Snacks Between Meals : లంచ్-డిన్నర్ మధ్య స్నాక్స్ ఎందుకు తినాలి?-here are reasons why snacks between meals good for your health ,లైఫ్‌స్టైల్ న్యూస్
తెలుగు న్యూస్  /  Lifestyle  /  Here Are Reasons Why Snacks Between Meals Good For Your Health

Snacks Between Meals : లంచ్-డిన్నర్ మధ్య స్నాక్స్ ఎందుకు తినాలి?

HT Telugu Desk HT Telugu
Apr 15, 2023 05:00 PM IST

Snacks Between Meals : కొంతమంది భోజనం చేసి.. ఇక అంతే అని సైలంట్ అయిపోతారు. మళ్లీ భోజన సమయం వరకూ ఏం ముట్టుకోరు. ఇలా చేస్తే మంచిదేనా? పోషకాహార నిపుణులు ఏమంటున్నారు?

స్నాక్స్
స్నాక్స్

మనలో చాలా మందికి భోజనానికి భోజనానికి మధ్య ఆకలి వేస్తుంది. కొందరు దీన్ని నియంత్రించడానికి ప్రయత్నిస్తే, మరికొందరు ఏదైనా కొంచెం తింటారు. ఈ విధంగా తినే అలవాటు చుట్టూ అనేక అపోహలు ఉన్నాయి. అంటే కేవలం స్నాక్స్(Snacks) తినడం మాత్రమే కాదు.. హెల్తీవి తింటే మంచిది. భోజనం కాకుండా స్నాక్స్ తింటే కొంతమంది జంక్ ఫుడ్ స్వతహాగా అనారోగ్యకరమైనదని నమ్ముతారు. కానీ నిజం ఏమిటంటే మీరు అల్పాహారం కోసం సరైన ఆహారాన్ని తీసుకుంటే ఆరోగ్యానికి చాలా మంచిది. పోషకాహార నిపుణుడు లోవ్‌నీత్ బాత్రా ఇటీవల తన ఇన్‌స్టాగ్రామ్ పేజీలో దీని గురించి పోస్ట్ చేశారు. స్నాక్స్ మీ ఆరోగ్యాన్ని మెరుగురుస్తుందంటున్నారు.

లవ్‌నీత్ ప్రకారం.. భోజనాల మధ్య స్నాక్స్ తినడం మన శక్తిని పెంచుతుంది. ఆపై భోజన సమయంలో అతిగా తినడాన్ని నియంత్రిస్తుంది. అవును, అతిగా తినడం వల్ల మీ జీర్ణవ్యవస్థపై ఒత్తిడి(Stress) ఉంటుంది. పోషకాల శోషణను కూడా నిరోధిస్తుంది. కాబట్టి, తేలికపాటి ఆహారం(Food) ఆరోగ్యకరమైన పేగును నిర్వహించడానికి మీకు సహాయపడుతుంది.

స్నాక్స్ ఆకలి బాధలను దూరం చేస్తుంది. మీరు మంచి చిరుతిండిని ఎంచుకుంటే, మీరు అనారోగ్యానికి గురయ్యే అవకాశాలను తగ్గించవచ్చు. బరువు తగ్గించే(Weight Loss) ఐడియాల్లో ఇది ఒకటి. పీచుపదార్థాలు ఎక్కువగా ఉండే ఆహారపదార్థాలు తినడం వల్ల ఎక్కువ కాలం కడుపు నిండిన అనుభూతి కలుగుతుందని చెబుతారు. రక్తంలో చక్కెర సమస్య ఉన్నవారికి కూడా ఈ అంశం ఉపయోగపడుతుంది. డయాబెటిక్ రోగులలో మెరుగైన బ్లడ్ గ్లూకోజ్ నియంత్రణ పరంగా స్నాక్స్ అనేక ఆరోగ్య ప్రయోజనాలను కలిగి ఉందని చెప్పబడిందని లవ్‌నీత్ అంటున్నారు.

ఎక్కువ పోషకాలను అందించే ఆరోగ్యకరమైన స్నాక్స్‌ని ఎంచుకుని తినాలి. ఉదాహరణకు కొన్ని తాజా పండ్లను భోజనాల మధ్య తినడం మంచిది. కొన్నిసార్లు, ఆకలి కారణంగా మనకు చిరాకు వస్తుంది. అయినప్పటికీ మనం ఇతర కారణాలతో తినలేం. అయితే తేలికపాటి ఆహారం(Light Food) మన శరీరానికి మొత్తం సమతుల్యతను పునరుద్ధరించడానికి, మంచి మానసిక స్థితిని ప్రేరేపించడానికి సహాయపడుతుంది.

పరీక్ష లేదా ఇంటర్వ్యూకు ముందు డ్రై ఫ్రూట్స్(Dry Fruits) తినమని ఎందుకు సలహా ఇస్తారని మీరు ఎప్పుడైనా ఆలోచించారా? దీన్ని తీసుకోవడం మన దృష్టిని మెరుగుపరచడంలో సహాయపడుతుంది. ఆకలి అనేది మనిషిని దారుణంగా చేస్తుంది. తినకుండా వదిలేస్తే.. ఆరోగ్య సమస్యలు(health problems) వస్తాయి. మీరు కావాలనుకంటే.. భోజనానికి భోజనానికి నడుమ డ్రై ఫ్రూట్స్ కూడా తినొచ్చు.

WhatsApp channel