రిచ్‌గా కనిపించాలంటే బ్రాండెడ్ దుస్తులు, వస్తువులు అవసరం లేదు! ఈ చిన్న చిన్న చిట్కాలు పాటించండి చాలు
రిచ్‌గా కనిపించాలంటే వేలకు వేలు పెట్టి బ్రాండెడ్ దుస్తులు వేసుకోవాలా? అన్నీ బ్రాండెడ్ వస్తువులే వాడాలా? అంటే ఖచ్చితంగా కాదనే చెబుతున్నారు ఫ్యాషన్ నిపుణులు. ఇవేవీ లేకుండానే చిన్న చిన్న చిట్కాలతో ఎల్లప్పుడూ రిచ్‌గా, హుందాగా కనిపించడం ఎలాగో ఇక్కడ తెలుసుకోండి.
ఫ్యాషన్ అనగానే చాలామందికి గుర్తొచ్చేది ఖర్చు. వేలకు వేలు డబ్బులు పోస్తే గానీ ఫ్యాషన్, ట్రెండ్ ని ఫాలో అవలేమనే భయం. ఏంటి.. ఫ్యాషన్ అంటే ఖర్చేనా, రిచ్‌గా కనిపించాలంటే బ్రాండెడ్ షర్ట్ లేదంటే పాపులర్ డిజైనర్ డ్రెస్సే వేసుకోవాలా? అనే సందేహం చాలా మందిలో ఉంటుంది. మీరు కూడా ఇలాగే ఆలోచించే వారైతే ఇది మీ కోసమే.
నిజానికి రిచ్ లుక్ అనేది వేసుకునే దుస్తులు, వాడే వస్తువుల ధర మీద ఆధారపడదు. వాటిని ఉపయోగించే వ్యక్తిలో ఉండే ఆత్మవిశ్వాసం, సెలెక్షన్, నీట్ ప్రజెంటేషన్ ఉంటే చాలంటున్నారు నిపుణులు. వీటన్నిటితో పాటు తక్కువ ఖర్చుతో రిచ్‌గా, ఫ్యాషనబుల్‌గా ఎలా కనిపించాలో ఇక్కడ కొన్ని చిట్కాలున్నాయి. అవేంటో తెలుసుకోండి.
బ్రాండ్ కాదు.. సెలక్షన్ ముఖ్యం
ఒక బ్రాండెడ్ లోగో కలిగిన ఖరీదైన డ్రెస్ వేసుకున్న వారికన్నా, చక్కగా ఐరన్ చేసి వేసుకున్న ప్లెయిన్, లైట్ కలర్ డ్రెస్ వేసుకున్న వాళ్లు చాలా చక్కగా, ఆకర్షణీయంగా కనిపిస్తారు. ఎందుకంటే ఫ్యాషన్ ఫాలో అవడం అంటే బ్రాండెడ్, లగ్జరీయస్ వస్తువులు, దుస్తులను ఎక్కువ ఖర్చు చేసి కొనడం కాదు. మనలో ఉన్న ఎంపిక జ్ఞానాన్ని ఉపయోగించడం. అంటే మన సెన్స్ ఆప్ సెలక్షన్ ను సరిగ్గా ఉపయోగించడమే.
మిడిల్ క్లాస్ వాళ్లు కూడా రిచ్‌గా కనిపించచ్చు
- చాలా మంది మిడిల్ క్లాస్ వాళ్లు చూడటానికి చాలా రిచ్ గా, హుందుగా కనిపిస్తారు. ఎందుకుంటే వారి సెలక్షన్ అలా ఉంటుంది. వారు జారా, మ్యాంగొ, ఎల్వీ లాంటి బ్రాండ్లను ఉపయోగించకుండానే అందిరినీ ఆకట్టుకునేలా కనిపిస్తారు. ఎలాగంటే..
- బ్రాండ్ వాడకుండానే రిచ్‌గా, హుందాగా కనిపిచాలంటే ఎల్లప్పుడూ మృదువైన లేత రంగులను(soft colors) ఎంచుకోవాలి.
- అలాగే గ్టిట్టర్ కలిగనవి కాకుండా మ్యాటీ ఫినీష్ ఫ్యాబ్రిక్స్‌ని ఎంచుకోవాలి.
