Morning Protein Diet | కండరాలు దృఢంగా మారేందుకు.. గ్లూటన్ ఫ్రీ స్మూతి
మార్నింగ్ ప్రొటీన్ డైట్లో భాగంగా కండరాలు దృఢంగా మార్చే స్మూతి గురించి ఇప్పుడు తెలుసుకుందాం. ఉదయాన్నే దీనిని సేవించడం వల్ల మీ ఆకలి తీరుతుంది. పైగా పూర్తి ప్రోటీన్లతో నిండి ఉన్న ఈ స్మూతి రోజూ తీసుకుంటే మీ కండరాలు దృఢంగా మారుతాయి. పైగా ఇది గ్లూటన్ ఫ్రీ కూడా. దీనిని ఎలా తయారు చేసుకోవాలో ఇప్పుడు చూద్దాం.
Morning Protein Diet | ఈ కాలంలో చాలా మందిలో కండరాల బలహీనత కామన్ అయిపోయింది. వీరంతా కండరాలు బలంగా చేసుకునేందుకు చాలా ప్రయత్నాలు కూడా చేస్తారు. ఈ క్రమంలో మనం తీసుకునే ఆహారంలో లేదా ఆహారంతో పాటుగా కొన్ని రకాల ఆహారపదార్థాలను జతచేయాల్సిందే అంటున్నారు నిపుణులు. ఉదయాన్నే తీసుకోవాల్సిన ఈ స్మూతిలోనే కండరాలను దృఢంగా చేసే అన్ని ప్రోటీన్లు ఉంటాయి అంటున్నారు. ఆ స్మూతి తయారీ విధానం ఇప్పుడు తెలుసుకుందాం.
ఈ కండరాల బలహీనతకు వయసుతో సంబంధం లేదు. ఏ వయసులో వారికైనా ఎప్పుడైనా ఇది రావొచ్చు. కొందరు తేలకపాటి లక్షణాలతో ఎక్కువ కాలం ఇబ్బందులు పడతారు. మరికొందరు సరిగా నడవలేరు. మాట్లాడలేరు, ఏ పని చేయలేరు. అలాంటి వారే కాకుండా అందరూ కండరాల బలం పెంచుకోవాల్సిన అవసరం ఎంతైనా ఉంది. అందుకే ఈ స్మూతీని మీ ముందుకు తీసుకొచ్చాం. దాని తయారీ ఇప్పుడు చూద్దాం.
కావాల్సిన పదార్థాలు
* వేయించిన శెనగలు- 2 టేబుల్ స్పూన్స్
* వేయించిన పల్లీలు-2 టేబుల్ స్పూన్స్
* పుచ్చకాయ గింజలు- 1 టేబుల్ స్పూన్
* ఓట్స్- 2 టేబుల్ స్పూన్స్
* ఖర్జూరం-1
* పాలు-1 కప్పు
* అరటిపండు-100 గ్రాములు (ముక్కలుగా కోయాలి)
* చియా సీడ్స్-2 టేబుల్ స్పూన్స్ (నానబెట్టాలి)
తయారీ విధానం
ముందుగా వేయించిన శెనగలు, వేయించిన వేరుశెనగలు, పుచ్చకాయ గింజలు, ఓట్స్, ఖర్జూరాన్ని మిక్సీ జార్లో వేసి పౌడర్లా చేసుకోవాలి. దానిలో పాలు వేసి.. అరటిపండును వేసి.. మరోసారి మిక్సీ చేయాలి.
ఇప్పుడు ఒక గ్లాస్లో నానబెట్టిన చియా సీడ్స్ వేసుకుని.. మిక్సీలోని స్మూతీని దానిలో వేసుకోవాలి. మీకు నచ్చిన నట్స్తో దానిని గార్నిష్ చేసుకుని.. లేదా మీకు నచ్చిన విధంగా గార్నిష్ చేసుకుంటే కండరాలను దృఢంగా చేసే స్మూతీ రెడీ.
మరిన్ని వివరాలు
* మొత్తం కేలరీలు- 580 గ్రాములు
* మొత్తం ప్రొటీన్-20.6 గ్రాములు
* మొత్తం ఫ్యాట్- 23.7 గ్రాములు
* మొత్తం కార్బ్స్-71.6 గ్రాములు
* మొత్తం ఫైబర్- 8.1 గ్రాములు
రోజూ ఉదయాన్నే ఈ స్మూతీని తీసుకోవడం వల్ల కండరాలు దృఢంగా మారుతాయి. ఆరోగ్యానికి చాలామంచిది. అంతేగాకుండా బరువు పెరగాలనుకునే వారు కూడా దీనిని ట్రై చేయవచ్చు.