Today Motivation: సమస్య వచ్చిందని బాధపడుతూ ఆగిపోకండి, మీ దృష్టిని పరిష్కారం వైపుకు మళ్లించండిలా!-dont worry about the problem focus on the solution and go on ,లైఫ్‌స్టైల్ న్యూస్
తెలుగు న్యూస్  /  లైఫ్‌స్టైల్  /  Today Motivation: సమస్య వచ్చిందని బాధపడుతూ ఆగిపోకండి, మీ దృష్టిని పరిష్కారం వైపుకు మళ్లించండిలా!

Today Motivation: సమస్య వచ్చిందని బాధపడుతూ ఆగిపోకండి, మీ దృష్టిని పరిష్కారం వైపుకు మళ్లించండిలా!

Ramya Sri Marka HT Telugu

కష్టాలు, సవాళ్లు వచ్చినప్పుడు తలపట్టుకుని బాధపడుకుంటూ కూర్చోకండి. వాటిని నుంచి కొన్నివిషయాలను నేర్చుకొని అభివృద్ధి చెందడానికి మార్గాలుగా మార్చుకోండి. మీ దృష్టిని కేవలం సమస్యపైనే ఉంచకుండా పరిష్కారం వైపుకు మళ్లించండి.

సవాళ్లను మార్గాలుగా మార్చుకోండి (Unsplash)

జీవితంలో జరిగే మాయాజాలం ఏంటంటే కష్టాలు, సవాళ్లు మళ్లీ మళ్లీ వస్తుంటాయి. సంతోషాలు కూడా చెప్పాపెట్టకుండానే వచ్చి ఆశ్చర్యపడతాయి. పరిస్థితి ఏదైనా దాని నుంచి మనం తప్పక ఏదో ఒక విషయాన్ని నేర్చుకోవాలి. వాటికి తగ్గట్లుగా మనల్ని మనం మార్చుకొని లోకం ముందు నిలబడాలి. ముఖ్యంగా కష్టాలు, సవాళ్లు ఎదురైనప్పుడు ఏమీ చేయలేకపోతున్నాను అని తలపట్టుకుని కూర్చోకూండా. వాటిని ఎలా పరిష్కారించాలో ఆలోచించాలి.

వాస్తవానికి సమస్య వచ్చినప్పుడు ధైర్యంగా నిలబడటం పరిష్కారం దిశగా అడుగులు వేయడం అందరికీ సాధ్యమయే పని కాదు. చాలా మందికి అది అసాధ్యంగా అనిపించచ్చు. కానీ తలచుకుంటే దీన్ని సుసాధ్యం చేయచ్చు. ప్రతి సమస్య నుంచి చక్కటి పాఠాన్ని నేర్చుకోవచ్చు. వాటిని భవిష్యత్తు కోసం మార్గాలుగా మలుచుకోవచ్చు. ఇందుకోసం మీరు కొన్ని విషయాలను అలవాటుగా మార్చుకోవాల్సి ఉంటుంది. అవి ఏమిటో చూడండి.

సంతృప్తి పడటం నేర్చుకోండి

మ జీవితంలో మీ దగ్గర లేని వాటి గురించి ఎప్పుడూ ఆలోచించకండి. వాటిని సమస్యలుగా ఫీలవకండి. మీ దగ్గర ఉన్న వాటి గురించి, మీతో ఉన్న మనుషుల గురించి తలచుకోండి. ఉన్న వాటి గురించి సంతృప్తి పడండి. ఇది మీకు ఒత్తిడిని తగ్గించి, సంతోషాన్ని పెంచుతుంది.

వెంటనే ప్రతిచర్య చూపించకండి

పరిస్థితులు మీకు అనుకూలంగా లేవు అనిపించినప్పుడు, మీరు మంచి మానసిక స్థితిలో లేనప్పుడు నిర్ణయాలు తీసుకోవడం మానేయండి. ఇతరులు మిమ్మల్ని బాధపెట్టినా, మోసం చేసినా వెంటనే ప్రతిస్పందించకండి. కొంత సమయం తీసుకుని సమస్య ఏంటని ఆలోచించి ప్రతిస్పందించండి. ఇలా చేయడం వల్ల మీరు అనవసరమైన సమస్యలు, తప్పులకు దూరంగా ఉండగలుగుతారు.