- నెట్టెడ్ డ్రెస్సులకు బదులుగా మృదువైన దుస్తులను వేసుకోవాలి.
- ఎక్కువగా అలంకరించుకోకుండా సింపుల్ గా రెడీ అవాలి. వేసుకన్న ఒకటి రెండు వస్తువులు అయిన రైట్ ఛాయస్ అయి ఉండాలి. అన్నింటికీ మించి ముఖంలో నవ్వు ఉండాలి. అదే అన్నింటికన్నా మంచి లుక్ ని ఇచ్చేది.
తక్కువ ఖర్చుతోనే స్టైల్‌గా కనిపించాలంటే ఏం చేయాలి?
ఫ్యాషన్ భాషలో రిచ్ అంటే డబ్బు, బ్రాండ్ కాదు సెన్స్ ఆఫ్ సెలక్షన్ అండ్ ప్రజెంటేషన్. మన దగ్గర న్న రూ. 500 డ్రెస్‌ని కూడా రూ.5000దానిలా కనిపించేలా చేయగలిగితే… అదే fashion sense. ఇందుకు ప్రత్యేకంగా ఏమీ చేయవల్సిన అవసరం లేదు . మీరు ఎంచుకునే వాటిలో చిన్న చిన్న మార్పులు చేస్తే చాలు:
- ప్లెయిన్, సాఫ్ట్ కలర్స్ దుస్తులు: ముదురు రంగులు ఎప్పుడూ చూడగానే అతిగా, ఎబ్బెట్టుగా కనిపిస్తాయి. లేత రంగులు అందిరనీ ఆకర్షించేలా ఉంటారు.
- ఎంచుకునే ఫ్యాబ్రిక్ చాలా ముఖ్యం: రిచ్ గా కనిపించాలంటే కాటన్, లినెన్ వంటి మెత్తటి దుస్తులను శ్రద్ధగా ఎంచుకోండి.
- శుభ్రంగా కనిపించే చెప్పులు: మీరు వేసుకునే షూ లేదా చెప్పుల మీద మరకలు, మట్టి వంటివి లేకుండా నీట్ గా, శుభ్రంగా ఉండేలా చూసుకోండి.
- సింపుల్ లుక్ : రిచ్‌గా కనిపించాలంటే అన్నీ బ్రాండెడ్ వస్తువులే ధరించాల్సిన అవసరం లేదు. సింపుల్‌గా ఎలిగాంట్‌గా కనిపించే వాచీ, చైన్ వంటివి కూడా మీ లుక్ ను డబుల్ చేస్తాయి.
- సహజమైన సౌందర్యం: మేకప్ లిప్ స్టిక్ వంటి వేసుకోకుండా సహజంగా, అందంగా కనిపించడమే అసలైన రిచ్‌నెస్.
- ముఖం మీద చిరునవ్వు: ఎన్ని కోట్ల రూపాయలతో కొన్న దుస్తులు, వస్తువులు మీ దగ్గరనున్నా మీ ముఖం మీద చిరునవ్వు లేకపోతే అవన్నీ వృథా.
- శరీర భాష బాగుండాలి (body language): రిచ్ గా, స్టైల్ గా కనిపించాలంటే బయట కనిపించే వాటికన్నా లోపలున్న మీ ఆత్మవిశ్వాసం, నమ్మకం వంటివి చాలా ముఖ్యం. మీ శరీర భాష మీ లుక్ పూర్తిగా మార్చేస్తుంది?
- మాట తీరు బాగుండాలి(సోఫ్ట్ టోన్): ఎదుటి వ్యక్తితో మీరు మాట్లాడే తీరు, పద్ధతి కూడా మిమల్ని రిచ్‌గా చూపిస్తాయి.
ఇవేవీ బ్రాండ్ కాదు కానీ ఇవి మీకు క్లాసీ, రిచ్ లుక్ ఇస్తాయి. మీ మొత్తం పర్సనాలిటీని ఇవి షైన్ చేస్తాయి. ఇవి దుస్తులకన్నా ఎక్కువగా ఇంప్రెస్ చేస్తాయి.
సంబంధిత కథనం