Anger Control Tips : కోపాన్ని కంట్రోల్ చేయడం ఎలా? ఇదిగో సింపుల్ టిప్స్

ప్రతి మనిషికి అనేక రకాల భావోద్వేగాలు ఉంటాయి. అందులో కోపం కూడా ఒకటి. మనిషికి రోజూ రకరకాల కారణాల వల్ల కోపం రావడం సహజం. ముఖ్యంగా పనుల ఒత్తిడి కారణంగా వ్యక్తికి కోపం ఎక్కువ అవుతుంది. ఈ సమయంలో మన శరీరంలో వచ్చే హార్మోన్ల మార్పులే కోపానికి కారణమని ఆరోగ్య నిపుణులు అంటున్నారు. కొందరికి ప్రతి చిన్న విషయానికీ కోపం వస్తుంది. కానీ ప్రతిసారీ కోపం తెచ్చుకోవడం మనల్ని ప్రమాదంలో పడేస్తుంది. మితిమీరిన కోపం చాలా ప్రమాదాలకు దారి తీస్తుంది. ఇంతకీ కోపాన్ని అదుపు చేయడం ఎలా? మన కోపాన్ని తగ్గించుకోవడానికి కొన్ని టిప్స్ ఉన్నాయి.

మాట్లాడే ముందు ఆలోచించాలి. కోపం తెచ్చుకోవడం సులభం. కానీ తర్వాత పశ్చాత్తాపపడతారు. కోపంతో మాట్లాడే ముందు ఒక్క నిమిషం ఆలోచించడం మంచిది. మీరు ఆలోచనాత్మకంగా మాట్లాడేటప్పుడు, ఇతరులను బాధపెట్టే మాటలకు దూరంగా ఉంటారు.

మీరు ప్రశాంతంగా ఉన్నప్పుడు మీ ఆందోళనను వ్యక్తపరచాలి. మీ నిరాశను ఇతరులకు తెలియజేయండి. ఇతరులను బాధపెట్టకుండా, వాటిని తగ్గించడానికి ప్రయత్నించకుండా మీ ఆందోళన, అవసరాలను స్పష్టంగా, నేరుగా తెలియజేయండి.

శారీరక శ్రమ.. ఒత్తిడిని తగ్గించడంలో సహాయపడుతుంది. మీ కోపం పెరుగుతున్నట్లు మీకు అనిపిస్తే, వేగంగా నడవండి, పరుగెత్తండి. ఇతర ఆసక్తికరమైన శారీరక కార్యకలాపాలు చేయడం కోసం సమయాన్ని కేటాయించండి.

మీకు ఉన్న సమయం ఇల్లు, పిల్లల గురించి మాత్రమే కాదు. ఒత్తిడితో కూడిన సమయాల్లో మీ కోసం చిన్న బ్రేక్ తీసుకోండి. కొన్ని నిమిషాల మౌనం కూడా చికాకు లేదా కోపానికి దారితీయకుండా చేస్తుంది.

మీ పిల్లల ప్రవర్తన బాధించేలా ఉందా? అయితే అక్కడే ఉండొద్దు. కాసేప దూరంగా వెళ్లండి. మీ భాగస్వామి ప్రతిరోజూ రాత్రి భోజనానికి ఆలస్యంగా వస్తున్నారా? అయితే వారానికి కొన్ని సార్లు ఒంటరిగా తినడం అలవాటు చేసుకోండి. అలాగే, కొన్ని విషయాలు మీ నియంత్రణలో లేవని అర్థం చేసుకోవాలి. మీరు మార్చగలిగే, మార్చలేని వాటి గురించిన విషయాలపై క్లారిటీ తెచ్చుకోవాలి. కోపం దేనినీ పరిష్కరించదని గుర్తుంచుకోండి, అది పరిస్థితిని మరింత దిగజార్చుతుంది.

క్షమాపణ అనేది ఒక శక్తివంతమైన సాధనం. మీరు కోపం, ఇతర ప్రతికూల భావోద్వేగాలను కలిగి ఉండడాన్ని దీనితో వెంటనే ఆపివేస్తారు. మీ కోపాన్ని, బాధను కలిగించిన వ్యక్తిని క్షమించడం మీ ఇద్దరికీ పరిస్థితి మెరుగుపడేలా చేస్తుంది. మీ సంబంధాన్ని బలోపేతం చేయడానికి సహాయపడుతుంది.

కొన్ని జోకులు ఒత్తిడిని తగ్గించడంలో సహాయపడతాయి. మీకు కోపం తెప్పించే విషయాలు ఎదురైనప్పుడు జోక్స్ చదవండి. టీజింగ్ అనేది ఆపండి. ఇది ఇతరుల మనోభావాలను దెబ్బతీస్తుంది. అది మరింత ద్వేషాన్ని సృష్టిస్తుంది.

మీరు కోపంగా ఉన్నప్పుడు దీర్ఘ శ్వాస వ్యాయామాలు చేయండి. మీకు నచ్చితే సంగీతం వినండి. మీకు తెలిసిన మ్యూజిక్ హమ్ చేస్తూ ఉండండి. యోగా చేస్తే కూడా కోపాన్ని తగ్గించుకోవచ్చు.