లైంగిక ప్రక్రియకు సంబంధించి ఇవన్నీ అపోహలే నమ్మకండి, ఆ సమయంలో ఈ తప్పులు చేయకండి
లైంగిక ప్రక్రియ గురించి ఇప్పటికే ఎన్నో అపోహలు ఉన్నాయి. వాటిని నమ్మే ప్రజలు కూడా ఎక్కువే ఉన్నారు. లైంగిక ప్రక్రియ గురించి బహిరంగంగా మాట్లాడే ధైర్యం ఇంకా మనకు రాలేదు. అందుకే ఆ అపోహల గురించి చదివి తెలుసుకోవాల్సిన అవసరం ఉంది.
మన సమాజంలో లైంగిక ప్రక్రియ గురించి బహిరంగంగా మాట్లాడడం ఇప్పటికీ నిషిద్ధమైన అంశంగానే చూస్తున్నారు. అందుకే దీని గురించి ఎవరూ ఎప్పుడూ బహిరంగంగా మాట్లాడే ధైర్యం చేయరు. దీని ఫలితంగా ప్రజల్లో లైంగిక అవగాహన లోపిస్తుంది. లైంగిక ప్రక్రియ గురించి అనేక అపోహలు ప్రజలలో ఉండడం చాలా సాధారణం. అవి మీ లైంగిక జీవితాన్ని కూడా ప్రభావితం చేస్తాయి.

కండోమ్ వాడకం
లైంగిక ప్రక్రియ సమయంలో కండోమ్ లు వాడే వారి సంఖ్య అధికమే. కండోమ్ ల వడకం వారి లైంగిక ఆనందంపై ప్రభావం చూపుతుందని కొంతమంది నమ్ముతారు. కండోమ్ల మందపాటి పొర వల్ల సెక్స్ చేసినప్పుడు వచ్చే అనుభూతిని పొందలేరని ఎంతో మంది అనుకుంటారు. ఈ విషయంలో ఎలాంటి నిజం లేదు. వాస్తవానికి, కండోమ్ల తయారీకి చాలా పలుచని లేటెక్స్ను ఉపయోగిస్తారు. మీకు తగ్గట్టు సరైన పరిమాణం, ఆకారంలో ఉన్న కండోమ్ను వాడడం ద్వారా ఎలాంటి లోపం లేకుండా హాయిగా లైంగిక ఆనందాన్ని పొందవచ్చు.
ప్రెగ్నెన్సీ వస్తుందా?
పీరియడ్స్ సమయంలో రక్షణ లేకుండా శృంగారంలో పాల్గొంటే ప్రెగ్నెన్సీ వస్తుందా? రాదా? అనే సందేహం ఎక్కువమందిలో ఉంది. నిజానికి ఇది వాస్తవమే. కొంతమంది మహిళలకు చాలా తక్కువ రోజులు పీరియడ్స్ ఉంటాయి. అటువంటి పరిస్థితిలో, వారి అండోత్సర్గము దశ కూడా ముందుగానే ప్రారంభమవుతుంది. ఈ సమయంలో, గర్భం దాల్చడానికి పూర్తి అవకాశం ఉంటుంది. అటువంటి పరిస్థితిలో, మీరు గర్భధారణకు సిద్ధంగా లేకపోతే, ఎటువంటి రక్షణ లేకుండా శృంగారం పాల్గొనడం మానేయండి.
లూబ్రికెంట్ అవసరమా?
సెక్స్ కోసం ఎలాంటి లూబ్రికెంట్ వాడాల్సిన అవసరం లేదని చాలా మంది నమ్ముతారు. వాస్తవానికి, సెక్స్ సమయంలో, యోని నుండి ఒక రకమైన ద్రవం ఉత్పత్తి అవుతుంది. ఇది సహజ కందెనగా పనిచేస్తుంది. కాబట్టి వారు బయటి నుండి ఎటువంటి కృత్రిమ కందెనను ఉపయోగించాల్సిన అవసరం లేదని ప్రజలు నమ్ముతారు. అయితే, నిపుణుల అభిప్రాయం ప్రకారం, యోని సరైన మొత్తంలో కందెనను ఉత్పత్తి చేయకపోవచ్చు. గర్భం, పీరియడ్స్, రుతువిరతి లేదా ఇతర రకాల వైద్య పరిస్థితుల్లో యోని నుంచి ద్రవాలు స్రవించకపోవచ్చు. అటువంటి పరిస్థితిలో, శృంగారానికి ముందు నీటి ఆధారిత కందెనను మీతో ఉంచుకుంటే మంచిది.
సైజుతో సంబంధం లేదు
చాలా మంది పురుషులు తమ పురుషాంగం పరిమాణం గురించి చాలా అభద్రత భావనతో ఉంటారు. ముఖ్యంగా అశ్లీల చిత్రాలు, ఆన్ లైన్ సెక్స్ స్టోరీలు చూసిన తర్వాత శృంగారానికి పురుషాంగం పరిమాణం చాలా ముఖ్యం అనే భావన వారి మనస్సులో ఉంటుంది. బయట కొన్ని ఉత్పత్తులు వాడడం ద్వారా తమ పురుషాంగం పరిమాణాన్ని పెంచుకోవాలనుకుంటారు. అయితే ప్రైవేట్ పార్ట్ పరిమాణాన్ని పెంచే సాధనాలు, మందులు ఇప్పటి వరకు తయారు కాలేదు. లైంగిక ప్రక్రియలో సంతోషానికి సైజుతో సంబంధం లేదు.
రెండు కండోమ్లు అవసరమా?
సెక్స్ గురించి ఎక్కువగా ఉన్న అపోహ ఏమిటంటే డబుల్ కండోమ్లను ఉపయోగించడం మంచిది. గర్భం వస్తుందని భయపడే జంటలు రెండు కండోమ్ లను కలిపి వాడితే ఎలాంటి ప్రమాదం ఉండదని అంటారు. అలా చేయడం ఎంతమాత్రం సరికాదు. ఇలా చేయడం వల్ల రెండు కండోమ్ల మధ్య ఘర్షణ పెరుగుతుందని, అవి పేలిపోయే ప్రమాదం ఉందని నిపుణులు చెబుతున్నారు. అంతే కాదు ఒక్కోసారి కండోమ్ జారిపోయే ప్రమాదం కూడా ఉంటుంది. అటువంటి పరిస్థితిలో, మంచి బ్రాండ్ కండోమ్ ఉపయోగించడం మంచిది.
(గమనిక: అధ్యయనాలు, హెల్త్ జర్నల్స్ నుంచి సేకరించిన సమాచారాన్ని మీ కోసం ఇక్కడ అందిస్తున్నాం. ఇది కేవలం సమాచారం మాత్రమే. ఇది వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి సందేహాలుంటే వెంటనే వైద్యులను సంప్రదించండి.)
సంబంధిత కథనం