పరిష్కారాలపై దృష్టి పెట్టండి, సమస్యలపై కాదు

సవాళ్లు, కష్టాల నుంచి ఎల్లప్పుడూ ఏదో ఒకటి నేర్చుకోవడానికి ప్రయత్నించండి. అభివృద్ధి చెందడానికి వాటిని మార్గాలుగా మలుచుకోండి. ఏది తప్పు అనే దానిపై దృష్టి పెట్టకుండా, ఏం చేస్తే ఒప్పు అవుతుందా అని ఆలోచించండి. మీ మెదడును సమస్యలకు సరైన పరిష్కారాల వైపు మళ్లించండి.

నేర్చుకోవాలనే తపన పెంచుకోండి

నిరంతరం నేర్చుకోవడం అనేది మీకు అంగీకరించే సామర్థ్యాన్ని పెంచుతుంది. వృత్తి వ్యాపారాల్లో, మీ పని ప్రదేశాలలో అవసరమైన వాటిని చేయడంలో మిమ్మల్ని తీర్చిదిద్దుతుంది. ఇది మీ జీవితంలో ఒక వ్యక్తిగా అభివృద్ధి చెందడంలో సహాయపడుతుంది.

మెచ్యూరిటీ కలిగిన వ్యక్తులతో ఉండండి

మీరు తిరిగే స్నేహితులను బట్టి మీ స్వభావాలు మారతాయి. మీ చుట్టూ ఉన్న వ్యక్తులు కూడా వాటిని బట్టే మీకు విలువనిస్తారు. కాబట్టి మీరు ఎల్లప్పుడూ మీ చుట్టూ పాజిటివ్ ఆలోచనలు కలిగిన వ్యక్తులను, మెచ్యూరిటీతో ప్రవర్తించే వ్యక్తులను ఉంచుకోవడం మంచిది. ఇది మీ మానసిక స్థితిపై గణనీయమైన ప్రభావాన్ని చూపుతుంది. మీకు చక్కటి వ్యక్తిత్వాన్ని, విజయాన్ని బహుమతిగా అందిస్తుంది.

గతం నుంచి బయటకు రండి

ప్రతికూల ఆలోచనలు, గత కాలపు గాయాలను మనసులో ఉంచుకొని బాధపడుతూ కూర్చోకండి. మనసును ప్రశాంతంగా ఉంచుకుని ముందుకు సాగడం నేర్చుకోండి. ఇది మీ సమయం, భావోద్వేగాలను కాపాడటానికి సహాయపడుతుంది.

శిక్షణ

ఏ పని తలపెట్టినా అది విజయవంతం చేసేందుకు నిరంతరం ప్రయత్నిస్తూ ఉండండి. మీకు రోజులు గడుస్తున్న కొద్దీ మంచి ఫలితాన్ని చేరువ చేస్తుంటుంది. కాబట్టి నిరంతర ప్రయత్నం, శిక్షణ రెండిటికీ సమానమైన ప్రాధాన్యత ఇస్తూ కొనసాగండి.

కాబట్టి, మంచి అలవాట్లను చదివి వదిలేయడం వల్ల మాత్రమే ప్రయోజనం ఉండదు. వాటిని మీరు రోజువారీ జీవితంలోకి తీసుకొస్తేనే పూర్తి ప్రయోజనం లభిస్తుంది. జీవితంలో వృద్ధి సాధించడం, ఉన్నతమైన స్థానాలకు చేరుకోవడం, భవిష్యత్ పతనం కాకుండా కాపాడుకోగలం. వీటన్నిటికీ మీ ప్రవర్తనలే కారణం అని గ్రహించి మంచి అలవాట్లను అలవరుచుకోండి.

Ramya Sri Marka

eMail
రమ్య శ్రీ మార్క హిందుస్థాన్ టైమ్స్‌లో సీనియర్ కంటెంట్ ప్రొడ్యూసర్. జర్నలిజంలో 8 సంవత్సరాలకు పైగా అనుభవం ఉన్న ఆమె లైఫ్ స్టైల్, ఆస్ట్రాలజీ వార్తలు రాయడంలో ప్రత్యేకత కలిగి ఉంది. కాకాతీయ యూనివర్సిటీలో జర్నలిజం అండ్ మాస్ కమ్యూనికేషన్ అండ్ జర్నలిజంలో పీజీ పట్టా పొందారు. గతంలో ఈనాడు, టీన్యూస్, ఈటీవీ భారత్ వంటి సంస్థల్లో కంటెంట్ రైటర్‌గా పని చేశారు.లింక్డ్‌ఇన్‌లో ఆమెతో కనెక్ట్ అవ్వండి.

సంబంధిత కథనం