Colon Health: ఈ ఆహారాలు రోజూ తిన్నారంటే పెద్ద పేగు క్లీన్ అయిపోతుంది

పొట్ట ఆరోగ్యంగా ఉంటేనే మీ శరీరం మొత్తం ఆరోగ్యంగా ఉన్నట్టే. అదే పొట్టలో గడబిడ మొదలైతే ఏ పనీ చేయలేదు. పొట్టలో పేగులు ఎంతో ముఖ్యమైనవి. పేగులో చెడు బ్యాక్టీరియా పెరుగుదల, మంచి బ్యాక్టిరియా అసమతుల్యత వంటివి ఆరోగ్య ప్రమాదాలను, మలబద్ధకం వంటి సమస్యలను తీసుకువస్తాయి. మలబద్దకం ఉన్నవారికి ఆ సమస్య తీవ్రమైతే ఎంతో ప్రమాదం. వీరికి జీర్ణశయాంతర సమస్యలు వచ్చే అవకాశం ఉంది.

పెద్ద పేగులు ఆరోగ్యకరంగా లేకపోతే తరచూ వికారంగా అనిపిస్తుంది. పెద్దపేగుల కోసం కొన్ని ప్రత్యేక ఆహారాలు తినడం ద్వారా సమస్యలను దూరం చేసుకోవచ్చు. శరీరాన్ని శుభ్రపరచడానికి అనేక మార్గాలు ఉన్నట్లే, పెద్దప్రేగును సహజంగా శుభ్రపరచడం వల్ల పెద్దప్రేగు క్యాన్సర్, బాక్టీరియల్ ఇన్ఫెక్షన్లు వంటి వివిధ కొలొరెక్టల్ వ్యాధులను నివారించవచ్చు.

మల విసర్జన, మూత్ర విసర్జన మాదిరిగానే

క్రమం తప్పకుండా ప్రతిరోజూ మలవిసర్జన చేయాల్సిన అవసరం ఉంది. దీని వల్ల పెద్దప్రేగు ఆరోగ్యాన్ని కాపాడుకోవచ్చు. రోజుకు ఒక్కసారైనా మల విసర్జన చేయడం వల్ల ఆరోగ్య ప్రమాదాలను నివారించవచ్చు.

ఎక్కువ సేపు మలాన్ని ఆపుకోవడం శరీరంపై ప్రభావం చూపుతుంది. మల విసర్జన నుండి మలాన్ని తిరిగి పెద్ద పేగులోకి నెట్టడానికి కండరం పనిచేస్తుంది. దీనివల్ల మలం లోని నీరు తిరిగి శరీరంలోకి, మలంలోకి శోషణకు గురవుతుంది. దీనివల్ల పెద్దపేగు ఆరోగ్యం దెబ్బతింటుంది .

ఒక వ్యక్తి మలం పెద్దప్రేగులో ఎక్కువసేపు ఉంటే చెడు బ్యాక్టీరియా ఉత్పత్తికి దారితీస్తుంది. ఇది అధిక గ్యాస్ట్రిక్, అపానవాయువు సమస్యలను కలిగిస్తుంది. ఎక్కువసేపు మలం నిలుపుకోవడం వల్ల మీ మల కండరాలపై ఒత్తిడి పెరుగుతుంది. దీనివల్ల మలం గట్టిగా మారుతుంది. మలబద్ధకం, పైల్స్, వచ్చే అవకాశాలను పెంచుతుంది.

సహజంగా పెద్దప్రేగును శుభ్రపరిచే కొన్ని ఆహారాలు ఇక్కడ ఉన్నాయి.

ఆపిల్

పెక్టిన్ అధికంగా ఉండే ఆపిల్స్ సహజ భేదిమందులా పనిచేస్తుంది. ఆరోగ్యకరమైన ప్రేగు కదలికను ప్రోత్సహిస్తాయి. ఆపిల్ పండ్లలో ఫైబర్ అధికంగా ఉంటుంది. ఇది జీర్ణక్రియకు ప్రయోజనకరంగా ఉంటుంది. గట్ ఆరోగ్యాన్ని ప్రోత్సహిస్తుంది.

ఆకుపచ్చ కూరగాయలు

ఆకుపచ్చని కూరగాయల్లో మెగ్నీషియం ఎక్కువగా ఉంటుంది. ఆకుపచ్చ కూరగాయలు మీ పొట్టను ఉపశమనం చేస్తాయి. ఆరోగ్యకరమైన ప్రేగు కదలికకు దారితీస్తాయి. ఇందులో ఉండే మెగ్నీషియం పెద్దప్రేగు ఆరోగ్యాన్ని కాపాడటానికి సహాయపడుతుంది.

చియా విత్తనాలు

ఒమేగా -3 కొవ్వు ఆమ్లాలు, ఫైబర్ అధికంగా ఉండే చియా విత్తనాలు పొట్ట ఆరోగ్యానికి అద్భుతమైన ఆహారం. పేగులో హానికరమైన బ్యాక్టీరియా పెరుగుదలను నిరోధిస్తుంది. మంచి బ్యాక్టీరియా పెరుగుదలకు తోడ్పడుతుంది. ఇది పొట్ట మొత్తం ఆరోగ్యాన్ని మెరుగుపరుస్తుంది.

ఓట్ మీల్

ప్రతిరోజూ ఓట్స్ మీల్ తింటే శరీరానికి తగినంత ఫైబర్ లభిస్తుంది. పెద్దప్రేగుకు ప్రయోజనకరమైన ఫైబర్ ఆరోగ్యకరమైన జీర్ణక్రియకు దారితీస్తుంది. ఓట్ మీల్ ప్రేగు కదలికను నియంత్రిస్తుంది. మలబద్దకం వంటి సమస్యలను నివారిస్తుంది.

అల్లం

అల్లంలో యాంటీఆక్సిడెంట్స్ పుష్కలంగా ఉంటాయి. అల్లం మలబద్ధకం, ఇతర కడుపు సమస్యలను తగ్గిస్తుంది. జీర్ణ ఆరోగ్యాన్ని మెరుగుపరుస్తుంది. కడుపు నొప్పి, మంటను నివారిస్తుంది. ఇది బరువు తగ్గడానికి దారితీస్తుంది. కొలెస్ట్రాల్ స్థాయిలను తగ్గిస్తుంది. ఇది వికారం కూడా తగ్గిస్తుంది.

(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)