Ayurvedic Medicine : పిల్లల్లో రోగనిరోధక శక్తిని పెంచే ఆయుర్వేద మూలికలు-how to increase immunity to children with ayurvedic medicine ,లైఫ్‌స్టైల్ న్యూస్
తెలుగు న్యూస్  /  Lifestyle  /  How To Increase Immunity To Children With Ayurvedic Medicine

Ayurvedic Medicine : పిల్లల్లో రోగనిరోధక శక్తిని పెంచే ఆయుర్వేద మూలికలు

Anand Sai HT Telugu
Feb 04, 2024 02:00 PM IST

Ayurvedic Medicine For Immunity : పిల్లల ఎదుగుదలలో పోషకాహారం ఎంత ముఖ్యమో.. రోగ నిరోధకశక్తిని అందించే ఆహారం కూడా అంతే అవసరం. పిల్లలకు ఆరోగ్యకరమైన జీవనశైలిని ఏర్పరచడంలో ఆహారం ప్రధాన అంశం.

పిల్లలకు రోగనిరోధక శక్తిని పెంచేదుకు చిట్కాలు
పిల్లలకు రోగనిరోధక శక్తిని పెంచేదుకు చిట్కాలు (Unsplash)

పిల్లలు ఆరోగ్యంగా ఉండాలంటే రోగనిరోధక శక్తి తప్పనిసరిగా కావాలి. రోగనిరోధక శక్తిని పెంచుకునేందుకు ఆయుర్వేద చిట్కాలు ఉపయోగపడతాయి. వాటిని ఫాలో అయితే పిల్లలు ఆరోగ్యంగా ఉంటారు. చిన్న వయసులో ఇచ్చే ఆహారమే పిల్లలు పెద్దయ్యాక కూడా ఉపయోగపడుతుంది. కింద చెప్పే వాటిని పిల్లలకు ఇవ్వండి. పిల్లలకు రోగనిరోధక శక్తి తక్కువగా ఉంటే భవిష్యత్తులో అనేక రకాల రోగాలు వచ్చే అవకాశం ఉంది. ఎలాంటి ఆరోగ్య సమస్యలు వచ్చిన త్వరగా తగ్గవు. అందుకే కొన్ని రకాల ఆయుర్వేద చిట్కాలు ఉపయోగపడతాయి. అవేంటో చూడండి.

తులసి ఆకుతో అద్భుతం

ఔషధ మొక్కలలో తులసి ముఖ్యమైనది. ఇందులో ఫైటోన్యూట్రియెంట్స్, ఎసెన్షియల్ ఆయిల్స్, విటమిన్ ఎ, సి పుష్కలంగా ఉన్నాయి. రోగనిరోధక వ్యవస్థను బలోపేతం చేయడానికి, బ్యాక్టీరియా ఇన్ఫెక్షన్లతో పోరాడటానికి ఉపయోగపడుతుంది. తులసి నుండి గరిష్ట ప్రయోజనాలను పొందడానికి వేడినీటిలో రెండు ఆకులను జోడించి పిల్లలకు ఇవ్వవచ్చు.

జామపండు పిల్లల్లో రోగనిరోధక శక్తిని పెంచుతుంది. ఇందులో ఉండే యాంటీవైరల్ గుణాల వల్ల శరీరంలో వ్యాధికారక క్రిములు వ్యాప్తి చెందకుండా నిరోధిస్తుంది. పిల్లలకు జామపండ్లను తినిపిస్తూ ఉండాలి. అప్పుడే ఆరోగ్యంగా ఉంటారు.

ఒక కప్పు పాలలో ఒక చిన్న ముక్క లేదా చిటికెడు లైకోరైస్ పొడిని కూడా జోడించి ఇవ్వవచ్చు. పిల్లలకు ఇది ఎంతగానో ఉపయోగపడుతుంది. వారి రోగనిరోధక శక్తిని బలోపేతం చేసేందుకు ఉపయోగపడుతుంది.

జాజికాయతో ఉపయోగాలు

జాజికాయలో యాంటీమైక్రోబియాల్ లక్షణాలు, రోగనిరోధక శక్తిని పెంచే సామర్థ్యం ఉన్నాయి. మితమైన మోతాదులో క్రమం తప్పకుండా ఇచ్చినప్పుడు చాలా ప్రయోజనకరంగా ఉంటుందని నమ్ముతారు. వారికి బాగా నిద్రపోవడానికి, దగ్గు, జలుబులకు చికిత్స చేస్తుంది. చిటికెడు జాజికాయ పొడిని కలిపి బిడ్డకు ఇవ్వవచ్చు.

అశ్వగంధ అనేది రోగనిరోధక శక్తిని పెంచే లక్షణాలతో కూడిన సమ్మేళనాలను కలిగి ఉన్న ఒక ఆయుర్వేద మూలిక. ఇది పిల్లల రోగనిరోధక వ్యవస్థకు మద్దతు ఇస్తుంది. అనారోగ్యం ప్రమాదాన్ని తగ్గిస్తుంది. అశ్వగంధను పాలలో కలిపి పిల్లలకు ఇవ్వవచ్చు. అయితే చాలా మితంగా ఇవ్వాల్సి ఉంటుంది.

జ్ఞాపకశక్తికి సరస్వతి ఆకులు

బ్రాహ్మి మెుక్క కూడా పిల్లల్లో రోగనిరోధక శక్తిని పెంచుతుంది. బ్రాహ్మి ఆకులను వాడుక భాషలో సరస్వతి ఆకులు అంటారు. ఇది జ్ఞాపకశక్తితోపాటుగా అనేక పోషకాలను అందిస్తుంది. దీని లక్షణాలు పిల్లల మానసిక శ్రేయస్సుకు మద్దతు ఇవ్వడానికి ఆదర్శవంతమైన మూలికగా చేస్తాయి.

అల్లంతో అనేక ప్రయోజనాలు

బలహీనమైన రోగనిరోధక శక్తి కారణంగా పిల్లలు కాలానుగుణ వ్యాధుల బారిన పడతారు. ఆకస్మిక జ్వరం, పొడి దగ్గు, తలనొప్పి, కీళ్ల నొప్పులు వంటివి వస్తాయి. అల్లం పిల్లలకు అనారోగ్యం రాకుండా చేస్తుంది. అల్లంలో శక్తివంతమైన యాంటీ వైరల్, యాంటీ బాక్టీరియల్ లక్షణాలు ఉన్నాయి. ఇవి మీ శిశువు రోగనిరోధక శక్తిని బలోపేతం చేయడంలో సహాయపడతాయి.అందుకే మీ బిడ్డకు అల్లం నీటిని తాగించడం చేయెుచ్చు.

గమనిక : పిల్లలకు ఏదైనా కొత్త మందులు ఇచ్చేముందు తప్పకుండా వైద్యుడిని సంప్రదించాలి. ఆయుర్వేద చిట్కాలు పాటించే సమయంలోనూ సంబంధిత నిపుణుల సలహా తీసుకోవాలి.

WhatsApp channel