఎలా తయారు చేయాలో ఇప్పుడు చూద్దాం.

రాగి మాల్ట్ డ్రింక్‌కు కావాల్సిన పదార్థాలు

మిల్లెట్ పిండి - 2 టేబుల్ స్పూన్లు, నీరు - 1 1/2 కప్పు, బెల్లం - 1 టేబుల్ స్పూన్, పాలు - 1/2 కప్పు, యాలకుల పొడి - చిటికెడు, బాదం - 4

రాగి మాల్ట్ డ్రింక్‌ తయారీ విధానం

ఒక గిన్నెలో అరకప్పు నీరు వేసి వేడి చేయాలి.

స్టవ్ మీద అలానే ఉంచి.. కాసేపటి తర్వాత రాగి పిండి కలపండి.

కొద్దిగా వేడెక్కిన తర్వాత ఉండలుగా అవ్వకుండా కలుపుకోవాలి.

మిశ్రమం గట్టిపడిన తర్వాత బెల్లం జోడించండి

తర్వాత ఈ మిశ్రమంలో పాలు వేసి మళ్లీ మిక్స్ చేసి స్టవ్ ఆఫ్ చేయాలి

చివరగా ఏలకులు వేసి, రాగి మాల్ట్‌ డ్రింక్‌ను సర్వింగ్ బౌల్‌లోకి మార్చండి

చివరగా సన్నగా తరిగిన బాదంపప్పు వేసి రాగి మాల్ట్ డ్రింక్ ఆస్వాదించండి.

తీపి ఇష్టం లేకుంటే బెల్లం బదులు ఉప్పు వేసుకోవచ్చు, అదేవిధంగా బాదం ముక్కల బదులు చిన్న ఉల్లిపాయలు వేసి రాగి మాల్ట్ తీసుకోవచ్చు.

రాగి మాల్ట్ డ్రింక్ ప్రయోజనాలు

బియ్యం, ఇతర ధాన్యాలతో పోలిస్తే రాగులలో అధిక ఫైబర్ కంటెంట్ ఉంటుంది. ఇది జీర్ణ సమస్యల నుండి ఉపశమనం పొందడంలో సహాయపడుతుంది. జీర్ణక్రియకు సంబంధించిన సమస్యలను తొలగిస్తుంది. రాగులు తింటే చాలా సేపు కడుపు నిండినట్లు అనిపిస్తుంది. త్వరగా ఆకలి వేయదు. ఈ కారణంగా మీరు తరచుగా తినడం నివారించవచ్చు. మధుమేహ వ్యాధిగ్రస్తులకు కూడా మిల్లెట్ చాలా మంచిది. అందుకే రోజు ఉదయం రాగి మాల్ట్ డ్రింక్ తయారు చేసి తీసుకోండి.

WhatsApp channel