white discharge: వైట్ డిశ్చార్జ్ తగ్గించే ఆయుర్వేద చిట్కాలు
white discharge: వైట్ డిశ్చార్జ్ సమస్యను ఇంట్లోనే ఎలాంటి ఆహారంతో తగ్గించుకోవచ్చో తెలుసుకోండి
వైట్ డిశ్చార్జి స్త్రీలలో సాధారణం. నెలసరికి ముందు లేదా తరువాత, అండం విడుదలయ్యే సమయంలో, శృంగారంలో పాల్గొన్నపుడు.. వైట్ డిశ్చార్జ్ అవుతుంది. కానీ నిరంతరం ఈ సమస్య వేదిస్తుంటే తప్పకుండా వైద్యుల్ని సంప్రదించాలి. లేదంటే దానివల్ల వేరే ఇన్ఫెక్షన్లు రావడం, శరీరం బలహీనంగా మారడం లాంటి సమస్యలొస్తాయి. అలాగే డిశ్చార్జి తెల్లగా కాకుండా పసుపు రంగులో లేదా ఇంకేదైనా మార్పు కనిపిస్తే సమస్య ఎక్కువగా ఉందని అర్థం. వెజైనా ప్రాంతంలో దురద ఉన్నా, లేదంటే వాసన వస్తున్నా కూడా వెంటనే వైద్య సలహాతో చికిత్స ప్రారంభించాలి.
ట్రెండింగ్ వార్తలు
డిశ్చార్జి తక్కువగానే ఉంటే ఇంట్లోనే కొన్ని చిట్కాలతో సమస్య తగ్గించుకోవచ్చు.
గంజి నీళ్లు:
బియ్యం వండి వార్చిన గంజి నీళ్లు తాగడం వల్ల ఈ సమస్య తగ్గుతుంది. దీంట్లో ఉండే పోషకాల వల్ల వైట్ డిశ్చార్జ్ తగ్గుతుంది.
తులసి:
తులసి మొక్కకున్న ఔషద గుణాల వల్ల ఈ సమస్య తగ్గే అవకాశం ఉంది. నేరుగా తీసుకోకుండా తులసి రసంలో కొద్దిగా తేనె కలిపి తాగాలి. లేదా పాలలో తులసి రసం కలుపుకుని తాగినా మంచిదే.
మెంతులు:
రెండు గ్లాసుల నీళ్లలో చెంచా మెంతులు కలిపి వేడిచేయాలి. నీళ్లు సగం అయ్యేదాకా మరిగించాలి. ఆ నీటిని చల్లార్చి తాగితే సమస్య తగ్గుముఖం పడుతుంది.
క్రాన్బెర్రీ:
మూత్రనాళ ఇన్ఫెక్షన్లు తగ్గించడంలో ఎంతగానో తోడ్పడే క్రాన్బెర్రీ ఈ సమస్యకు కూడా పనిచేస్తుంది. ఈ పండు రసం తాగినా లేదా సప్లిమెంట్లు తీసుకున్నా కూడా డిశ్చార్జ్ సమస్య రాదు.
అల్లం:
రెండు కప్పుల నీళ్లలో అంగుళం అల్లం ముక్క దంచి వేయాలి. నీళ్లు మరిగి సగం అయ్యేదాకా ఆగాలి. చల్లారాక తాగాలి. ఇది వారానికి రెండు సార్లు చేయొచ్చు.
ఉసిరి:
ఉసిరిలో విటమిన్ సి తో పాటూ, చాలా పోషకాలుంటాయి. నేరుగా కానీ లేదా ఉసిరితో చేసిన మురబ్బా, లేదా ఉసిరి పొడి తిన్నా మంచిదే. రోజూ ఒక ఉసిరి తింటే బోలెడు ప్రయోజనాలు.
ఈ జాగ్రత్తలు పాటించండి:
- వదులుగా ఉండే కాటన్ లోదుస్తులు వేసుకోవడం ద్వారా ఇన్ఫెక్షన్లు వచ్చే ప్రమాదం తగ్గుతుంది. అలాగే తడిగా ఉన్నప్పుడే లోదుస్తులు వేసుకోకూడదు. దీని వల్ల కూడా ఇన్ఫెక్షన్లు వచ్చే అవకాశం లేకపోలేదు.
- వెజైనా శుభ్ర పరచడానికి ఎలాంటి రసాయనాలు, గాఢత ఉన్న ఉత్పత్తులు వాడకూడదు.
- తక్కువ గాఢత ఉన్న సబ్బు లేదా వేడినీళ్లతో శుభ్రం చేసుకుంటే చాలు.
- మూత్రనాళ ఇన్ఫెక్షన్ల వల్ల వైట్ డిశ్చార్జ్ అవ్వచ్చు. అలాంటి సమస్యలుంటే వెంటనే చికిత్స తీసుకోండి