Fathers Day Gift Ideas : మీ నాన్నకు ఇలాండి గిఫ్ట్స్ ఇవ్వండి.. ట్రెండీగా ఉంటుంది-fathers day 2024 trendy gift ideas for your lovable dad check in details ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Fathers Day Gift Ideas : మీ నాన్నకు ఇలాండి గిఫ్ట్స్ ఇవ్వండి.. ట్రెండీగా ఉంటుంది

Fathers Day Gift Ideas : మీ నాన్నకు ఇలాండి గిఫ్ట్స్ ఇవ్వండి.. ట్రెండీగా ఉంటుంది

Anand Sai HT Telugu
Jun 15, 2024 06:30 PM IST

Fathers Day 2024 : ఈ ప్రపంచంలో తండ్రి ప్రేమ చాలా గొప్పది. ఆయన మన కోసం చేసే త్యాగం వెలకట్టలేనిది. అయితే మీ తండ్రి కోసం కొన్ని ట్రెండీ గిఫ్ట్స్ ప్లాన్ చేయండి. అందుకోసం కొన్ని సలహాలు..

ఫాదర్స్ డే గిఫ్ట్ ఐడియాలు
ఫాదర్స్ డే గిఫ్ట్ ఐడియాలు (Unsplash)

తండ్రి ప్రేమ చాలా విలువైనది. పిల్లల ఎదుగుదలలో తండ్రి పాత్ర చాలా పెద్దది. తన బిడ్డకు నిస్వార్థంగా సేవలు చేస్తాడు తండ్రి. ఈ సృష్టిలో తండ్రికి సాటి ఎవరూ లేరు. ఎవరూ మన పక్కన లేకున్నా.. నేనున్నా అంటూ నిలబడే సైనికుడు తండ్రి. అలాంటి గొప్ప వ్యక్తికి ఫాదర్స్ డే రోజున కొన్ని గిఫ్ట్స్ ఇవ్వండి. ఫాదర్స్ డే రోజున మీరు మీ తండ్రికి అనేక బహుమతులు కొనుగోలు చేయవచ్చు. వారికి ఇష్టమైన ప్రదేశాలకు తీసుకెళ్లవచ్చు. ఈ ఫాదర్స్ డేకి మీ నాన్నకు ఎలాంటి బహుమతులు ఇవ్వవచ్చో తెలుసుకుందాం..

ఫైర్ టీవీ క్యూబ్‌

మీరు మీ తండ్రికి ఫైర్ టీవీ క్యూబ్‌ను బహుమతిగా ఇవ్వవచ్చు. ఇప్పుడు ఈ క్యూబ్ చాలా ఫీచర్లు, అలెక్సా ఫీచర్లతో వస్తుంది. దీని ద్వారా మీరు మీ తండ్రికి ఇష్టమైన సినిమాలు, పాటలను వినిపించేలా చేయవచ్చు. ఈ ఫాదర్స్ డే సందర్భంగా మీరు ఫైర్ టీవీ క్యూబ్‌ను బహుమతిగా ఇవ్వవచ్చు.

పోర్టబుల్ స్పీకర్‌

మీరు మీ తండ్రికి పోర్టబుల్ స్పీకర్‌ను బహుమతిగా ఇవ్వవచ్చు. దీంతో ఆయన సులభంగా సంగీతాన్ని వినగలడు. ఎంజాయ్ చేయగలడు. అనేక స్పీకర్ ఫీచర్లు ఇప్పుడు సరసమైన ధరలకు అందుబాటులో ఉన్నాయి. ఈ స్పీకర్‌ను అవసరమైన చోట కూడా తీసుకెళ్లవచ్చు.

ఇయర్ బడ్స్ 

ఇయర్ బడ్స్  ఇష్టపడని వారు ఉండరు. మీరు మీ తండ్రికి ఇయర్ బడ్స్ ను బహుమతిగా ఇవ్వవచ్చు. ఇది వారికి మంచి మ్యూజికల్ ట్రీట్ అయ్యే అవకాశం ఉంది. అనేక ఫీచర్లతో కూడిన ఇయర్ బడ్స్ ఇప్పుడు ఆన్‌లైన్‌లో అందుబాటులో ఉన్నాయి. కొని బహుమతిగా ఇవ్వండి.

కాఫీ మేకర్

కాఫీ మేకర్ ఒక గొప్ప బహుమతి. మీ తండ్రి కాఫీ ప్రియులైతే, ఈ బహుమతి అతనికి ఇష్టమైనది అవుతుంది. మీరు మీ తండ్రికి గొప్ప కాఫీ మేకర్‌ని బహుమతిగా ఇవ్వవచ్చు. దీంతో ఎప్పుడు కావాలంటే అప్పుడు కాఫీ సిద్ధం చేసుకోవచ్చు.

కాఫీ మగ్

మీరు మీ తండ్రికి ఒక కాఫీ మగ్‌ని బహుమతిగా ఇవ్వవచ్చు. దానిపై ఆయన ఫోటో ముద్రించి ఇవ్వండి. దానిలో కాఫీ తాగుతున్న క్షణాలు అందంగా ఉంటాయి. అంతేకాదు.. ఏదైనా కొటేషన్స్ రాసి కూడా ఇవ్వవచ్చు.

టీ షర్ట్

మీరు మీ తండ్రికి ఇష్టమైన రంగులో అందమైన టీ-షర్టును బహుమతిగా ఇవ్వవచ్చు. బెస్ట్ ఫాదర్, డియరెస్ట్ ఫాదర్ వంటి లైన్స్ ఉన్న టీ-షర్ట్‌ను బహుమతిగా ఇవ్వండి. కావాలి అనుకుంటే మంచి పర్స్ ఇవ్వండి. మీ తండ్రి ఫోటో ఉన్న పర్స్ ఇవ్వవచ్చు.

వంట చేసే ఇంట్రస్ట్ ఉంటే

వంట చేయడం మీ తండ్రికి ఇష్టమైన అభిరుచి అయితే వంట చేసేటప్పుడు ఉపయోగించగల టాప్‌ని ఆయనకు ఇవ్వవచ్చు. వంట చేసేటప్పుడు అతని బట్టలు మురికిగా ఉండకుండా ఇది సహాయపడుతుంది. వంట చేసినప్పుడల్లా మిమ్మల్నే గుర్తు చేసుకుంటారు.

శాండ్‌విచ్ మేకర్

మీ తండ్రికి సరైన అల్పాహారం సిద్ధం చేయడానికి ఉత్తమమైన శాండ్‌విచ్ మేకర్‌ని కొనుగోలు చేయవచ్చు. ఈ శాండ్‌విచ్ మేకర్‌తో మీ నాన్న అల్పాహారాన్ని తయారు చేసుకుంటారు.

గ్రీటింగ్ కార్డ్

మీకు మీ తండ్రిపై ఉన్న మాటలతో కవితలు రాయండి. మనసులో ఉన్న పదాలను ఓ పేపర్ మీద పెట్టండి. ఈ ఫాదర్స్ డేకి గ్రీటింగ్ కార్డ్‌ను బహుమతిగా ఇవ్వండి. ఇది జీవితాంతం మరచిపోలేని బహుమతి అవుతుంది. ఈ ఫాదర్స్ డేని మీ నాన్నతో కలిసి ఆనందించండి.

WhatsApp channel