Eye Stye । కంటి కురుపు ఏర్పడినపుడు ఏం చేయాలి? ఏం చేయకూడదు, చూడండి!

కళ్లకు సంబంధించి తలెత్తే సాధారణ అనారోగ్య సమస్యలలో కంటికురుపు ఒకటి. ఇది రెప్పలలోని తైల గ్రంధుల సంక్రమణ వలన కలుగుతుంది. కనురెప్పలపై ఉండే వెంట్రుకల ఫోలికల్ ఇన్ఫెక్షన్ కు గురైనపుడు లేదా అది ముసుకుపోయినపుడు అక్కడ ఒక కురుపు లేదా పొక్కులాగా (Stye) ఏర్పడుతుంది. ఇది మెల్లిమెల్లిగా పెరుగుతూ గడ్డలాగా తయారవుతుంది. దీంతో కనురెప్ప ఎర్రగా వాస్తుంది, బాధాకరమైన నొప్పి కలుగుతుంది, తీవ్రమైన అసౌకర్యం ఉంటుంది. దీనిని నొక్కటానికి ప్రయత్నించవద్దు, ఇది మరింత పెద్దగా మారుతుంది, కనురెప్ప మూసుకుపోయేంతలా తీవ్రం అవుతుంది.

కంటికురుపు సాధారణంగా 1-2 వారాలలో దానంతటదే తగ్గిపోతుంది. ఈ సమయంలో వెచ్చని కంప్రెస్‌లు, యాంటీబయాటిక్ క్రీములు పెయిన్ కిల్లర్లు ఉపయోగించడం ద్వారా లక్షణాలను తగ్గించవచ్చు.

Treatment for Stye- కంటికురుపుకు చికిత్స?

HT లైఫ్‌స్టైల్‌కి ఇచ్చిన ఇంటర్వ్యూలో, అపోలో హాస్పిటల్స్‌లోని ఆప్తాల్మాలజీ సీనియర్ కన్సల్టెంట్ డాక్టర్ ఉమా మల్లయ్య కంటి కురుపు గురించి వివరించారు. కంటికురుపు ఏర్పడినపుడు ఏం చేయాలి? ఏ చేయకూడదో సూచనలు అందజేశారు. వారి ప్రకారంగా కంటికురుపును ఇంటి వద్దనే ఎలా చికిత్స చేయవచ్చో ఇక్కడ తెలుసుకోండి.

ప్రభావిత ప్రాంతాన్ని శుభ్రం చేయండి

కనురెప్పను శుభ్రం చేయడానికి తేలికపాటి సబ్బు, గోరువెచ్చని నీటిని ఉపయోగించండి. కంటికురుపు ఏర్పడిన ప్రభావిత ప్రాంతాన్ని సున్నితంగా శుభ్రం చేయడానికి శుభ్రమైన, వెచ్చటి తడి గుడ్డను ఉపయోగించండి. ఇది చికాకు కలిగించే ఏదైనా శిథిలాలను తొలగించడానికి , నొప్పి నుంచి ఉపశమనం కలిగించడానికి సహాయపడుతుంది. గుడ్డ వేడిని కోల్పోవడం ప్రారంభించిన తర్వాత, మళ్లీ వేడి తడిపి, 5 నుండి 10 నిమిషాల వరకు ప్రక్రియను పునరావృతం చేయండి. ఆపై ఆ ప్రాంతాన్ని సున్నితంగా మసాజ్ చేయండి. ఇలా రోజులో రెండు మూడు సార్లు 5 నుండి 10 నిమిషాల పాటు రిపీట్ చేయాలి.

వెచ్చని కంప్రెస్ అందించండి

ఒక కాటన్ గుడ్డను గోరువెచ్చగా చేసి ప్రభావిత కంటికి 10-15 నిమిషాలు అనేక సార్లు ఒక వెచ్చని కంప్రెస్ను వర్తించండి. ఇది అసౌకర్యం, నొప్పి నుంచి ఉపశమనానికి సహాయపడుతుంది, కంటి కురుపు తగ్గిపోయేలా చేస్తుంది. అయితే కంటిని తాకేటపుడు మీ చేతులను ఎల్లప్పుడూ పరిశుభ్రంగా ఉంచుకోండి, తరచుగా చేతులు కడుక్కోండి.

ఓవర్-ది-కౌంటర్ పెయిన్ రిలీవర్లు

మీరు నొప్పి లేదా అసౌకర్యాన్ని భరించలేకపోతే ఎసిటమైనోఫెన్ లేదా ఇబుప్రోఫెన్ వంటి ఓవర్-ది-కౌంటర్ నొప్పి నివారణలను తీసుకోవచ్చు. అయినా తగ్గకపోతే వైద్యులను సంప్రదించాలి. నేత్ర వైద్యుడు సూచించిన విధంగా యాంటీబయాటిక్ ఐడ్రాప్స్ వేసి, యాంటీబయాటిక్ ఐ ఆయింట్మెంట్ రాయండి.

What Shouldn't Do With Stye- ఏం చేయకూడదు?

• కంటి కురుపును నొక్కడం గానీ, దాని నుండి చీమును పిండడానికి ప్రయత్నించవద్దు. ఇది సంక్రమణను మరింత తీవ్రతరం చేస్తుంది, వ్యాప్తికి కారణమవుతుంది.
• కంటికురుపు ఉన్నప్పుడు కాంటాక్ట్ లెన్స్‌లను అస్సలు ధరించకూడదు, ఎందుకంటే అవి బ్యాక్టీరియాతో కలుషితమవుతాయి, కాబట్టి ఇది కంటికి మరింత చికాకు కలిగించవచ్చు. అందువల్ల నయం అయ్యే వరకు వాటిని ధరించడం మానుకోండి.
• మీకు కంటి కురుపు ఉన్నప్పుడు ప్రభావిత ప్రాంతంలో మేకప్ ఉపయోగించకుండా ఉండండి. కంటి అలంకరణకు సంబంధించి ఏ ఉత్పత్తులు వాడకండి. ఇది ఇన్ఫెక్షన్ ను మరింత తీవ్రం చేస్తుంది.
• మీరు ముఖం తుడుచుకున్న టవల్స్‌ను వేరొకరు తాకకుండా చేయకండి, ఎందుకంటే కొన్ని రకాల కంటికురుపులు అంటువ్యాధి వంటివి. ఇవి ఇతర వ్యక్తులకు సంక్రమించవచ్చు.

ఈ రకమైన చికిత్సతో కంటికురుపులు తగ్గిపోతాయి. ఒకవేళ మళ్లీమళ్లీ కంటికురుపులు వస్తుంటే, కారణం తెలుసుకునేందుకు నేత్ర వైద్యులు బయాప్సీని కూడా చేయవచ్చు. శాశ్వత పరిష్కారానికి సర్జరీ చేసే అవకాశం కూడా ఉండవచ్చు.